Deamɔ 19:22 - Takarata pɛ Sɔ Mbombe Mbon

²² Nɛ a tomsa hio wan-gbakiri wɛnɛ bwa, Timothée nɛ Eraste, nɛ ha Masedoane. Ma, Paul bhɔna pɛa ha kandɔnu Azi lɛm nɛ ma ngimɔ.

Deamɔ 19:22 Referans Kwoze

2 Timothée 4:20

Eraste bhɔna pɛa ha Korente, nɛ mi gdea Trofime ha Milet hazu tɛ wa nɛ yimɔa.

Rome 16:23

Gaius ka pam mi ha twa pɛa, nɛ ka *giliwi mɔ eglize fɛt wesiri may ang, fana ɛnɛ. Eraste wan-pam mbɔli le, nɛ ya ɔ, Kartus, fana ɛnɛ. [

Deamɔ 19:29

Mɛgi, zang le ɛngi fɛt bhunzoko. Hio wi fɛt sɔawi ha gasa bhandi de saka. Ha liwal mbwa baa hio sɔy-yali pɛ Paul bwa, Gaius nɛ Aristarke, hio wi mɛ Masedoane, nɛnɛ haki.

Deamɔ 19:10

Paul osamɔ mɛgi lɛm kili bɛlɛ bwa. Tuka ɛngi, hio wi mɛ kandɔnu Azi fɛt zea wen pɛ Kongawan, ngase hio *zuife, ngase hio wi mɔ hio olo kandɔ.

Deamɔ 18:5

Ka Silas hinɛ Timothée guotɛ ha Masedoane hɔ, Paul gdea tɛ wa fɛt ha bulo wen Sɔ hazu gbasi ha hio zuife nde, Jésus nê *Mesi.

Deamɔ 16:3

Paul ngoya wɛnɛ tuka sɔy-yali. Mɛgi, a kuo wɛnɛ nɛ gɔna sɔru wa hazu hio zuife ha kandɔnu ndɔng ingɔ nde, bafa wa nê greke.

Deamɔ 16:1

Paul hɔa ha Derbe nɛ ha Listre. Haki, ma *wan-yambimɔ pɛ Jésus dungɔ ang, ling wa nde, Timothée. Nana wa nê wi pɛ Christ mɔ kandɔ *zuife, ma, bafa wa nê kandɔ greke.

Deamɔ 13:5

Haki, kuga bhanda ha le Salamine. Mbwa bulo wen pɛ Sɔ ha zang hio *twa gɔ Sɔ pɛ hio *zuife. Jean Marc dungɔ hinɛ mbwa hazu gbakiri mbwa.

1 Tesalonike 1:8

Kpasawen, wen pɛ Kongawan guotɛ ha pɛ ɛnɛ yambili, bo sɔna ha Akai nɛ Masedoane na, ma, kasi mɛkara Sɔ pɛ ɛnɛ dama bhandi fɛt. Mɛgi, ɔ lɛm tɔ fin ma wen hazua na.

2 Korente 8:1

Hio ya mi, ɔ ngoya nde, ɛnɛ aing mɔ ka Sɔ dea nɛ wal *dede sila pɛa ha giliwi mɔ hio eglize ha Masedoane.

2 Korente 1:16

Mi bangoy mɛ hɔ ha pɛ ɛnɛ ha nɛa pɔm ha kandɔnu Masedoane, nɛ fin ha kiforoa ha Masedoane tuka nde, ɛnɛ agbakiri mi mɛ si ha Judée.

Deamɔ 20:1

Ka woto-wotomɔ kara, Paul wesara hio *wan-yambimɔ pɛ Jésus. A mboa mbwa hazu ha da ha sila mbwa. Hapata a kɛatɛ nɛ mbwa, nɛ a baa wal nɛ ha kandɔnu Masedoane.

2 Korente 11:9

Ka mi dungɔ ha pɛ ɛnɛ, mi tɛ dung nê zio toy ha zu ma wi ndang na, ngase ka mɔ kɔpa mi. Yo nê hio ya ha Christ mɔ Masedoane ka tɛa tɛ gbakiri mi nɛ mɔ ka kɔpa mi. Ha mɔ fɛt, mi pama tɛ mi tuka nde, mi adung nê zio toy ha zu ɛnɛ na. Nɛ mi bepam tɛ mi mɛgi swe fɛt.

2 Korente 2:13

Tangere, sila mi dungɔ ha gɔna hazu mi tɛ kpa ya ɔ, Tite, haki na. Yo nê ɛngi, ka mi kɛatɛ nɛ hio wi mɛ Troas, nɛ mi pena nɛ ha kandɔnu Masedoane.

Deamɔ 19:21

Hapata mɔ ndɔng, Paul bheka mɛ gɔn hio kandɔnu Masedoane nɛ Akai hazu kifiri si ha Jérusalem. A tɔa: «Ka mi hɔa haki, dea nde, mi apen fin nɛ ha gasa le Rome.»

Deamɔ 20:34

Ɛnɛ ingɔ nɛ tɛ ɛnɛ nde, mi dea tom nɛ kɔ mi hazu kpa mɔ ka kɔpa mi nɛ hio sɔy-tom pɔm.

2 Korente 8:19

Yo bo sɔna nê ɛngi na, ma, giliwi mɔ hio eglize weka wɛnɛ tuka sɔy-yali pɛ ɔ hazu nɛ nɛ kapini mbɔli ka mbwa wesara nɛ *dede sila. Ɔ bede tom ɛngɛ hazu lukisi nɛ *Kongawan, nɛ hazu osi fin nde, ɔ nɛ hɛl mɛ gbakiri hio ya ɔ.