Deamɔ 20:19 - Takarata pɛ Sɔ Mbombe Mbon

¹⁹ Mi dea tom pɛ *Kongawan nɛ mɛndi fɛt, nɛ milikwa ha li mi. Mi kpaa yeksamɔ nɛdɔka ha kɔ hio *zuife, ka aa gdungi tɛ mi.

Deamɔ 20:19 Referans Kwoze

Kolose 3:24

Ɛnɛ aing nde, Kongawan bekɛ ɛnɛ. A beha ɛnɛ mɔ ka wɛnɛ bhɔngara keri nɛ hio wi pɛa. Kpasa wan ka ɛnɛ de tom ha wɛnɛ, yo nê Christ.

2 Korente 2:4

Kpasawen, mi ngɛraka takarata ɛngi nɛ gasa ngɔtɛ nɛ ke ha sila mi, nɛ li mi dona nɛ milikwa. Mi ngɛraka yo bo hazu ha ngɔtɛ ha ɛnɛ na, ma, hazu osi ha ɛnɛ nde, mi ngoya ɛnɛ gdang.

Rome 12:11

Ka ɛnɛ adung pɔsa wi na, ma ɛnɛ agbɛngsi tɛ ɛnɛ ha dea tom ha *Kongawan nɛ hafala tɛ.

Deamɔ 20:3

A dungɔ haki kilize tar. Hapata, wɛnɛ bhɔngara tɛ mɛ le kuga hazu nɛ ha kandɔnu Siri. Ma, ka wɛnɛ zea nde, hio *zuife aa gdungi tɛ wa, a bheka mɛ kifiri si nɛ pata ha Masedoane.

2 Korente 7:5

Nɛ fin, ka ɔ hɔa ha kandɔnu Masedoane, ɔ tɛ kpa ngimɔ ɔmatɛ na. Ɔ kpaa yeksamɔ nɛ wal nɛtɛ-nɛtɛ fɛt. Hio wi guotɛ sungiri nɛ ɔ, nɛ sila ɔ dungɔ nɛ ke.

Jacques 1:2

Hio ya mi, ka tili yeksamɔ nɛtɛ-nɛtɛ ha wea sila ɛnɛ, ɛnɛ azɔk yo tuka gasa totɛ.

Filipe 3:18

Mɔ ka mi bagba tazu ɛnɛ ze nɛdɔka kari, mi putiri fin yo sising nɛ milikwa ha li mi nde, hio dɔka wi ang, ka deamɔ pɛ mbwa osi nde, mbwa nê hio ngana pɛ getakate pɛ Christ.

Efeze 6:7

Ka ɛnɛ ade tom ha mbwa nɛ takaramɔ nde, ɛnɛ de yo sɔna ha hio wi, na. Ma, ɛnɛ ade yo nɛ *dede sila tuka ka ɛnɛ ha dea tom ɛngɛ ha *Kongawan.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

2 Korente 3:5

Ɔ tɛ takiri nde, ɔ nɛ pɛ ɔ tɛ lɛma de tom ɛngɛ, ndang na. Yo nê Sɔ ka ha ɔ ngatɛ mɛ de nɛ yo.

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

1 Pierre 1:6

Mɛgi ɛnɛ ade gasa totɛ hazua, ngase ka yo lɛma ha ma bebe ngimɔ nde, ɛnɛ akpa ngɔtɛ sising nɛ wal mɔ nɛtɛ-nɛtɛ ka we sila ɛnɛ.

1 Tesalonike 1:9

Hazu hio wi fɛt ha tɔa wen pɛ ɛnɛ nde, ɛnɛ baa ɔ nɛ dede kɔ, nɛ nde, ɛnɛ laka hio gbele sɔ gde nɛ kifiri sila hazu de tom ha kpasa tunɔ Sɔ.

Rome 1:9

Sɔ ka mi de tom pɛa nɛ sila ndang, nɛ ka mi tɔ *Dede Wen tɛ Bewei pɛa, a ingɔ nde, mi ha takaramɔ hazu ɛnɛ

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

Deamɔ 27:23

Hazu, nɛ zɛ ɛngɛ, Sɔ, ka mi dung nê pɛa nɛ ka mi de tom pɛa, tomsa ma *telenge pɛa ha pɔm.

Deamɔ 17:13

Ma, ka hio zuife mɛ Tesalonike zea nde, Paul tɛ bo ha bulo wen pɛ Sɔ ha le Bere, mbwa nɛa haki. Nɛ mbwa aa sɔkira ha giliwi nɛ bhunziki mbwa fɛt.

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Dede Wen hazu Jésus-Christ ka Luc ngɛraka 19:41

Jésus hɔa sanga nɛ gasa le Jérusalem, nɛ ka wɛnɛ zɔka yo, a hea kwa hazua.

Gbasamɔ 7:15

Yo nê hazu ɛngi, ka mbwa yol ha li solowan pɛ Sɔ nɛ mbwa de tom ha wɛnɛ swe nɛ zɛ ha nzɔy twa pɛa. Nɛ wi kɛ ka dungnu ha solowan, bede le ha soko mbwa, nɛ a bepam mbwa.

2 Timothée 1:4

Tazu mi ha gbaa nɛ milikwa pɛ mɛ, mɛgi mi nɛ hɛl mɛ zɔk mɛ nde, ka sila mi ade totɛ.

Deamɔ 17:5

Ma, hio zuife dea silamɔ. Mbwa kaya hio ma wan-gdanga zu ha soko hio wi mɔ zando, nɛ mbwa aa sɔkira ha zala hio giliwi. Mɛgi mbwa angara dea woto-wotomɔ ha zang le. Mbwa nɛa nɛ ki Paul nɛ Silas ha twa pɛ Yason hazu gde mbwa ha li wi fɛt.

Deamɔ 21:27

Ka yala mɔrkɔ zanga bwa mɔ ndɔkimɔ sasisi tɛ koka kari, hio ma *zuife mɔ kandɔnu Azi zɔka Paul ha zang gasa twa Sɔ. Mbwa ilo hio giliwi fɛt sungiri nɛ Paul, nɛ mbwa baa wɛnɛ.