Deamɔ 18:25 - Takarata pɛ Sɔ Mbombe Mbon

²⁵ A bayambi osamɔ hazu wal pɛ *Kongawan, nɛ sising, a dungɔ nɛ gbɛnga sila, nɛ a tɔa nɛ bulo wen hazu Jésus nɛ wala nzeng. Ma, a ingɔ sɔna nɛ wal ka Jean bagdumsi nɛ wi ha li.

Deamɔ 18:25 Referans Kwoze

Deamɔ 19:3

A ana fin: «Ɛ gdumso ɛnɛ ha li mɛng?» Mbwa kiforo wen: «Ɛ gdumso ɔ ha li lɛm nɛ osamɔ pɛ *Jean wan-gdumsiwi.»

Rome 12:11

Ka ɛnɛ adung pɔsa wi na, ma ɛnɛ agbɛngsi tɛ ɛnɛ ha dea tom ha *Kongawan nɛ hafala tɛ.

Deamɔ 19:23

Ha ngimɔ ɛngi, hio gasa woto-wotomɔ angara ha wen osamɔ hazu wal pɛ *Kongawan Jésus.

Deamɔ 19:9

Ma, hio ma wi dea nga zu, nɛ mbwa kafa mɛkara Jésus. Mbwa tɔa nyalɔ wen ha li giliwi fɛt sungiri osamɔ hazu wal pɛ Kongawan Jésus. Mɛgi, Paul gɔna soko hinɛ mbwa. A kaya hio *wan-yambimɔ pɛ Jésus gde nɛtɛ. Nɛ swe fɛt, wɛnɛ dungɔ ha osamɔ ha twa yambimɔ pɛ Tiranos.

Deamɔ 9:2

A ana ha kɔ wa takarata ka beha wɛnɛ ziomɔ mɛ kay ha gasa le Damas hio *zuife ndɔng ka ndara wal pɛ Kongawan Jésus. Haki, a beosi takarata ɛngɛ ha hio wan-zu hio *twa gɔ Sɔ. Nɛ ka wɛnɛ bekpa hio ma wei nɛ bhoko ndɔng, a beku mbwa nɛ sanga kɔ sinɛ ha Jérusalem.

Marc 12:14

Mbwa tɛa tɛ tɔ ha wɛnɛ: «Wan-osimɔ, ɔ ingɔ nde mɛ nê wan-tɔ tɛwen, ka yu ke li ma wi na, nɛ mɛ de mɔ hazu pea li wi na. Mɛ ha osa ngbak mɔ, ka Sɔ ngoya nde ɔ ade. Mɛ tɔ ha ɔ, *mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Jacques 5:16

Mɛgi, ɛnɛ gbasi hio gdangamɔ pɛ ɛnɛ ha may, nɛ ɛnɛ agɔ Sɔ hazu may fin nde, ka wɛnɛ akpasisi ɛnɛ ha hio zɛlɛ pɛ ɛnɛ. Hazu, wi ka dung nzeng ha li Sɔ, gɔamɔ pɛa lɛmsiri mɔ nɛdɔka.

2 Timothée 2:4

Wan-bibulo ka ngoy ha totɛ ha kagama pɛa, a lɛm gde sila wa ha tom pɛ hio gbele wi na.

Deamɔ 16:17

Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Deamɔ 13:10

nɛ tɔa: «Bem pɛ *Satan, mɛ nê wan-likisi nɛ wan-nga sila, nɛ mɛ ha sungoro nzengmɔ fɛt! Hazu ge mɛ bhɔna ha tɔa nde, tɛwen pɛ *Kongawan nê wen dalo, ge nde?

Dede Wen hazu Jésus-Christ ka Luc ngɛraka 7:29

«Hio wi fɛt hinɛ hio wan-ndɛm mbɔli garama fin zea Jean, nɛ mbwa mɛkara nde, Sɔ nɛ nzeng. Mɛgi mbwa tɛa tuka nde, Jean agdumsi mbwa ha li.

Marc 1:3

Ma wi ndang gdɔra ha kpɛnu: ‹Ɛnɛ bhɔngiri mbango ha *Kongawan. Ɛnɛ yolsi hio bhɛtɛ-bhɛtɛ wal pɛa.›»

Dede Wen hazu Jésus-Christ ka Luc ngɛraka 1:4

ka mɛ aing nde, mɔ ka mɛ yamba, nê tɛwen.

Deamɔ 18:26

Apolos bulo wen nɛ da ha *twa gɔ Sɔ. Ka Priscille hinɛ Akilas zea wen pɛa, mbwa kuo wɛnɛ sinɛ ha twa pɛ mbwa. Mbwa osa ha wɛnɛ osamɔ hazu wal pɛ Sɔ nɛdedea pen mɔ sɔngsi.