Deamɔ 7:25 - Takarata pɛ Sɔ Mbombe Mbon

²⁵ Moïse takara pɛa nde, hio ya wa being nde, Sɔ ngoya gbosisi mbwa ha tom bala nɛ wal wɛnɛ. Ma, hio ya wa ing mɛgi na.

Deamɔ 7:25 Referans Kwoze

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

Rome 15:18

Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

Deamɔ 21:19

Paul fana mbwa, nɛ a baa kasi dedemɔ ndang ndang fɛt, ka Sɔ dea nɛ wal wɛnɛ ha soko hio wi ndɔng, ka bo nê *zuife na.

Deamɔ 15:7

Nɛ ka mbwa sio kafɛ nɛdɔka, Pierre guotɛ tɔ ha mbwa: «Hio ya mi, ɛnɛ ingɔ nde, yo tɛ bo nê ngimɔ nɛdɔka, ka Sɔ saa mi ha soko ɛnɛ hazu bul *Dede Wen ha wi ndɔng, ka bo nê zuife na, tuka nde, mbwa aze yo nɛ mɛkiri Jésus.

Deamɔ 15:4

Ka mbwa hɔa ha Jérusalem, *giliwi mɔ eglize, nɛ hio wan-nɛtom nɛ hio kotowi baa mbwa nɛ dede kɔ. Mbwa baa kasi mɔ fɛt, ka Sɔ dea nɛ wal mbwa.

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Dede Wen hazu Jésus-Christ ka Luc ngɛraka 18:34

Ma, hio wan-nɛtom ze gotoa na. Hazu wen ɛngɛ bhɔna kanɛ mɔ wuso ha li mbwa. Mɛgi mbwa ing mɔ ka Jésus tɔa na.

Dede Wen hazu Jésus-Christ ka Luc ngɛraka 9:45

Ma, mbwa tɛ ing gotowen ɛngɛ na. Sɔ wuso yo tuka nde, ka mbwa aing gotoa na. Nɛ mbwa dungɔ nɛ ke mɛ ani Jésus.

Marc 9:32

Ma, hio wan-yambimɔ ing gotowen ɛngɛ na, nɛ mbwa dungɔ nɛ ke mɛ ani wɛnɛ.

1 Korente 3:9

Hazu, ɔ nê hio sɔy-tom ha tom pɛ Sɔ, nɛ ɛnɛ dung tuka fɔ pɛ Sɔ. Nɛ ɛnɛ dung fin tuka twa pɛ Sɔ.

Deamɔ 7:24

A zɔka ma wi mɛ Ezipte ha dea gdangamɔ sungiri nɛ ma wi mɔ Israel. Mɛgi, a lea tumbɔ hazu kundiki wɛnɛ, nɛ a gbɛa wi mɛ Ezipte.

Deamɔ 7:26

Hapata yala ndang Moïse kpaa hio ma wi mɔ Israel bwa ha bio tumbɔ, a kio wal mɛ gay mbwa nɛ tɔa: ‹Kara! Ɛnɛ bo nê gdiya na? Hazu ge ɛnɛ ha dea gdangamɔ ha tɛ may, ge?›