Deamɔ 7:3 - Takarata pɛ Sɔ Mbombe Mbon

³ Sɔ tɔa ha wɛnɛ: ‹Gutɛ, mɛ lak kandɔnu ɛngɛ nɛ nugala pɛ mɛ gde. Mɛ nɛ ha kandɔnu ka mi beosi ha mɛ.›

Deamɔ 7:3 Referans Kwoze

Hebro 11:8

Nɛ wal mɛkara Sɔ, Abraham zea nu Sɔ, ka saa wɛnɛ mɛ nɛ ha ma mbing kandɔnu. Hazu Sɔ gɔna nu ha wɛnɛ nde, wɛnɛ bekpa kandɔnu ɛngɛ tuka likɔ, Abraham pena nɛ ang, ngase ka wɛnɛ tɛ ing ka bhandia sɔngsi na.

2 Korente 6:17

*Kongawan tɔa fin: «Ɛnɛ akɛtini soko hinɛ hio wi ndɔng, ɛnɛ adung nɛtɛ. Ka ɛnɛ andɔ ma mɔ nzing ndang na, nɛ mi beba ɛnɛ nɛ dede kɔ.

Dede Wen hazu Jésus-Christ ka Luc ngɛraka 14:33

Mɛgi Jésus tɔa ha mbwa: «Wi fɛt ha soko ɛnɛ, ka tɛ lak hio mɔ pɛa fɛt gde na, lɛm dung wan-yambimɔ pɔm na.»

Matthieu 10:37

«Wi ka ngoy bafa wa mana nana wa pen mi, wɛnɛ lɛm dung wi pɔm na. Nɛ wi ka ngoy bem mɔ bebhoko mana mɔ bewei pen mi, wɛnɛ lɛm dung wi pɔm na.

Deamɔ 7:4

Mɛgi, Abraham laka kandɔnu Kalde gde, nɛ nɛa nɛ de le ha Haran. Ka bafa wa fea ha Haran kari, Sɔ tomsa wɛnɛ hakɛ ha kandɔnu, ka ɔ dung ang sising.