Deamɔ 5:3 - Takarata pɛ Sɔ Mbombe Mbon

³ Ma, Pierre tɔa ha wɛnɛ: «Ananias, mɛ gbosasa sila mɛ ha *Satan hazu ge? Mɛ tɔa dalo ha *Nzɔy-Sɔtɛ, nɛ mɛ wuso ma bhalkɔ mbɔli fɔ pɛ mɛ hazu ge?

Deamɔ 5:3 Referans Kwoze

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Deamɔ 5:9

Mɛgi, Pierre tɔa ha wɛnɛ: «Ɛnɛ dea mɛng mɛ bhɔngiri nɛ wen tuka ɛngɛ we nɛ Nzɔy-Sɔtɛ pɛ *Kongawan ge nde? Zɔk, sising hio wan-gun wei mɛ ha nutwa. Mbwa beku fin mɛ pen nɛ.»

Jean 13:27

Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jacques 4:7

Mɛgi ɛnɛ hil nɛ mɛndi ha si Sɔ. Ɛnɛ zati ha li *Satan, nɛ wɛnɛ beyu ɛnɛ pen nɛyɛa.

Deamɔ 5:4

Sɔngsi ka mɛ tɛ gdongi ka fɔ ɛngɛ na, yo dungɔ nɛ pɛ mɛ, na nde? Nɛ ka mɛ gdonga, mbɔlia dungɔ fin nɛ pɛ mɛ, na nde? Ma, mɛ dea mɛng mɛ bhɔngiri nɛ gdangamɔ tuka ɛngɛ ha sila mɛ, ge nde? Mɛ tɛ tɔ dalo ɛngɛ ha hio wi na, ma, mɛ tɔa yo ha Sɔ.»

Deamɔ 5:2

A kuo ma bhalkɔ mbɔlia wusi, nɛ ko pɛa mɛkara yo. Nɛ oloa, a kuo yo nɛnɛ ha hio *wan-nɛtom.

Dede Wen hazu Jésus-Christ ka Luc ngɛraka 22:3

Mɛgi, *Satan lea sila Judas Iskariote, ma *wan-nɛtom ha soko hio bhukɔ gbala bwa.

Matthieu 13:19

Hio ma wi zea wen hazu *Kongakandɔ Ngɔn, ma, mbwa ing yo na. Mɛgi *Satan tɛ, tɛ ku yo ha sila mbwa yunɛ. Pɛ mbwa, yo gbesi tuka kpalmɔ ka teka ha liwal.