Deamɔ 28:8 - Takarata pɛ Sɔ Mbombe Mbon

⁸ Bafa mɛ Publius ɔanu nɛ zɛlɛ bawetɛ nɛ sɔa tɔk. Paul lea pimbi pɛa, gdea kɔ ha tɛ wa, gɔa Sɔ, nɛ kpasasa wɛnɛ.

Deamɔ 28:8 Referans Kwoze

Deamɔ 9:40

Mɛgi, Pierre haa nu nde, wi fɛt agbo. A ngbio zigolo ha nu nɛ gɔa Sɔ. Hapata, a kiforo tɛ zɔk wɔl nɛ tɔa: «Tabita, mɛ gutɛ!» Nɛ wɛnɛ bhaa li. Ka wɛnɛ zɔka Pierre, a guotɛ dung nu.

Marc 6:5

Jésus tɛ kpa wal mɛ de mɔkifi haki ndang na. Sɔna, wɛnɛ gdea nɛ kɔ ha tɛ hio ma wan-zɛlɛ, nɛ wɛnɛ kpasasa mbwa.

Marc 16:18

Ngase ka mbwa beba hio da gɔk, mana ka mbwa benɔ hio gdanga yina, gdangamɔ ndang lɛm hɔ ha tɛ mbwa na. Mbwa begde kɔ mbwa ha zu hio wan-zɛlɛ nɛ zɛlɛ bekari.»

Matthieu 9:18

Ka Jésus boka ha tɔa wen ndɔng, ma wan-zu *twa gɔ Sɔ hɔa tɛ hil ha si wa nɛ tɔa: «Bem pɔm mɔ bebhoko fea sising-sising. Mɛ tɛ, tɛ gde kɔ ha tɛ wa, nɛ wɛnɛ betun.»

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 12:9

Nɛ ndangtɛ Sɔtɛ ɛngɛ ha ngatɛ ha ma wi mɛ mɛkiri Sɔ nɛkpasa, nɛ a ha ngatɛ ha ma mbinga mɛ karsi zɛlɛ ha tɛ wi.

Matthieu 10:8

Ɛnɛ kpasisi hio wan-zɛlɛ, ɛnɛ tunsi hio fiowi, ɛnɛ sasisi tɛ hio wan-doko, nɛ ɛnɛ yin hio gdanga sɔtɛ ha tɛ wi. Mi haa ɛnɛ ziomɔ mɛ de mɔ ndɔng nɛgbelea, mɛgi ɛnɛ ade yo fin nɛgbelea.

Matthieu 10:1

Jésus wesara hio *wan-yambimɔ pɛa bhukɔ gbala bwa. A haa mbwa ziomɔ hazu yin hio gdanga sɔtɛ, nɛ hazu kpasisi hio wan-zɛlɛ nɛ hio kumɔ wi fɛt.

Dede Wen hazu Jésus-Christ ka Luc ngɛraka 13:13

A gdea kɔ bwa ha tɛ wa, nɛ ha ndangtɛ ngimɔ wɛnɛ yafafa gdong wa nzeng nɛ a lukoso Sɔ.

Dede Wen hazu Jésus-Christ ka Luc ngɛraka 4:40

Ka swe lea, ɛ kuo hio wi ka dung nɛ tili zɛlɛ nɛtɛ-nɛtɛ nɛnɛ ha pɛ Jésus. A gdea kɔ ha tɛ mbwa ndang ndang fɛt, nɛ zɛlɛ pɛ mbwa kara.

Marc 7:32

Nɛ ka wɛnɛ hɔa haki, ɛ kuo ma wan-gdɔka zala, ka wolmɔ nɛdedea na, tɛnɛ ha pɛa. Mbwa lokatɛ ha Jésus nde, wɛnɛ agde kɔ ha tɛ wa mɛ kpasisi wɛnɛ.

Marc 5:23

Wɛnɛ lokatɛ ha Jésus nɛting, a tɔa ha wɛnɛ: «Bem pɔm nɛ zɛlɛ, nɛ wɛnɛ tɛ bo hapɛtɛ fio. Mɛ tɛ tɛ gde kɔ ha tɛ wa ka wɛnɛ akpasi, nɛ ka wɛnɛ abhɔn nɛ zutunɔ.»

Matthieu 12:13

Nɛ Jésus tɔa ha wan-yɔmba kɔ: «Yafifi kɔ mɛ!» Wɛnɛ yafafa, nɛ kɔ wa kiforo nɛ dedea tuka mbinga.

Deamɔ 28:7

Sanga nɛ bhandi ɛngi, gasa nu fɔ pɛ wan-le kisi ɛngɛ dungɔ ang. Ling wia nde Publius. A baa ɔ nɛ dede kɔ, nɛ a pama ɔ ha zang twa pɛa lɛm yala tar.

Deamɔ 28:9

Hapata ɛngi, hio olo wan-zɛlɛ mɛ kisi ɛngɛ tɛa ha pɛa, nɛ a kpasasa mbwa.