Deamɔ 19:26 - Takarata pɛ Sɔ Mbombe Mbon

²⁶ Ma, ɛnɛ ha zea nɛ zɔka Paul ha tɔa nde, sɔ ka ɛ dea nɛ kɔ, yo bo nê kpasa sɔ na. A gana zu wi nɛdɔka nde, mbwa amɛkiri wen pɛa. A dea mɛgi bo sɔna ha Efeze na, ma, mɛ lɛm nɛ kandɔnu Azi fɛt.

Deamɔ 19:26 Referans Kwoze

1 Korente 8:4

Mɛgi, sari ka hio wi ha nɛ sadaka ha gbele sɔ, ɔ lɛma mɛ yɔng nde? Ɔ ingɔ fɛt nde, hio gbele sɔ hakɛ ha nzan bo nɛ ngatɛ na. Sɔ ka nê ndang sɔna nzɛt.

Deamɔ 17:29

«Hio ma wi ku gbɛbolo, bubolo, nɛ ta, nɛ mbwa sɛk nɛ hio sɔ nɛ wal zɛng nɛ takaramɔ pɛ mbwa. Hazu ɔ nê bem pɛ Sɔ, ka ɔ atakiri nde, Sɔ dung tuka mɔ ndɔng na.

Gbasamɔ 9:20

Hio olo wi fɛt ka tɛ fe nɛ wal hio kemɔ ndɔng na, mbwa bhɔna ka ha lukoso hio gdanga sɔ nɛ hio gbele sɔ ka mbwa dea nɛ kɔ mbwa nɛ gbɛbolo, nɛ bubolo, nɛ bolo, nɛ ta, mana nɛ te. Mbwa tɛ to gdong ha yo na, mbwa bhɔna ka ha lukoso hio sɔ ndɔng ka zɔk mɔ na, ka ze mɔ na, nɛ ka nɛ nɔ na.

Deamɔ 19:10

Paul osamɔ mɛgi lɛm kili bɛlɛ bwa. Tuka ɛngi, hio wi mɛ kandɔnu Azi fɛt zea wen pɛ Kongawan, ngase hio *zuife, ngase hio wi mɔ hio olo kandɔ.

Deamɔ 14:15

«Hio dan ɔ, ɛnɛ de mɔ mɛgɛ hazu ge? Zɔk, ɔ nê wi gbesi tuka ɛnɛ. Ɔ bul *Dede Wen ha ɛnɛ nde, ɛnɛ ato gdong ha hio buko sɔ ndɔng nɛ ndari tunɔ Sɔ ka bade ngɔn nɛ nu, nana-litɔng nɛ mɔ fɛt ka dung ang.

1 Tesalonike 1:9

Hazu hio wi fɛt ha tɔa wen pɛ ɛnɛ nde, ɛnɛ baa ɔ nɛ dede kɔ, nɛ nde, ɛnɛ laka hio gbele sɔ gde nɛ kifiri sila hazu de tom ha kpasa tunɔ Sɔ.

Galasi 4:8

Sɔngsi, ha ngimɔ ka ɛnɛ tɛ ing ka Sɔ na, ɛnɛ dungɔ tuka bala pɛ hio tili mɔ nɛtɛ-nɛtɛ ka bo nê kpasa sɔ na.

1 Korente 12:2

Ɛnɛ ingɔ nde, ha ngimɔ ka ɛnɛ badung nɛ *bhilo, mɔ nɔsasa ɛnɛ nɛnɛ ha pɛ hio gbele sɔ ka wolmɔ na.

Deamɔ 18:19

Ka kuga bhanda ha nukolo mɔ gasa le Efeze, Paul gdea Priscille hinɛ Akilas haki. Wɛnɛ nɛa ha *twa gɔ Sɔ, nɛ a wolamɔ hinɛ hio *zuife.

Deamɔ 19:1

Ha ngimɔ ka Apolos dungɔ ha Korente, Paul pena nɛ wal kuso bhandi mɔ kandɔnu Azi hɔ ha Efeze. A kpaa hio ma wi haki, ka mɛkara Jésus, nɛ wɛnɛ ana mbwa:

Deamɔ 19:25

A wesara hio wan-tom ndɔng, tɛ ba hio wi, ka de ndangtɛ tom ɛngɛ, nɛ tɔa ha mbwa: «Hio dan mi, ɛnɛ ingɔ nɛdedea nde, yo nɛ wal tom ɛngɛ ka ɔ kpa nɛ mɔ.