Biblia Todo Logo
Bib sou entènèt

- Piblisite -




Deamɔ 24:24 - Takarata pɛ Sɔ Mbombe Mbon

24 Hapata hio ma yala, gɔfɔrma Félix tɛa hinɛ ko pɛa Drusile, ka dung nê bhoko *zuife. Nɛ a haa nu nde, ɛ aku Paul tɛnɛ. A zea hio wen, ka Paul tɔa ha wen zu mɛkara Jésus-Christ.

Gade chapit la Kopi




Deamɔ 24:24
13 Referans Kwoze  

Mi saa hio zuife nɛ hio wi mɔ olo kandɔ fɛt nde, mbwa akifiri sila ha Sɔ nɛ mɛkiri Jésus, Kongawan pɛ ɔ.


Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.


Yo nê ɛngi, lɛma nde, hio wi pɛ Sɔ adung nɛ yikosila, mbwa fɛt ka pam hio wen *mbonga pɛa, nɛ ka mɛkiri Jésus nɛ mboazu.


Hio ndɔngsila mi, mi dungɔ nɛ tɛ gasa hɛl mɛ ngɛriki takarata ha ɛnɛ hazu *mɔkpasi ka Sɔ kpasisi nɛ ɔ hinɛ ɛnɛ fɛt. Ma, mi zɔka nde, yo lɛma nde, mi angɛriki ha ɛnɛ hazu mbo ɛnɛ. Ɛnɛ mɛkara hio wen ka Sɔ gbasa ha hio nzɔy wi pɛa hireng. Mɛgi mi mbo ɛnɛ mɛ bi tumbɔ hazu pam hio wen ndɔng nɛ saa.


Wi ndang ndang fɛt ka mɛkiri nde, Jésus nê *Mesi, mbwa nê bem pɛ Sɔ. Mɛgi, wi ndang ndang fɛt ka ngoy Sɔ, Bafa, mbwa ngoya hio bem pɛa fin.


Mi ngoy sɔna nde, ɛnɛ akifiri wen ha anamɔ ɛngɛ: Sɔ haa ɛnɛ *Nzɔy-Sɔtɛ hazu ge? Yo nê hazu ɛnɛ dea mɔ lɛm nɛ mbonga pɛ Moïse, mana hazu ɛnɛ zea *Dede Wen nɛ mɛkara yo nde?


Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.


Ma, Sɔ ha pama mi hɔ ha swe mɛsɛ, nɛ mi bhɔna ka ha bulo wen ha hio konga wi nɛ hio fabha wi gbesi. Hio *wan-tɔkuliwen hinɛ Moïse batɔ wen mɔ ka behɔ. Nɛ mi tɔ kanɛ ndangtɛ wen ɛngɛ nde,


Nɛ mbwa kiforo wen: «Mɛ mɛkiri *Kongawan Jésus, nɛ mɛ bekpasi, mɛ nɛ hio wi mɔ twa pɛ mɛ fɛt.»


Ka Herode zɔka Jésus, a dea totɛ nɛkpasa hazu a dungɔ nɛ hɛl mɛ zɔk wɛnɛ bhee. A zea kasi tɛ wa, nɛ a ngoya nɛdedea mɛ zɔk wɛnɛ ha dea ma *mɔkifi.


A kio wal mɛ zɔk nde, Jésus nê o? Ma, a tɛ kpa wal na, hazu wɛnɛ nê dɔwi, nɛ giliwi gdɔka li wa.


hazu Herode dungɔ ha yuo ke Jean. Herode ingɔ nde, Jean nê *nzeng wi nɛ nzɔy wi. Mɛgi wɛnɛ dungɔ ha pama Jean. Nɛ ka wɛnɛ zea wen ka Jean tɔa, sila wa bhunzoko ngase ka wɛnɛ zea Jean nɛ totɛ.


Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»


Swiv nou:

Piblisite


Piblisite