Deamɔ 23:6 - Takarata pɛ Sɔ Mbombe Mbon

⁶ Paul ingɔ nde, hio ma wan-kpo zuwen nê zugili *Sadusien, nɛ hio ma nê zugili *Farizien. Mɛgi, a gdɔra ha mbwa nɛ ngagɛl: «Hio ya mi, mi nê tɛ Farizien, bezang pɛ hio Farizien. Ɛ gdea mi hakɛ ha li kita hazu mi mɛkara nde, hio fiowi begutɛ.»

Deamɔ 23:6 Referans Kwoze

Deamɔ 24:21

Mbwa kpaa sɔna nɛ ndanga wen ɛngɛ, ka mi tɔa nɛ ngagɛl ka mi yola ha li mbwa, mi tɔa: ‹Ɛnɛ gdea mi ha li kita pɛ ɛnɛ hazu mi mɛkara nde, Sɔ betunsi bin hio fiowi.›»

Deamɔ 24:15

Mi gde tazu mi ha tɛ Sɔ gbesi tuka mbwa fin nde, hapata fio, wɛnɛ betunsi bin hio *nzeng wi nɛ hio *kalbho-kalbho wi fɛt.

Filipe 3:5

Hazu, ɛ gɔna sɔru mi dimasi ndang hapata bhɛ pɔm. Mi nê wi mɔ kandɔ *Israel, wi mɔ nugala pɛ Benjamin. Mi nê tɛ kpasa *zuife, hio ngbabafa mi fɛt nê zuife. Mi dungɔ ha soko zugili *Farizien, zugili ndɔng ka pam *mbonga pɛ hio zuife nɛngaya pen hio olo wi fɛt.

Deamɔ 28:20

Mɛgi, mi saa ɛnɛ hazu tɔ ha ɛnɛ nde, mi dung sising nɛ gbazɔbhɔ ɛngɛ hazu mi bulo wen mɔ, ka kandɔ Israel fɛt gde tazu ha zua.»

Matthieu 22:23

Ha ndangtɛ swe hio ma *Sadusien tiko nɛ ha pɛ Jésus. Hio Sadusien tɔ nde, ka wi fea kari, a lɛm gutɛ fin na. Mɛgi mbwa ana wɛnɛ:

Deamɔ 22:5

*Wan-zu hio wan-hasadaka nɛ hio kotowi mɔ Jérusalem lɛma mɛkiri nde, wena nê tɛwen. Ka mi nɛa ha gasa le Damas, mbwa haa mi takarata ka osa ha hio wan-zu *twa gɔ Sɔ haki nde, mi nɛ ziomɔ mɛ sang hio wi pɛ Christ sinɛ ha Jérusalem hazu ndulsi mbwa.»

Matthieu 10:16

«Ɛnɛ ze! Mi tomsi ɛnɛ tuka hio sami ha soko hio ngɔnzu. Mɛgi, ɛnɛ dung nɛ zɔma tuka hio gɔk, nɛ ɛnɛ dung tuka hio gbakuli, ka bo nɛ likisi na.

Matthieu 3:7

Hio *Farizien nɛ hio *Sadusien tɛa fin nɛdɔka nde, Jean agdumsi mbwa ha li. Ma, wɛnɛ tɔa ha mbwa: «Ɛnɛ, kul pɛ da gɔk! Ngambi pɛ Sɔ tɛ bo sanga-sanga! O ha osi ha ɛnɛ nde, ɛnɛ lɛma kpɔy ha yo, o nde?

Deamɔ 22:3

«Mi nê zuife, ɛ bhɛa mi ha gasa le Tarse ha kandɔnu Silisi. Ma, mi kpɔatɛ hakɛ ha Jérusalem. Wan-osimɔ pɔm nê Gamaliel, ka osa ha mi *mbonga pɛ hio ngbabafa ɔ nɛdedea nzeng. Mi dungɔ nɛ lululu sila hazu Sɔ gbesi tuka ɛnɛ fɛt swe mɛsɛ.

Deamɔ 22:30

Ka mɔ saa, gasa kagama-bulo ngoya ing ngbak gotomɔ ka hio zuife fundo nɛ Paul. Wɛnɛ bulo pɛl ha tɛ Paul, nɛ a haa nu ha hio gasa wan-hasadaka nɛ hio wan-kpo zuwen nde, mbwa awesiri may. Nɛ wɛnɛ kuo Paul tɛ gde ha li mbwa.

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

Deamɔ 23:7

Ka wɛnɛ tɔa mɛgi, hio Farizien nɛ hio Sadusien angara mɔya ha soko may, nɛ mbwa kɛtana soko.

Deamɔ 23:15

Mɛgi, ɛnɛ nɛ hio *wan-kpo zuwen fɛt, ɛnɛ de mbɔlɛ nɛ tɔ ha gasa kagama-bulo mɔ Rome nde, ɛ aku Paul tɛnɛ, ka ɛnɛ aki goto wen pɛa. Pɛ ɔ, ɔ bedung gdungɛ-gdungɛ mɛ gbɛ wɛnɛ sɔngsi nde, wɛnɛ ahɔ hakɛ.»

Deamɔ 23:20

A kiforo wen: «Hio zuife kpoa zuwen mɛ de mbɔlɛ tɛ ani mɛ nde, mɛ aku Paul nɛ mɔsaa nɛnɛ ha li hio wan-kpo zuwen hazu nde, mbwa a-ani goto wen pɛa nɛkpasa.

Kolose 1:5

Ɛnɛ de mɛgi hazu ɛnɛ bhɔna ka ha gdea tazu ɛnɛ ha hio dedemɔ ka Sɔ bhɔngara gde ha ɛnɛ ha zang ngɔn, tuka ɛnɛ baze yo ha zang *Dede Wen ka dung nê tɛwen.

Hebro 6:19

Mɔgdetazu ɛngɛ ha yolsa tunɔ pɛ ɔ ha li Sɔ nging. Hazu, yo lea *gasa twa Sɔ ha ngɔn, yo pena ha gasa la ka gɛ ang, nɛ yo nɔa ha nzɔy bhandi fɛt.