Deamɔ 19:35 - Takarata pɛ Sɔ Mbombe Mbon

³⁵ Ha kpogioa, wan-ngɛrikimɔ mɔ le Efeze gaya giliwi nɛ tɔa: «Ɛnɛ hio wi mɛ le Efeze, hio wi fɛt ingɔ nde, le Efeze nê bhandi pam twa gasa sɔ Artemis nɛ zizi tɛ wa, ka guotɛ ha ngɔn tek ha nu.

Deamɔ 19:35 Referans Kwoze

1 Timothée 4:2

Mbwa bede mɛgi hazu dambari pɛ hio wan-tɔ dalo beosili mbwa. Ingɔmɔ sila pɛ hio wan-tɔ dalo ndɔng fea kari tuka mɔ ka bea we.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Deamɔ 19:26

Ma, ɛnɛ ha zea nɛ zɔka Paul ha tɔa nde, sɔ ka ɛ dea nɛ kɔ, yo bo nê kpasa sɔ na. A gana zu wi nɛdɔka nde, mbwa amɛkiri wen pɛa. A dea mɛgi bo sɔna ha Efeze na, ma, mɛ lɛm nɛ kandɔnu Azi fɛt.

Deamɔ 18:19

Ka kuga bhanda ha nukolo mɔ gasa le Efeze, Paul gdea Priscille hinɛ Akilas haki. Wɛnɛ nɛa ha *twa gɔ Sɔ, nɛ a wolamɔ hinɛ hio *zuife.

Jean 9:31

Ɔ hinɛ ɛnɛ, ɔ ingɔ nde, Sɔ ze gɔamɔ pɛ wan-de gdangamɔ na. Ma, a ze nɛ gɔamɔ pɛ wi ka ze nu wa, nɛ ka de mɔ ka sila wa ngoya.

Deamɔ 19:34

Ma, ka giliwi ingɔ nde, wɛnɛ nê zuife, mbwa gdɔra gbɔɔ mɛ lɛm ngonga bwa nɛ tɔa: «Artemis mɔ Efeze nê gasa sɔ.»

Deamɔ 19:36

Ma wi ndang lɛm sikafɛ ang na. Mɛgi, ɛnɛ kari sɛm yu nde, ɛnɛ betɛ de mɔ nɛtum.