Deamɔ 25:8 - Takarata pɛ Sɔ Mbombe Mbon

⁸ Paul kɛa wen tɛ wa nɛ tɔa: «Mi tɛ de gdangamɔ sungiri nɛ *mbonga pɛ hio zuife, ngase sungiri nɛ *gasa twa Sɔ, ngase sungiri nɛ *kongapora Sezar na.»

Deamɔ 25:8 Referans Kwoze

Deamɔ 28:17

Hapata yala tar, Paul saa hio gasa wi pɛ hio *zuife mɔ Rome ha pɛa. Ka mbwa wesara may, Paul tɔa ha mbwa: «Hio ya mi, mi tɛ de ma gdangamɔ ndang sungiri nɛ kandɔ *Israel, mana sungiri nɛ ndɔki deamɔ pɛ hio ngbabafa ɔ na. Ngase ɛngi, ɛ baa mi ha Jérusalem gde ha kɔ hio wi mɔ Rome.

Deamɔ 24:12

Ɛ tɛ kpa mi ha zanga wen hinɛ ma wi ha *gasa twa Sɔ na. Nɛ ɛ tɛ kpa mi ha aa sɔkira ha zala hio wi ngase ha hio *twa gɔ Sɔ, ngase ha zang Jérusalem na.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

Deamɔ 28:21

Hio zuife ndɔng tɔa ha wɛnɛ: «Ɔ tɛ kpa ma takarata pɛ hio wi mɔ Judée hazu mɛ na. Ma ya ɔ ndang tɛ hɔ hakɛ tɛ ba kasi tɛ mɛ, mana tɛ tɔ gdanga wen ha tɛ mɛ na.

Deamɔ 25:10

Ma, Paul kafa nɛ tɔa: «Mi hakɛ ha li kita pɛ kongapora Sezar. Dea ka de nde, ɛ agɔn kita ha zu mi ha bhandi ɛngɛ. Mɛ nɛ tɛ mɛ ingɔ nɛdedea nde, mi tɛ de ma gdangamɔ sungiri nɛ hio zuife ndang na.

Deamɔ 24:6

Nɛ a kio wal mɛ fɛngsi *gasa twa Sɔ pɛ ɔ fin, mɛgi ɔ baa wɛnɛ. [Ɔ ngoya mɛ gɔn kita ha zu wa lɛm nɛ *mbonga pɛ ɔ.

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.