Deamɔ 27:1 - Takarata pɛ Sɔ Mbombe Mbon

¹ Ka Festus bhɔngara wen mɛ tomsi ɔ ha kandɔnu Itali nɛ kuga kari, a kuo Paul nɛ hio ma mbing wan-zɔbhɔ gde ha kɔ ma kagama-bulo, ling wa nde, Yulius. Ɛ sa ling zugili pɛa nde, zugili bulo pɛ *kongapora Sezar.

Deamɔ 27:1 Referans Kwoze

Deamɔ 25:25

Mi nɛ pɔm tɛ, mi kpaa nde, wɛnɛ tɛ de ma gdangamɔ ka lɛma nɛ fio ndang na. Ma, wɛnɛ nɛ tɛ wa ngoya nde, kongapora Sezar agɔn kita ha zu wa. Mɛgi, mi weka mɛ tomsi wɛnɛ ha pɛa ha gasa le Rome.

Deamɔ 25:12

Ka Festus wolamɔ hinɛ hio wan-ha mbɔla pɛa kari, a tɔa ha Paul: «Mɛ saa sala ha kongapora Sezar, mɛ benɛ ha li kongapora Sezar.»

Deamɔ 10:1

Ma wei dungɔ ha Sezare, ling wa nde, Korneille. Wɛnɛ nê kagama ha zu hio wan-bibulo gɔmmay. Ɛ sa ling zugili pɛ mbwa nde, zugili bulo mɔ kandɔnu Itali.

Deamɔ 27:11

Ma, kagama-bulo gdea tazu wa ha wen pɛ wan-ba kuga nɛ pɛ wan-kuga pen ha wen pɛ Paul.

Deamɔ 18:2

Haki a kpaa ma *zuife, ling wa nde Akilas, ka ɛ bhɛa ha kandɔnu Pon. Wɛnɛ hinɛ ko pɛa Priscille guotɛ ha Itali tɛnɛ pata tɛ yɛ ka na, hazu *kongapora Sezar Claude haa nu ha hio zuife mɛ gbo ha gasa le Rome pen. Paul nɛa ha pɛ mbwa,

Hebro 13:24

Ɛnɛ afan hio wi mɔ zu ɛnɛ fɛt, nɛ fin hio wi pɛ Sɔ fɛt. Hio ya ha Christ mɛ kandɔnu Itali fana ɛnɛ.

Deamɔ 28:16

Ka ɔ hɔa ha Rome, ɛ haa wal ha Paul mɛ ɔ ha ma twa nɛtɛ. Nɛ ma wan-bibulo ndang ha pɛm wɛnɛ haki.

Deamɔ 27:43

Ma, kagama-bulo ngoya kpasisi Paul. Mɛgi, a dolsa mbwa mɛ de tuka mbwa bheka. Nɛ a haa nu nde, wi ndɔng ka ingɔ bhɔsa li, akperi tek ha li hazu nɛ ha nu bɛlɛ nɛ bosia,

Deamɔ 27:6

Haki kagama-bulo Yulius kpaa ma kuga, ka guotɛ ha le Alezandri mɛ nɛ ha kandɔnu Itali. Nɛ wɛnɛ lesasa ɔ ha zanga.

Deamɔ 24:23

Hapata, a haa nu ha kagama-bulo nde, wɛnɛ apam Paul ha twa zɔbhɔ, ma, wɛnɛ asang Paul na. Nɛ nde, wɛnɛ aha wal ha hio dan mɛ Paul hazu zɔk nɛ gbakiri wɛnɛ.

Deamɔ 23:17

Ka Paul zea mɛgi, a saa ma kagama-bulo nɛ tɔa ha wɛnɛ: «Mɛ ku pɔlɔmbɔ wei ɛngɛ nɛnɛ ha pɛ gasa kagama-bulo. Wɛnɛ nɛ ma wen mɛ tɔ ha wɛnɛ.»

Deamɔ 23:11

Ha zɛ mɔ pata, *Kongawan gbasa tɛ ha Paul nɛ tɔa: «Mɛ ba da! Gbesi tuka ka mɛ kɛa nɛ wen pɔm hakɛ ha Jérusalem, dea ka de nde, mɛ akɛ fin wen pɔm ha Rome gbesi.»

Deamɔ 22:26

Ka kagama-bulo zea wen ɛngɛ, a nɛa nɛ tɔ wena ha gasa kagama-bulo, a tɔa: «Mɛ de mɛgɛ nɛ ge? Zɔk, wi kɛ nê bele mɔ Rome!»

Deamɔ 21:32

Sising, wɛnɛ kaya hio ma kagama-bulo hinɛ hio wan-bibulo nɛ sɔawi nɛ ha pɛ giliwi. Ka hio giliwi zɔka wɛnɛ nɛ hio wan-bibulo, mbwa laka mɛla Paul gde.

Deamɔ 19:21

Hapata mɔ ndɔng, Paul bheka mɛ gɔn hio kandɔnu Masedoane nɛ Akai hazu kifiri si ha Jérusalem. A tɔa: «Ka mi hɔa haki, dea nde, mi apen fin nɛ ha gasa le Rome.»

Deamɔ 16:10

Nɛhasa hapata ɛngi, ɔ kio wal mɛ pen ha Masedoane, hazu ɔ ingɔ nɛdedea nde, Sɔ saa ɔ mɛ nɛ nɛ bul *Dede Wen ha hio wi haki.

Deamɔ 10:22

Mbwa kiforo wen: «Yo nê Korneille, kagama-bulo, ha tomsi ɔ. Wɛnɛ nɛ nzeng nɛ mboazu ha li Sɔ. Hio wi mɔ kandɔ zuife fɛt tɔa dede lingtɛ wa. Ma telenge pɛ Sɔ tɔa ha wɛnɛ mɛ sa mɛ ha twa pɛa hazu ze wen nu mɛ.»

Dede Wen hazu Jésus-Christ ka Luc ngɛraka 23:47

Ka kagama-bulo mɔ Rome zɔka mɔ ndɔng, a lukoso Sɔ nɛ tɔa: «Kpasawen, wi ɛngɛ dungɔ nê *nzeng wi!»

Dede Wen hazu Jésus-Christ ka Luc ngɛraka 7:2

Haki, ma kagama-bulo dungɔ nɛ ma bala, ka wɛnɛ ngoya pentɛ. Nɛ bala ɛngɛ dungɔ nɛ zɛlɛ hapɛtɛ fio.

Matthieu 27:54

Kagama-bulo nɛ hio wan-bibulo ka pɛma Jésus zɔka yaka nu nɛ mɔ fɛt ka hɔa. Mɛgi gasa ke baa mbwa, nɛ mbwa tɔa: «Kpasawen, wi kɛ dungɔ nê *Bewei pɛ Sɔ.»

Deamɔ 28:1

Ka ɔ kpɔya ha ngamɔ ɛngɛ kari, ɔ zea nde, ling kisi ɛngɛ nê Malte.