Deamɔ 6:6 - Takarata pɛ Sɔ Mbombe Mbon

⁶ Mbwa gdea wi ndɔng ha li hio wan-nɛtom, nɛ hio wan-nɛtom gdea kɔ ha zu mbwa nɛ gɔa Sɔ.

Deamɔ 6:6 Referans Kwoze

2 Timothée 1:6

Yo nê hazu ɛngi, mi gba tazu mɛ nde, ngatɛ ka Sɔ haa ha mɛ nɛ wal gdea kɔ mi ha zu mɛ, mɛ tunsi yo nɛ mbinga fin.

Deamɔ 1:24

Hapata, mbwa gɔa Sɔ nɛ tɔa: «Kongawan, mɛ ingɔ mɔ fɛt ha zang sila wi, mɛ osi ha ɔ wi ka mɛ weka ha soko wi ndɔng bwa.

1 Timothée 4:14

Ka mɛ alak dea tom nɛ ngatɛ ka *Nzɔy-Sɔtɛ haa ha mɛ gde na. A haa ngatɛ ɛngɛ ha mɛ nɛ wal kuliwen ha ngimɔ ka gili kotowi gdea kɔ ha zu mɛ.

Deamɔ 8:17

Mɛgi, Pierre nɛ Jean gdea kɔ ha zu mbwa, nɛ Sɔ haa mbwa Nzɔy-Sɔtɛ.

Deamɔ 13:3

Mɛgi mbwa zimɔ yɔngamɔ nɛ gɔa Sɔ fin. Hapata mbwa gdea kɔ ha zu Barnabas nɛ Saul nde, Sɔ awol dede wen ha zu mbwa. Nɛ mbwa gdea mbwa pen.

Deamɔ 9:17

Mɛgi, Ananias pena nɛ lea twa ɛngi. A gdea kɔ ha zu Saul nɛ tɔa: «Saul, ya mi, yo nê Kongawan Jésus ha tomsi mi ha mɛ. Yo nê wɛnɛ ka gbasa tɛ ha mɛ ka mɛ ha tɛa ha liwal. A tomsa mi nde, mɛ azɔk mɔ nɛ mbinga, nɛ nde, mɛ adon nɛ *Nzɔy-Sɔtɛ.»

1 Timothée 5:22

Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

Hebro 6:2

Yo osi fin mɔ hazu wen tili gdumso wi ha li, hazu wen gdea kɔ ha zu wi, hazu wen guotɛ ha soko hio fiowi, nɛ hazu wen kita pɛ Sɔ.

Marc 5:23

Wɛnɛ lokatɛ ha Jésus nɛting, a tɔa ha wɛnɛ: «Bem pɔm nɛ zɛlɛ, nɛ wɛnɛ tɛ bo hapɛtɛ fio. Mɛ tɛ tɛ gde kɔ ha tɛ wa ka wɛnɛ akpasi, nɛ ka wɛnɛ abhɔn nɛ zutunɔ.»

Deamɔ 9:12

Wɛnɛ zɔka nɛ lisɔ nde, ma wei, ling wa nde Ananias, lea twa nɛ gdea kɔ ha zu wa tuka nde, wɛnɛ azɔk mɔ nɛ mbinga.»

Deamɔ 19:6

Paul gdea kɔ ha zu mbwa, nɛ Nzɔy-Sɔtɛ zilo ha zu mbwa. Mbwa angara wolamɔ nɛ hio nu pɛ Nzɔy-Sɔtɛ, nɛ mbwa tɔa kuliwen.