Deamɔ 18:19 - Takarata pɛ Sɔ Mbombe Mbon

¹⁹ Ka kuga bhanda ha nukolo mɔ gasa le Efeze, Paul gdea Priscille hinɛ Akilas haki. Wɛnɛ nɛa ha *twa gɔ Sɔ, nɛ a wolamɔ hinɛ hio *zuife.

Deamɔ 18:19 Referans Kwoze

2 Timothée 1:18

Kongawan ade kobhe tɛ wa ha swe ka wɛnɛ bepe nɛ. Mɛ ingɔ nɛdedea nde, a dea dɔka tom ha mi ha le Efeze.

1 Timothée 1:3

Mɛ abhɔn ka haki ha le Efeze, tuka mi mboa mɛ ha ngimɔ ka mi guotɛ mɛ nɛ ha kandɔnu Masedoane. Hazu, lɛma nde, mɛ agdɔki nu hio ma wi ka osi hio mɔ dalo hazu wal mɛkaramɔ.

Efeze 1:1

Yo nê mi Paul ka Sɔ nɛ pɛa tɛ weka tuka *wan-nɛtom pɛ Jésus-Christ, mi ngɛriki takarata ɛngɛ tomsi ha ɛnɛ, hio wi pɛ Sɔ mɔ le Efeze, ɛnɛ ka dung nɛ mboazu ha dea sɔy hinɛ Jésus-Christ.

1 Korente 16:8

Mi bedung hakɛ ha Efeze gbo ha swe Pantekote.

1 Korente 15:32

Ha gasa le Efeze, mi bio bulo sungiri hio wi ka dung tuka ngɔnzu. Ka bo nde, mi ha takara mɔ tuka hio wi mɔ nzan, ki mi kpaa nɛ nge mɔ ha bulo ɛngɛ, ge nde? Ka hio fiowi lɛm gutɛ na, ki ɔ bede mɔ tuka wen ka tɔ nde: «Ɔ ayɔng mɔ nɛ nɔ mɔ, hazu bhisiri ɔ befe.»

Deamɔ 20:16

Paul weka mɛ pen hapɛtɛ le Efeze yu nde, a betɛ pensi ngimɔ ha kandɔnu Azi. A hasa tɛ hazu nɛ ha Jérusalem, nɛ dung haki ha swe Pantekote, ka yo lɛma.

Deamɔ 19:1

Ha ngimɔ ka Apolos dungɔ ha Korente, Paul pena nɛ wal kuso bhandi mɔ kandɔnu Azi hɔ ha Efeze. A kpaa hio ma wi haki, ka mɛkara Jésus, nɛ wɛnɛ ana mbwa:

Deamɔ 18:24

Ha ngimɔ ɛngi, ma *zuife, ling wa nde Apolos, ka ɛ bhɛa ha gasa le Alezandri, hɔa ha Efeze. A wolamɔ weleng, nɛ a ingɔ takarata pɛ Sɔ pentɛ.

Deamɔ 18:4

Ha *swe ɔmtɛ ndang ndang fɛt, Paul dungɔ ha bulo wen ha *twa gɔ Sɔ. A kio wal mɛ gan zu hio zuife nɛ hio olo wi fin nde, mbwa amɛkiri Jésus.

Gbasamɔ 2:1

«Mɛ ngɛriki ha *telenge pɛ giliwi mɔ eglize ha Efeze wen mɛgɛ: Ɛngɛ nê wen nu wi kɛ ka ba sɔla mɔrkɔ zanga bwa ha wekɔ wa, nɛ ka yal ha soko solo lamba mɔ gbɛbolo mɔrkɔ zanga bwa.

Gbasamɔ 1:11

ka tɔa: «Mɛ ku takarata nɛ mɛ ngɛriki mɔ ka mɛ bezɔk, nɛ mɛ tomsi yo ha hio *giliwi mɔ eglize mɔrkɔ zanga bwa ha hio le Efeze, Simirne, Pergame, Tiatire, Sarde, Filadelfi nɛ Laodise.»

2 Timothée 4:12

Mi tomsa Tishike ha le Efeze.

Deamɔ 19:26

Ma, ɛnɛ ha zea nɛ zɔka Paul ha tɔa nde, sɔ ka ɛ dea nɛ kɔ, yo bo nê kpasa sɔ na. A gana zu wi nɛdɔka nde, mbwa amɛkiri wen pɛa. A dea mɛgi bo sɔna ha Efeze na, ma, mɛ lɛm nɛ kandɔnu Azi fɛt.

Deamɔ 19:17

Ka hio wi mɛ Efeze, hio zuife nɛ hio wi mɔ olo kandɔ, zea kasia, ke baa mbwa fɛt, nɛ mbwa lukoso ling Kongawan Jésus.

Deamɔ 18:21

Wɛnɛ kɛatɛ nɛ mbwa nɛ tɔa: «Ka Sɔ ngoya, mi bekifiri fin tɛ ha pɛ ɛnɛ.» Nɛ a lea kuga ha Efeze pen.

Deamɔ 18:20

Mbwa ana wɛnɛ hazu bhɔn hinɛ mbwa ma ngimɔ fin, ma, Paul kafa.

Deamɔ 19:28

Ka hio wi ndɔng zea mɛgi, sila mbwa yimɔ, nɛ mbwa angara gdɔra: «Artemis mɔ Efeze nê gasa sɔ!»

Deamɔ 19:35

Ha kpogioa, wan-ngɛrikimɔ mɔ le Efeze gaya giliwi nɛ tɔa: «Ɛnɛ hio wi mɛ le Efeze, hio wi fɛt ingɔ nde, le Efeze nê bhandi pam twa gasa sɔ Artemis nɛ zizi tɛ wa, ka guotɛ ha ngɔn tek ha nu.

Deamɔ 20:17

Ka Paul boka ha Milet, a pio kasara hazu sa nɛ hio kotowi mɔ eglize ha Efeze.

Deamɔ 21:29

Mbwa tɔa mɔ mɛgi hazu mbwa zɔka Trofime, wi mɔ Efeze, hinɛ Paul ha zang Jérusalem. Mbwa takara nde, Paul lesasa wɛnɛ ha zang gasa twa Sɔ.