Deamɔ 2:46 - Takarata pɛ Sɔ Mbombe Mbon

⁴⁶ Swe fɛt mbwa wesara may ha zang *gasa twa Sɔ. Mbwa kapana mampa pɛ Christ ha soko may ha zang twa pɛ mbwa, nɛ mbwa yɔnga mɔ nɛ totɛ nɛ mɛndi.

Deamɔ 2:46 Referans Kwoze

Deamɔ 5:42

Nɛ yala ndang ndang fɛt, ha zang gasa twa Sɔ nɛ ha hio twa nɛnɛ, mbwa bhɔna ha osa nɛ bulo *Dede Wen nde, Jésus nê *Mesi.

Deamɔ 2:42

Mbwa dungɔ nɛ mboazu ha zea osamɔ pɛ hio wan-nɛtom, ha dungɔa nɛ sila ndang, ha kapana mampa pɛ Christ ha soko may, nɛ ha gɔa Sɔ.

Deamɔ 20:7

Ha *swe ɔmtɛ, ɔ wesara may nɛ mbolo hazu yɔngamɔ pɛ *Kongawan. Nɛ Paul bulo wen nɛ bɔyaa tee kanɛ gduko zɛ, hazu a bepen nɛ mɔsaa.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

Deamɔ 16:34

Hapata a kuo mbwa nɛnɛ ha zang twa pɛa, nɛ a haa yɔngamɔ ha mbwa. Wɛnɛ nɛ hio wi pɛa fɛt dungɔ nɛ gasa totɛ, hazu mbwa mɛkara Sɔ.

Kolose 3:22

Hio bala, ɛnɛ aze nu hio wan pɛ ɛnɛ mɔ nzan ha mɔ fɛt. Ɛnɛ aki mɛ ha totɛ ha mbwa ngimɔ fɛt, bo sɔna ka ɛnɛ ha li mbwa na. Ma, ɛnɛ aze nu mbwa nɛ *dede sila hazu ɛnɛ ha yuo ke Kongawan.

Rome 12:8

Wi ka kpaa ngatɛ mɛ mbo nɛ hio wi, dea nde, wɛnɛ ambo mbwa. Wi ka kapini kpaamɔ pɛa, lɛma nde, wɛnɛ ade yo nɛ sila ndang. Wi ka dung ha zu wesara may, lɛma nde, wɛnɛ ade tom ɛngɛ nɛ sila wa fɛt. Wi ka de kobhe tɛ hio wan-ngɔtɛ, lɛma nde, wɛnɛ ade yo nɛ totɛ.

Dede Wen hazu Jésus-Christ ka Luc ngɛraka 24:53

Mbwa bhɔna swe fɛt ha *gasa twa Sɔ ha lukoso Sɔ.

2 Korente 11:3

Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.

Deamɔ 5:21

Hio wan-nɛtom zea nu wa. Mɛgi, nɛ sutole sut, mbwa nɛa ha gasa twa Sɔ, nɛ angara osa wen pɛ Sɔ ha hio wi. Wan-zu hio wan-hasadaka hinɛ hio ngali pɛa saa hio kotowi mɛ kandɔ *Israel fɛt ha wesara may pɛ hio *wan-kpo zuwen. Hapata, mbwa haa nu nde, ɛ anɛ nɛ ku hio wan-nɛtom ha twa zɔbhɔ tɛnɛ.

Deamɔ 3:1

Ma mbolo ndang ha ngonga tar Pierre nɛ Jean nɛa ha *gasa twa Sɔ ha gɔa Sɔ mɔ mbolo.

Dede Wen hazu Jésus-Christ ka Luc ngɛraka 24:30

Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.

Matthieu 6:22

«Gbali mɛ dung tuka lamba ka ha saamɔ ha tɛ mɛ. Ka gbali mɛ nɛ dedea, tɛ mɛ fɛt dung ha zang saamɔ.

Efeze 6:5

Ɛnɛ, hio bala, dea nde, ɛnɛ aze nu hio wan pɛ ɛnɛ mɔ nzan ɛngɛ. Ɛnɛ ayu ke mbwa, nɛ tɛ ɛnɛ ayak ha li mbwa. Ɛnɛ de tom ha mbwa nɛ sila ɛnɛ fɛt mɛ ze nde, ɛnɛ de yo ha Jésus-Christ.

Dede Wen hazu Jésus-Christ ka Luc ngɛraka 11:41

Ɛnɛ ha mɔ ka dung ha zang tasi pɛ ɛnɛ ha hio fabha wi, mɛgi hio mɔ fɛt bedung nɛ saa ha ɛnɛ.

1 Korente 10:16

Ha tabolo pɛ *Kongawan, ɔ wol dede wen ha zu kɔpɔ. Bo nê kɔpɔ ɛngɛ osi nde, ɔ ha dea sɔy hinɛ Christ nɛ wal tɔktɛ wa, na nde? Bo nê mampa ka ɔ gbin, osi nde, ɔ ha dea sɔy hinɛ Christ nɛ wal multɛ wa, na nde?