Deamɔ 21:40 - Takarata pɛ Sɔ Mbombe Mbon

⁴⁰ Gasa kagama-bulo mɛkara yo. Paul yola ha zu mɔ dang kin, nɛ a pɛa kɔ ha giliwi. Mbwa kara selele. Mɛgi, a wolamɔ ha mbwa nɛ nu *Hebro, nu pɛ hio zuife, a tɔa:

Deamɔ 21:40 Referans Kwoze

Deamɔ 12:17

Pierre pɛbhaka kɔ ha mbwa nde, mbwa akari sɛm. Nɛ wɛnɛ tɔa ha mbwa, wal ka Kongawan gbosasa wɛnɛ ha twa zɔbhɔ gde ha dɛl. A tɔa fin: «Ɛnɛ pi kasara wen mɔ ndɔng ha Jacques, nɛ hio olo ya ha Christ.» Hapata a gboa pen nɛ ha ma mbing bhandi.

Deamɔ 26:14

Ɔ fɛt teka ha nu, nɛ mi zea ma gɛl ha wolamɔ ha mi nɛ nu *Hebro nɛ tɔa: ‹Saul, Saul, mɛ namili mi hazu ge? Mɛ kimbili mɛ gan zu mi hazu ge? Nday lɛm gan zu wan wa na.›

Deamɔ 22:2

Ka mbwa zea wɛnɛ ha wolamɔ nɛ nu Hebro, mbwa kara selele pen mɔ sɔngsi. Nɛ Paul tɔa:

Jean 5:2

Ha gasa ngeng ka zikiri Jérusalem ma nua ang, linga nde, nu ngalɔ sami. Ma bebe tɔ dungɔ haki ka ɛ sa nɛ nu *Hebro nde, Betzata. Hio gala mɔrkɔ dungɔ hapɛtɛa.

Deamɔ 21:35

Ka mbwa hɔa ha mɔ dang kin ɛngɛ, mbwa guo Paul nɛ ngɔn, hazu hio giliwi nɔsasa mbwa gbem.

Deamɔ 19:33

Hio *zuife kuo Alexandre gde ha li giliwi. Nɛ hio ma wi mɛ zugili tɔa goto wesara may ɛngɛ ha wɛnɛ. Mɛgi, Alexandre pɛbhaka kɔ hazu a ngoya lea gdong wen pɛ hio zuife ha li wi fɛt.

Gbasamɔ 16:16

Hio gdanga sɔtɛ ndɔng wesara hio kongapora ha bhandi ndang. Nɛ nu *hebro ɛ sa ling bhandi ɛngɛ nde, Harmagedon.

Gbasamɔ 9:11

*Kongawan pɛ mbwa, yo nê telenge mɔ fongo. Ling wa nɛ nu *hebro nde, Abadon, nɛ nu greke nde, Apolion. Goto ling ndɔng tɔ nde, *wan-yangili mɔ.

Deamɔ 13:16

Paul guotɛ, pɛbhaka kɔ nɛ tɔa: «Hio wi mɔ *Israel, nɛ hio wi fɛt ka lukisi Sɔ. Ɛnɛ ze mi!

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

Jean 19:20

Hio wi nɛdɔka tɔla papote ɛngɛ, hazu bhandi ka ɛ ngbaa Jésus ang, dungɔ sanga-sanga hapɛtɛ Jérusalem. Nɛ ɛ ngɛraka papote ɛngɛ nɛ nu hebro, nɛ nu laten, nɛ nu greke fin.

Jean 19:17

Jésus guo getakate pɛa gbonɛ, nɛ wɛnɛ hɔa ha bhandi ka ɛ sa nde, «bhandi gbala zu wi.» Ɛ sa ling bhandi ɛngi nɛ nu *Hebro nde, Golgota.

Jean 19:13

Ka Pilate zea wen ɛngɛ, a haa nu nde, ɛ aba Jésus gbo nɛ ha dɛl. Nɛ Pilate dungɔnu ha zu solo gɔn kita ha bhandi ka ɛ sa nde, dɛl tɛlɛfɛn ta. Ɛ sa ling bhandi ɛngi nɛ nu *Hebro nde, Gabata.

Dede Wen hazu Jésus-Christ ka Luc ngɛraka 23:38

Ha zu wa ha ngɔn, ɛ ngbaa ma papote mɛgɛ: «Wi kɛ nê kongapora pɛ hio zuife.»

Deamɔ 1:19

Hio wi mɛ Jérusalem fɛt ingɔ wen mɔ ɛngɛ nɛdedea. Mɛgi, mbwa saa ling fɔ ɛngɛ nɛ nu le pɛ mbwa nde, Hakeldama. Ling ɛngɛ tɔ nde, fɔ tɔk.