Deamɔ 26:8 - Takarata pɛ Sɔ Mbombe Mbon

⁸ Hazu ge ɛnɛ, hio zuife, ha takara nde, Sɔ tunsi hio fiowi na, ge nde?

Deamɔ 26:8 Referans Kwoze

Deamɔ 4:2

Sila wi ndɔng dungɔ ha yimɔa hazu hio *wan-nɛtom ndɔng bwa osamɔ ha hio wi nde, hio wi fɛt begutɛ fin hapata fio hazu Jésus guotɛ ha soko hio fiowi kari.

Filipe 3:21

A bekifiri hio mɔka kilitɛ ɔ gde nɛ lɛkɛ-lɛkɛa tuka kilitɛ wa. A bede yo nɛ wal ndangtɛ ziomɔ ɛngɛ ka de nde, wɛnɛ agan zu mɔ fɛt.

Dede Wen hazu Jésus-Christ ka Luc ngɛraka 18:27

Jésus kiforo wen: «Mɔ ka gana wi, lɛm gan Sɔ na.»

Deamɔ 25:19

Mɔ ka dungɔ ha soko mbwa, yo sɔna nê zanga wen hazu mɔ Sɔ pɛ mbwa, nɛ hazu ma fiowi, ling wa nde, Jésus, ka Paul tɔa nde, wɛnɛ nɛ zutunɔ.

Deamɔ 23:6

Paul ingɔ nde, hio ma wan-kpo zuwen nê zugili *Sadusien, nɛ hio ma nê zugili *Farizien. Mɛgi, a gdɔra ha mbwa nɛ ngagɛl: «Hio ya mi, mi nê tɛ Farizien, bezang pɛ hio Farizien. Ɛ gdea mi hakɛ ha li kita hazu mi mɛkara nde, hio fiowi begutɛ.»

Dede Wen hazu Jésus-Christ ka Luc ngɛraka 1:37

Hazu ma mɔ ndang gan Sɔ na.»

1 Korente 15:34

Ɛnɛ ba zu ɛnɛ nɛkpasa, nɛ de fin gdangamɔ na. Hio ma ha soko ɛnɛ tɛ ing ka Sɔ nɛkpasa na, mi tɔ yo hazu pi nɛ foy ha li ɛnɛ.