Deamɔ 3:16 - Takarata pɛ Sɔ Mbombe Mbon

¹⁶ Wei ɛngɛ ka ɛnɛ fɛt ingɔ nɛdedea, nɛ ka ɛnɛ zɔk sising, kpasa hazu ɔ mɛkara ziomɔ pɛ Jésus. Yo nê wal gdea tazu ha tɛ Jésus, ka wɛnɛ tɛ bo nɛ dede tɛ ha li ɛnɛ fɛt.

Deamɔ 3:16 Referans Kwoze

Deamɔ 14:9

Ma swe, wei ɛngɛ dungɔ ha zea Paul ha bulo wen. Paul mbara wɛnɛ gdoo, nɛ zɔka nde, wɛnɛ nɛ mɛkaramɔ mɛ kpasi ha zɛlɛ pɛa.

Deamɔ 4:10

Lɛma nde, ɛnɛ hinɛ kandɔ *Israel fɛt aing nde, wi kɛ ka dung ha li ɛnɛ, Sɔ kpasasa wɛnɛ nɛ wal ziomɔ pɛ ling Jésus-Christ, wi mɛ Nazaret. Yo nê ndangtɛ Jésus, ka ɛnɛ ngbaa ha getakate, nɛ ka Sɔ guo wɛnɛ ha soko hio fiowi.

Deamɔ 3:6

Ma, Pierre tɔa ha wɛnɛ: «Mi bo nɛ ma mbɔli ha kɔ mi ndang na. Ma, mɔ ka dung ha kɔ mi, mi ha yo ha mɛ: Nɛ ling Jésus-Christ, wi mɛ Nazaret, mɛ gutɛ, nɛ mɛ nɛ nɔ.»

Deamɔ 16:18

A dea tuka ɛngɛ yala nɛdɔka, kanɛ sila Paul yimɔ nɛkpasa. A kiforo tɛ zɔk bhoko ɛngɛ, nɛ a tɔa ha dua: «Nɛ ling Jésus-Christ, mi ha nu ha mɛ mɛ gbo ha tɛ wa pen!» Nɛ ha ndangtɛ ngimɔ dua gboa pen.

Matthieu 9:22

Nɛ Jésus kiforo tɛ zɔk wɛnɛ, nɛ tɔa: «Nana mi, ba da! Mɛ kpasa hazu mɛ mɛkara mi.» Ha ndangtɛ ngimɔ, zɛlɛ pɛa kara.

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

Jean 14:12

Kpasawen mi tɔ ha ɛnɛ, wi ka mɛkiri mi, a bede tom ndɔng ka mi ha dea. Nɛ wia bede gasa tom pen mi, hazu mi ha kiforoa si hapɛtɛ Bafa mi.

Deamɔ 4:7

Mbwa gdea Pierre nɛ Jean ha li mbwa nɛ ana mbwa: «Ɛnɛ kpasasa wi ɛngɛ nɛ nge ziomɔ ge? Ɛnɛ de yo nɛ ling o?»

Deamɔ 3:8

A kpera yol nɛ angara nɛa nɔ. A lea gasa twa Sɔ hinɛ hio *wan-nɛtom. A yala nɛ buy nɛ totɛ, nɛ a lukoso Sɔ.

Deamɔ 4:30

Mɛ ha ngatɛ ha ɔ ka ɔ akpasisi hio wan-zɛlɛ, nɛ ka ɔ ade hio *mɔweka nɛ *mɔkifi nɛ ling Jésus, nzɔy wan-tom pɛ mɛ.»

Jean 7:23

Ɛnɛ gɔn sɔru ha swe ɔmtɛ tuka nde, ɛnɛ atukili mbonga na. Mɛgi ɛnɛ de ngambi sungiri nɛ mi hazu mi kpasasa wi ha swe ɔmtɛ hazu ge?

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

Matthieu 14:29

Jésus tɔa: «Mɛ tɛ wa!» Pierre gboa ha zang sɔngu, nɛ nɛ nɔ ha zu li ha pɛ Jésus.