Deamɔ 19:21 - Takarata pɛ Sɔ Mbombe Mbon

²¹ Hapata mɔ ndɔng, Paul bheka mɛ gɔn hio kandɔnu Masedoane nɛ Akai hazu kifiri si ha Jérusalem. A tɔa: «Ka mi hɔa haki, dea nde, mi apen fin nɛ ha gasa le Rome.»

Deamɔ 19:21 Referans Kwoze

Deamɔ 20:22

Nɛ sising, mi ha nɛa ha Jérusalem, hazu *Nzɔy-Sɔtɛ ha nɔsasa mi. Mi ing mɔ ka bekpa may hinɛ mi haki na.

Deamɔ 20:16

Paul weka mɛ pen hapɛtɛ le Efeze yu nde, a betɛ pensi ngimɔ ha kandɔnu Azi. A hasa tɛ hazu nɛ ha Jérusalem, nɛ dung haki ha swe Pantekote, ka yo lɛma.

Deamɔ 23:11

Ha zɛ mɔ pata, *Kongawan gbasa tɛ ha Paul nɛ tɔa: «Mɛ ba da! Gbesi tuka ka mɛ kɛa nɛ wen pɔm hakɛ ha Jérusalem, dea ka de nde, mɛ akɛ fin wen pɔm ha Rome gbesi.»

Rome 1:13

Hio ya mi, ɛnɛ ing nde, yo tɛ bo nê ze nɛdɔka ka mi bheka mɛ nɛ ha pɛ ɛnɛ. Ma, mɔ dolsa mi. Ha soko hio mbing kandɔ mi ha dea tom nde, hio wi amɛkiri Jésus-Christ. Mi ngoy de fin gbesi ha pɛ ɛnɛ.

Deamɔ 18:21

Wɛnɛ kɛatɛ nɛ mbwa nɛ tɔa: «Ka Sɔ ngoya, mi bekifiri fin tɛ ha pɛ ɛnɛ.» Nɛ a lea kuga ha Efeze pen.

1 Tesalonike 1:7

Mɛgi, ɛnɛ tɛ bo nê dede wekamɔ ha li wi fɛt ka mɛkiri Christ ha hio kandɔnu Masedoane nɛ Akai.

Galasi 2:1

Hapata bɛlɛ bhukɔ gbala nar, ɔ hinɛ Barnabas nɛa fin nɛ mbinga ha Jérusalem. Mi kuo Tite nɛnɛ hinɛ ɔ fin.

1 Korente 16:5

Mi bepen nɛ wal kandɔnu Masedoane. Nɛ ka mi gɔna haki kari, mi behɔ ha pɛ ɛnɛ.

Rome 1:15

Yo nê hazu ɛngi, ka mi ngoy mɛ nɛ nɛ bul Dede Wen ha soko ɛnɛ fin, hio wi mɛ Rome.

Deamɔ 28:16

Ka ɔ hɔa ha Rome, ɛ haa wal ha Paul mɛ ɔ ha ma twa nɛtɛ. Nɛ ma wan-bibulo ndang ha pɛm wɛnɛ haki.

Deamɔ 27:24

Wɛnɛ tɔa: ‹Paul, ka mɛ ayu ke na! Dea ka de nde, mɛ yol ha li *kongapora Sezar. Hazu wen pɛ mɛ, Sɔ bekpasisi wi ndɔng fɛt, ka yal hinɛ mɛ.›

Deamɔ 27:1

Ka Festus bhɔngara wen mɛ tomsi ɔ ha kandɔnu Itali nɛ kuga kari, a kuo Paul nɛ hio ma mbing wan-zɔbhɔ gde ha kɔ ma kagama-bulo, ling wa nde, Yulius. Ɛ sa ling zugili pɛa nde, zugili bulo pɛ *kongapora Sezar.

Deamɔ 21:17

Ka ɔ hɔa ha Jérusalem hio ya ha Christ baa ɔ nɛ dede kɔ.

Deamɔ 21:4

Ɔ kpaa hio ma *wan-yambimɔ pɛ Jésus haki, nɛ ɔ dea dimasi ndang hinɛ mbwa. *Nzɔy-Sɔtɛ gbaa tazu mbwa, nɛ mbwa tɔa ha Paul nde, ka wɛnɛ anɛ ha Jérusalem na.

Deamɔ 18:12

Ma, ha ngimɔ ka Galion dungɔ gɔfɔrma ha zu kandɔnu Akai, hio zuife guotɛ nɛ sila ndang sungiri nɛ Paul, nɛ mbwa kuo wɛnɛ nɛnɛ ha li kita.

Deamɔ 16:12

Haki ɔ nɛa ha Filipe, gasa le mɔ kandɔnu Masedoane. Hio wi mɔ kandɔ Rome de le ang. Ɔ dungɔ haki hio ma yala.

Deamɔ 19:22

Nɛ a tomsa hio wan-gbakiri wɛnɛ bwa, Timothée nɛ Eraste, nɛ ha Masedoane. Ma, Paul bhɔna pɛa ha kandɔnu Azi lɛm nɛ ma ngimɔ.

Deamɔ 19:29

Mɛgi, zang le ɛngi fɛt bhunzoko. Hio wi fɛt sɔawi ha gasa bhandi de saka. Ha liwal mbwa baa hio sɔy-yali pɛ Paul bwa, Gaius nɛ Aristarke, hio wi mɛ Masedoane, nɛnɛ haki.

Rome 1:11

Mi nɛ tɛ hɛl mɛ nɛ ha pɛ ɛnɛ tuka nde, mi akapini ha ɛnɛ ma dedemɔ pɛ *Nzɔy-Sɔtɛ hazu ngasisi mɛkaramɔ pɛ ɛnɛ.

1 Korente 4:19

Ma, ka Sɔ ngoya, mi benɛ ha zɔka ɛnɛ nɛhasa. Ka mi hɔa ha pɛ ɛnɛ, mi ngoy fin ze wen pɛ hio wan-sutɛ ndɔng na, ma, mi ngoya zɔk mana mbwa nɛ ngatɛ mɛ de tom.

2 Korente 10:16

Hapata, ɔ benɛ nɛ bul Dede Wen ha hio wi ka le pɛ mbwa nɛ yɛa nɛ ɛnɛ. Hazu, tom ka Sɔ weka ha hio mbing wan-bul Dede Wen, ɔ ngoy de yo na. Nɛ tom ka hio mbinga dea, ɔ ngoy sutɛ hazua na.