Deamɔ 27:43 - Takarata pɛ Sɔ Mbombe Mbon

⁴³ Ma, kagama-bulo ngoya kpasisi Paul. Mɛgi, a dolsa mbwa mɛ de tuka mbwa bheka. Nɛ a haa nu nde, wi ndɔng ka ingɔ bhɔsa li, akperi tek ha li hazu nɛ ha nu bɛlɛ nɛ bosia,

Deamɔ 27:43 Referans Kwoze

Deamɔ 27:3

Nɛ ka mɔ saa, kuga bhanda ha Sidon. Yulius, ka dungɔ ha pama Paul nɛ *dede sila, haa wal nde, Paul anɛ ha pɛ hio dan wa, ka mbwa agbakiri wɛnɛ.

2 Korente 11:25

Ze tar, hio nasara mɔ Rome zuro mi nɛ zambala. Ze ndang, hio wi loa mi nɛ ta hazu gbɛ mi gbɛ. Ze tar, mi gɔya ha li nɛ kuga, nɛ ma ngimɔ, mi ɔa ha zang li swe ndang nɛ zɛ ndang.

Deamɔ 27:11

Ma, kagama-bulo gdea tazu wa ha wen pɛ wan-ba kuga nɛ pɛ wan-kuga pen ha wen pɛ Paul.

Deamɔ 23:24

Ɛnɛ abhɔngiri fin hio ma yanga mɛ toy Paul. Nɛ ɛnɛ aku wɛnɛ nɛnɛ ha li gɔfɔrma Félix nɛ dede tɛ.»

Deamɔ 23:10

Ka woto-wotomɔ tɛ bo nɛngaya, ke baa gasa kagama-bulo nde, mbwa betɛ gdɛri soko Paul nɛ kɔ may. Mɛgi, a haa nu nde, hio wan-bibulo atɛ tɛ zin wɛnɛ ha soko mbwa sinɛ ha zang kin.

Deamɔ 27:31

Ma, Paul tɔa ha kagama-bulo nɛ hio wan-bibulo: «Ka wi ndɔng bhɔn ha zang kuga na, ki ɛnɛ lɛm kpasi na.»

Deamɔ 27:42

Hio wan-bibulo kpoa zuwen mɛ gbɛ hio wan-zɔbhɔ fɛt yu nde, ma betɛ bhɔsi li yumɔ pen.