Deamɔ 7:51 - Takarata pɛ Sɔ Mbombe Mbon

⁵¹ Etienne tɔa fin: «Ɛnɛ nɛ nga zu! Ɛnɛ gdɔki sila ɛnɛ nɛ zala ɛnɛ nde, ɛnɛ aze wen pɛ Sɔ na. Ɛnɛ ha sungoro *Nzɔy-Sɔtɛ swe fɛt gbesi tuka ka hio ngbabafa ɛnɛ bade.

Deamɔ 7:51 Referans Kwoze

Efeze 4:30

Nɛ ka ɛnɛ aha ngɔtɛ ha Nzɔy-Sɔtɛ pɛ Sɔ na. Hazu Nzɔy-Sɔtɛ dung tuka dafu ka Sɔ gɔna ha tɛ ɛnɛ hazu osi nde, ɛnɛ nê pɛa, nɛ nde, ma swe ndang, a beyangi ɛnɛ ha si gdangamɔ fɛt.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Deamɔ 6:10

Ma, mbwa lɛm zati ha li wa nɛ wen na, hazu a wolmɔ nɛ mbaramɔ ka *Nzɔy-Sɔtɛ haa ha wɛnɛ.

Kolose 2:11

Nɛ wal dea sɔy hinɛ Christ, Sɔ gɔna sɔru ɛnɛ kari. Gɔna sɔru ɛngɛ tɛ nɛ wal wi na, ma, yo tɛ nɛ wal Christ, nɛ yo guo gdanga ndɔkitɛ ɛnɛ yunɛ.

Rome 2:25

Mɛ ka dung nê zuife, mɛ gɔna sɔru mɛ hazu osi nde, mɛ nê wi pɛ Sɔ. Ma, dea mɛgi begbakiri mɛ sɔna, ka mɛ pam wen mbonga nɛdedea. Ma, ka mɛ pam yo na, mɛ dung tuka wan-sɔru.

Deamɔ 7:39

«Ma, hio ngbabafa ɔ tɛ ngoy mɛ ze nu Moïse na. Mbwa kafa wɛnɛ nɛ mbwa ngoya mɛ kifiri si ha Ezipte.

Deamɔ 7:27

Ma, wi ka dea gdangamɔ ha tɛ ya wa ilo wen pɛ Moïse nɛ tɔa: ‹O gdea mɛ ha zu ɔ tuka wan-le nɛ wan-gɔn kita, o?

Deamɔ 7:9

«Hio ngbabafa ɔ ndɔng dungɔ ha dea silamɔ sungiri nɛ ya mbwa, Joseph. Mbwa gdonga wɛnɛ hazu dung bala ha kandɔnu Ezipte. Ma, Sɔ dungɔ hinɛ wɛnɛ,

Deamɔ 7:35

«Hio wi mɛ kandɔ Israel bakafi se Moïse nɛ batɔ: ‹O gdea mɛ ha zu ɔ tuka wan-le nɛ wan-gɔn kita, o?› Ma, yo nê wɛnɛ ka Sɔ weka tuka wan-le nɛ *wan-kpasisi. A tomsa wɛnɛ ha mbwa nɛ wal telenge ka gbasa tɛ ha wɛnɛ ha zang kisa.