Deamɔ 24:17 - Takarata pɛ Sɔ Mbombe Mbon

¹⁷ «Hapata dɔka bɛlɛ ka mi dea ha hio gɔn-gɛnɛ le, mi kiforo sising pe ha Jérusalem hazu gbakiri hio wi mɔ kandɔ pɔm nɛ mbɔli ka ɛ gdea ha kɔ mi, nɛ hazu ha sadaka ha Sɔ.

Deamɔ 24:17 Referans Kwoze

Galasi 2:10

Nɛ mbwa ngoya ka sɔna nde, ɔ agbakiri hio fabha wi mɔ eglize ha Jérusalem. Nɛ mi gdea tɛ mi fɛt ha dea mɛgi.

2 Korente 9:12

Hazu tom haa mɔ belɛmsiri mɔ bwa: Yo begbakiri hio wi pɛ Sɔ nɛ mɔ ka kɔpi mbwa, nɛ yo bede nde, dɔka wi betɔ oeba ha Sɔ hazua.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

Rome 15:31

Ɛnɛ gɔ Sɔ tuka nde, mi akpɔy ha kɔ hio zuife mɔ Judée, ka kafa mɛkara Christ. Ɛnɛ gɔ fin nde, hio wi pɛ Christ mɔ Jérusalem aba nɛ totɛ mɔ ka mi beku nɛnɛ haki.

Deamɔ 20:16

Paul weka mɛ pen hapɛtɛ le Efeze yu nde, a betɛ pensi ngimɔ ha kandɔnu Azi. A hasa tɛ hazu nɛ ha Jérusalem, nɛ dung haki ha swe Pantekote, ka yo lɛma.

Deamɔ 21:26

Mɛgi Paul wesara hio wei ndɔng nar, nɛ ka mɔ saa, mbwa angara ndɔkimɔ sasisi tɛ. A nɛa ha gasa twa Sɔ hazu osi yala, ka ndɔkimɔ sasisi tɛ bekari ang. Yo fin nê yala, ka mbwa beha sadaka hazu mbwa ndang ndang fɛt.

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

Deamɔ 24:26

Félix dungɔ ha takara ha sila wa nde, Paul beha mbɔli ha wɛnɛ. Yo nê ɛngi, ka wɛnɛ saa Paul hapata may hazu wolmɔ hinɛ wɛnɛ.

2 Korente 8:6

Tite angara tom wesara mbɔli ha pɛ ɛnɛ hazu hio wi pɛ Sɔ ha Jérusalem. Yo nê ɛngi ka ɔ mboa wɛnɛ mɛ kifiri nɛ ha pɛ ɛnɛ hazu lɛmsiri dede tom ɛngɛ.