Deamɔ 24:25 - Takarata pɛ Sɔ Mbombe Mbon

²⁵ Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»

Deamɔ 24:25 Referans Kwoze

Jean 16:8

Nɛ ka wɛnɛ tɛa, a begbasi ha hio wi mɔ nzan tɛwen hazu dea gdangamɔ, hazu nzeng mɔ, nɛ hazu kita pɛ Sɔ.

1 Pierre 3:15

Ma, dea nde, ɛnɛ alukisi Christ tuka Kongawan pɛ ɛnɛ nɛ sila ɛnɛ fɛt. Swe fɛt, ɛnɛ adung gdungɛ-gdungɛ hazu kifiri wen ha hio wi ka ani ɛnɛ nɛ goto mɔ ka ɛnɛ gde nɛ tazu ha tɛ Christ.

2 Pierre 1:6

Mbaramɔ bede nde, ɛnɛ agan zu tɛ ɛnɛ. Gana zu tɛ ɛnɛ bede nde, ɛnɛ adung nɛ yikosila ha zang yeksamɔ. Dungɔa nɛ yikosila bede nde, ɛnɛ adung nɛ mboazu ha li Sɔ.

Galasi 5:23

dungɔa nɛ mɛndi, nɛ gana zu tɛ. Mbonga bo ha sungoro hio tili deamɔ mɛgi na.

Deamɔ 10:42

Mɛgi, Jésus haa nu ha ɔ mɛ bul Dede Wen ha kandɔ *zuife, nɛ mɛ gbasi fin long nde, Sɔ gdea wɛnɛ tuka wan-gɔn kita ha zu hio tunɔ nɛ fiowi.

1 Jean 3:7

Hio bem pɔm, ka ma wi aosili ɛnɛ na. Wi ka de mɔ nzeng, wɛnɛ nê *nzeng wi gbesi tuka Jésus-Christ nê nzeng wi.

Jacques 2:19

Mɛ mɛkara nde, Sɔ nê ndang sɔna? Ey, mɛ dea nɛdedea. Hio gdanga sɔtɛ fin mɛkara mɛgi, nɛ sila mbwa gɔn nɛ ke.

Hebro 9:27

Wi ndang ndang fɛt befe hireng, nɛ hapata Sɔ begɔn kita ha zu mbwa.

Hebro 4:1

Sɔ bagɔn nu ha ɔ nde, a beha ɔ wal mɛ le ha bhandi ɔmtɛ ka wɛnɛ bhɔngara gde ha ɔ. Nɛ gɔnanu ɛngɛ bhɔna ka. Mɛgi, ɔ pangay yu nde, ma wi ha soko ɛnɛ betɛ kɔpi lea ha bhandi ɔmtɛ ɛngɛ.

Hebro 3:13

Ma, hɔ ha kpogio yala ha soko hio yala ndɔng, ka Sɔ sa nde, swe mɛsɛ, ɛnɛ ambo may swe ndang ndang fɛt yu nde, gdangamɔ betɛ sɛbhili ɛnɛ hazu dung nê hio wan-ngazala.

Galasi 3:22

Ma, takarata pɛ Sɔ tɔa nde, hio wi mɔ nzan fɛt nê bala ha si gdangamɔ. Mɔ dung mɛgi tuka nde, hio wi ka mɛkiri Jésus-Christ, mbwa akpa dedemɔ ka Sɔ gɔna nua, nɛ wal mɛkaramɔ pɛ mbwa.

2 Korente 5:10

Hazu, lɛma nde, ɔ hinɛ ɛnɛ fɛt ahɔ ha li Christ tuka nde, wɛnɛ agɔn kita ha zu ɔ. A bekɛ ɔ ndang ndang fɛt lɛm nɛ dedemɔ mana nɛ gdangamɔ ka ɔ dea ha ngimɔ ka ɔ dungɔ nɛ tɛ ɛngɛ.

1 Jean 3:10

Mɛgi, mɔ ka gba soko bem pɛ Sɔ nɛ bem pɛ gdanga sɔ, yo nê ɛngɛ: Wi ka de mɔ nzeng na, nɛ ka ngoy ya wa na, wɛnɛ bo nê bem pɛ Sɔ na.

2 Timothée 4:1

Ha ngimɔ ka Jésus-Christ bepe nɛ tuka *kongapora, a begɔn kita ha zu hio fiowi nɛ hio tunɔwi. Mɛgi, mi ha nu ha mɛ ha li Sɔ nɛ ha li Jésus-Christ nde,

2 Korente 6:2

Kpasawen, Sɔ batɔ: «Mi zea mɛ ha dede ngimɔ, mi gbakara mɛ ha swe kpasisi wi.» Ɛnɛ zɔk, kpasa dede ngimɔ lɛma kari, swe kpasisi wi lɛma kari.

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

Deamɔ 24:15

Mi gde tazu mi ha tɛ Sɔ gbesi tuka mbwa fin nde, hapata fio, wɛnɛ betunsi bin hio *nzeng wi nɛ hio *kalbho-kalbho wi fɛt.

Deamɔ 17:32

Ka hio wi zea wen guotɛ ha soko fiowi, hio ma mama wɛnɛ, nɛ hio ma tɔa: «Ɔ ngoy ze bin mɛ hazu wen ɛngɛ ma ngimɔ.»

Deamɔ 17:2

Tuka Paul dea swe fɛt, a lea twa gɔ Sɔ. Ha *swe ɔmtɛ tar fɛt, a zanga wen hinɛ hio wi haki hazu takarata pɛ Sɔ.

Deamɔ 2:37

Ka hio wi zea wen ndɔng, gasa ngɔtɛ baa mbwa, nɛ mbwa ana Pierre nɛ hio olo wan-nɛtom: «Hio ya ɔ, ɔ bede mɛng?»

Hebro 6:2

Yo osi fin mɔ hazu wen tili gdumso wi ha li, hazu wen gdea kɔ ha zu wi, hazu wen guotɛ ha soko hio fiowi, nɛ hazu wen kita pɛ Sɔ.

Hebro 12:21

Hio mɔ ka mbwa zɔka haki, yo dungɔ nê gasa mɔ ke. Ngase Moïse nɛ pɛa tɛ tɔa: «Ke ha dea mi, nɛ tɛ mi ha yaka tututu.»

Rome 14:12

Mɛgi, ɔ ndang ndang fɛt, ɔ betɔ nɛ pɛ ɔ tɛ pata deamɔ pɛ ɔ ha Sɔ.

Rome 12:1

Hio ya mi, Sɔ dea *dede sila ha tɛ ɔ, mɛgi mi mbo ɛnɛ nde, ɛnɛ aha tɛ ɛnɛ fɛt ha Sɔ tuka nzɔy sadaka ka dung nɛ tunɔ. Tili sadaka ɛngɛ ha totɛ ha wɛnɛ. Ɛngɛ nê tɛ kpasa wal pɛ ɛnɛ mɛ de tom Sɔ.

Rome 2:16

Mɔ ndɔng ki fɛt begbo long ha swe ka Sɔ begɔn kita nɛ wal Jésus-Christ ha zu hio takaramɔ ka wusi tɛ ha sila wi. *Dede Wen ka mi bul, yo tɔ ka mɛgi fin.

Deamɔ 26:28

Agripa tɔa ha Paul: «Ngbɔla ngɛt sising nde, mɛ agan zu mi mɛ tɛ wi pɛ Christ.»

Deamɔ 17:13

Ma, ka hio zuife mɛ Tesalonike zea nde, Paul tɛ bo ha bulo wen pɛ Sɔ ha le Bere, mbwa nɛa haki. Nɛ mbwa aa sɔkira ha giliwi nɛ bhunziki mbwa fɛt.

Deamɔ 9:6

Ma, gutɛ mɛ, nɛ ha zang le. Haki, ɛ beosi ha mɛ mɔ ka mɛ bede.»

Matthieu 22:5

Ma, sala ndɔng to sila mbwa na. Nɛ mbwa pena si ha tom pɛ mbwa, ndang nɛa ha fɔ pɛa, ma mbinga nɛa ha gdonga mɔ.

Deamɔ 24:26

Félix dungɔ ha takara ha sila wa nde, Paul beha mbɔli ha wɛnɛ. Yo nê ɛngi, ka wɛnɛ saa Paul hapata may hazu wolmɔ hinɛ wɛnɛ.

Tite 1:8

Ma, wɛnɛ adung nê dede wan-pam gɛnɛwi, wan-de dedemɔ, wan-mbarimɔ, *nzeng wi, mboazu wi ha wal mɔ Sɔ, nɛ fin, wɛnɛ agan zu tɛ wa fɛt.