Deamɔ 28:7 - Takarata pɛ Sɔ Mbombe Mbon

⁷ Sanga nɛ bhandi ɛngi, gasa nu fɔ pɛ wan-le kisi ɛngɛ dungɔ ang. Ling wia nde Publius. A baa ɔ nɛ dede kɔ, nɛ a pama ɔ ha zang twa pɛa lɛm yala tar.

Deamɔ 28:7 Referans Kwoze

Deamɔ 28:2

Hio wi mɛ kisi ɛngɛ dea ngay ha tɛ ɔ, nɛ mbwa baa ɔ nɛ dede kɔ. Mbwa lɛa gasa we ha ɔ, hazu kolo dungɔ ha ɔla, nɛ gangmɔ ang pentɛ.

Deamɔ 23:24

Ɛnɛ abhɔngiri fin hio ma yanga mɛ toy Paul. Nɛ ɛnɛ aku wɛnɛ nɛnɛ ha li gɔfɔrma Félix nɛ dede tɛ.»

Deamɔ 18:12

Ma, ha ngimɔ ka Galion dungɔ gɔfɔrma ha zu kandɔnu Akai, hio zuife guotɛ nɛ sila ndang sungiri nɛ Paul, nɛ mbwa kuo wɛnɛ nɛnɛ ha li kita.

Deamɔ 13:7

A dungɔ hapɛtɛ Serzius Polus, gɔfɔrma mɔ kisi Shipre, ka dona nɛ ingɔmɔ. Gɔfɔrma ɛngɛ saa Barnabas hinɛ Saul ha pɛa hazu a ngoya mɛ ze wen pɛ Sɔ.

Deamɔ 28:6

Hio wi ndɔng dungɔ ha kera nde, mana tɛ Paul beha, mana a betek ha nu nɛhasa fe. Mbwa kera mɔ ngimɔ nɛzikoa gan, nɛ mbwa zɔka nde, ma gdangamɔ tɛ hɔ ha tɛ wa na. Mɛgi, mbwa kpala takaramɔ, nɛ mbwa tɔa: «Wɛnɛ nê ma sɔ.»

Deamɔ 28:8

Bafa mɛ Publius ɔanu nɛ zɛlɛ bawetɛ nɛ sɔa tɔk. Paul lea pimbi pɛa, gdea kɔ ha tɛ wa, gɔa Sɔ, nɛ kpasasa wɛnɛ.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

Hebro 13:2

Ka tazu ɛnɛ abisi nɛ baa hio gɛnɛ nɛ dede kɔ ha soko ɛnɛ na. Hazu nɛ wal baa hio gɛnɛ mɛgi, hio ma wi baba hio *telenge, ngase ka mbwa ing yo na.