Deamɔ 24:5 - Takarata pɛ Sɔ Mbombe Mbon

⁵ Ɔ kpaa nde, wei kɛ nê gasa gdanga wi. Wɛnɛ ha ilo hio zuife ha nzan fɛt nde, mbwa ade woto-wotomɔ. Wɛnɛ nê kagama pɛ hio wi, ka ɛ sa nde, zugili pɛ Nazaret.

Deamɔ 24:5 Referans Kwoze

Deamɔ 28:22

Ma, ɔ ngoya ze hio takaramɔ pɛ mɛ. Hazu, ha bhandi fɛt, hio wi ha sungoro zugili ɛngɛ ka mɛ ha sokoa.»

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.

Deamɔ 26:5

Mbwa ingɔ mi bhee. Ka mbwa ngoya, mbwa betɔ ha mɛ nde, mi dungɔ nê wi mɔ zugili *Farizien. Hio Farizien ha pama mɔ Sɔ pɛ ɔ nɛngaya pentɛ pet.

Deamɔ 15:5

Ma, hio ma wi ha soko zugili *Farizien ka mɛkara Jésus guotɛ tɔ nde, dea ka de nde, ɛ agɔn sɔru wi pɛ Christ ndɔng, ka bo nê zuife na, nɛ ɛ aha nu ha mbwa mɛ pam mbonga pɛ Moïse.

1 Korente 4:13

Ka hio wi ha tɔa gdanga lingtɛ ɔ, ɔ kifiri pɛ ɔ nɛ dede wen. Hɔ ha ngimɔ sising, mbwa ha zɔka ɔ tuka sara mɔ, nɛ tuka gdɔl pɛ wi mɔ nzan fɛt.

Deamɔ 21:28

Mbwa gdɔra nɛ ngagɛl: «Hio wei mɔ *Israel, ɛnɛ tɛ tɛ gbakiri ɔ! Ɛngɛ nê wei kɛ, ka bul wen ha hio wi fɛt ha bhandi fɛt sungiri nɛ kandɔ pɛ ɔ, sungiri nɛ *mbonga pɛ Moïse, nɛ sungiri nɛ gasa twa Sɔ ɛngɛ. Pen mɔ fɛt, sising a lesasa hio wi ndɔng, ka bo nê zuife na, ha gasa twa Sɔ. Tuka ɛngi, a fɛngsa nzɔy bhandi ɛngɛ.»

Deamɔ 5:17

Mɛgi, *wan-zu hio wan-hasadaka nɛ hio ngali pɛa, yo tɔ nde, hio *Sadusien, dea silamɔ sungiri nɛ hio wan-nɛtom.

Dede Wen hazu Jésus-Christ ka Luc ngɛraka 23:2

Haki mbwa fundo wɛnɛ nɛ hio wen mɛgɛ: «Ɔ kpaa wi ɛngɛ ha aa sɔkira ha kandɔ pɛ ɔ sungiri nɛ *kongapora Sezar. A dol mbwa mɛ kpe garama ha wɛnɛ. Nɛ a tɔa nde, wɛnɛ nê *Mesi, wi ka Sɔ hɔnga mɛ dung kongapora.»

1 Pierre 2:19

Ka ma wi kpa yeksamɔ nɛ ngabhala nu hazu wɛnɛ ha zea nu Sɔ, nɛ ka wɛnɛ ba sila wa ha zanga, ɛngɛ nɛ dedea.

1 Korente 11:19

Ey, lɛma nde, kɛtana soko adung ang ha soko ɛnɛ, hazu yo begbasi hio wi ha soko ɛnɛ ka dung nɛ mboazu ha wal mɔ Sɔ.

Deamɔ 22:22

Giliwi zea Paul tee kanɛ ngimɔ ka wɛnɛ tɔa wen ɛngɛ. Mbwa gdɔra nɛ ngagɛl: «Gbɛ wɛnɛ yunɛ! Lɛm nde, wɛnɛ adung nɛ zutunɔ na!»

Deamɔ 6:13

Nɛ mbwa kaya hio ma wan-tɔ dalo tɛnɛ, nɛ wi ndɔng tɔa: «Swe fɛt wi ɛngɛ ha tɔa gdangawen sungiri nɛ nzɔy *gasa twa Sɔ pɛ ɔ, nɛ sungiri nɛ mbonga pɛ Moïse.

Dede Wen hazu Jésus-Christ ka Luc ngɛraka 23:25

Gbesi tuka mbwa ana, Pilate gbosasa wei ɛngɛ ka ɛ pio ha zɔbhɔ hazu wen guotɛ sungiri kongapora Sezar nɛ wen gbɛa wi. Nɛ a haa nu nde, ɛ agbɛ Jésus tuka mbwa ngoya.

Dede Wen hazu Jésus-Christ ka Luc ngɛraka 23:19

Barabas dungɔ ha zɔbhɔ hazu a gbɛa ma wi, ha ngimɔ ka ɛ bagutɛ ha Jérusalem sungiri kongapora Sezar.

Dede Wen hazu Jésus-Christ ka Luc ngɛraka 23:5

Nɛ hio wan-fundi Jésus nɔsasa Pilate nɛkpasa, mbwa tɔa: «Nɛ wal osamɔ pɛa wɛnɛ aa sɔkira ha kandɔ sungiri nɛ kongapora Sezar. A angara ha Galile hɔ ha Judée fɛt, nɛ sising a hɔa hakɛ fin.»

Matthieu 10:25

Yo lɛma nde, wan-yambimɔ atɛ tuka wan-osimɔ pɛa, nɛ wan-tom tuka wan pɛa. Nɛ ka ɛ sa wan-twa nde, *Satan, bo nɛ ɛ befɛngsi hio wi mɔ twa pɛa pen ɛngi, na nde?»

Matthieu 2:23

Haki wɛnɛ dea le ha ma le ka ɛ sa nde Nazaret. Tuka ɛngi wen pɛ hio *wan-tɔkuliwen lɛmsara tɛ, mbwa batɔ: «Ɛ besa wɛnɛ nde, wi mɔ Nazaret.»

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Deamɔ 24:4

Ma, hazu pensi dɔka ngimɔ pɛ mɛ na, mi alnu ha mɛ nde, mɛ aze ɔ tikiring nɛ wal *dede sila pɛ mɛ.

Deamɔ 25:7

Nɛ ka Paul hɔa, hio zuife ndɔng, ka guotɛ ha Jérusalem tɛnɛ, kɛlkata wɛnɛ, nɛ mbwa fundo wɛnɛ nɛ ngaya wen nɛdɔka. Ma, mbwa bo nɛ mɔ na, ka gbasi nde, wen pɛ mbwa nê tɛwen.