Deamɔ 4:13 - Takarata pɛ Sɔ Mbombe Mbon

¹³ Ka hio wan-kpo zuwen zɔka da pɛ Pierre nɛ Jean, mbwa yaksa, hazu mbwa ingɔ nde, wi ndɔng bwa nê hio gele wi ka tɛ yambi dɔka mɔ na. Ma, mbwa ingɔ nde, wi ndɔng bwa badung hinɛ Jésus.

Deamɔ 4:13 Referans Kwoze

1 Korente 1:27

Ma, Sɔ weka mɔ ka dung tuka wen bili ha li hio wi mɔ nzan, hazu pi nɛ foy ha li hio wan-mbarimɔ. A weka mɔ ka dung tuka mɔ pɔsa ha li mbwa, hazu pi nɛ foy ha li hio ngawi.

Jean 7:15

Hio wi yaksa pentɛ nɛ mbwa tɔa: «Wei kɛ tɛ yambi *mbonga pɛ ɔ na. Ma, wɛnɛ ingɔ takarata pɛ Sɔ nɛdedea. A dea yo mɛng?»

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Matthieu 26:73

Hapata ngimɔ tikiring, hio wi haki tiko tɛ, tɛ tɔ ha Pierre: «Kpasawen, mɛ nê ma ha soko mbwa, wal wolamɔ pɛ mɛ gbasa nde, mɛ nê wi mɔ Galile.»

Jean 7:49

Ma, hio zugiliwi ndɔng ka ing *mbonga pɛ Moïse na, mbwa mɛkara wen pɛa. Yo nê ɛngi ka Sɔ foma mbwa kari.»

Dede Wen hazu Jésus-Christ ka Luc ngɛraka 22:8

Mɛgi, Jésus tomsa Pierre nɛ Jean nde, mbwa anɛ nɛ gi yɔngamɔ Pake.

Matthieu 26:71

Nɛ a nɛa ha nu kin. Ma mbing bhoko-de tom zɔka wɛnɛ, nɛ a tɔa ha hio wi haki: «Wei kɛ dungɔ hinɛ Jésus, wi mɛ Nazaret.»

Jean 19:26

Jésus zɔka nana wa hinɛ *wan-yambimɔ ka wɛnɛ ngoya pentɛ. A tɔa ha nana wa: «Nana mi, mɛ zɔk, bem pɛ mɛ ga!»

Deamɔ 4:14

Mbwa kpa fin ma wen mɛ tɔ ha Pierre hinɛ Jean na, hazu mbwa zɔka wi ka zɛlɛ pɛa kara ha yola hapɛtɛ mbwa.

Deamɔ 4:19

Ma, Pierre nɛ Jean kiforo wen ha mbwa: «Yo nê nzeng ha li Sɔ nde, ɔ aze nu ɛnɛ pen zea nu Sɔ nde? Ɛnɛ gɔn soko wen ɛngɛ nɛ pɛ ɛnɛ tɛ.

Deamɔ 4:29

Nɛ sising, Kongawan, mɛ ze wen pɛ mbwa nde, mbwa bede ngamɔ ha tɛ ɔ. Mɛ ngasisi ɔ, hio wan-tom pɛ mɛ, ka ɔ abul wen pɛ mɛ nɛ da.

Deamɔ 4:31

Ka mbwa karsa gɔa Sɔ, nu yaka ha bhandi ka mbwa dungɔ ang. Mbwa fɛt dona nɛ Nzɔy-Sɔtɛ, nɛ mbwa bulo wen pɛ Sɔ nɛ da.

Deamɔ 9:27

Ma, Barnabas kuo wɛnɛ nɛnɛ ha pɛ hio *wan-nɛtom nɛ tɔa ha mbwa: «Saul zɔka *Kongawan ha liwal Damas nɛ Kongawan wolamɔ ha wɛnɛ. Hapata Saul bulo wen nɛ da nɛ ling Jésus ha hio wi mɛ Damas.»

Deamɔ 9:28

Angiri ha ngimɔ ɛngi, Saul tɛ bo ha dea sɔy hinɛ hio wan-nɛtom ha Jérusalem. A dungɔ ha bulo wen nɛ da nɛ ling Kongawan.

1 Korente 14:25

Mɛgi, hio mɔ ka dung nɛ wuso ha zang sila wa begbo long. A betek gɔk li ha nu, nɛ a belukisi Sɔ nɛ gbasi nde, kpasawen, Sɔ ha soko ɛnɛ.

2 Korente 3:12

Ɔ dona nɛ da, hazu ɔ gde tazu ɔ fɛt ha mɔ ndɔng.