Deamɔ 18:14 - Takarata pɛ Sɔ Mbombe Mbon

¹⁴ Paul ngoya kifiri wen, ma, Galion tɔa ha hio zuife: «Woo, ɛnɛ hio zuife. Ka bo se nde, yo nê ma gdangamɔ sungiri nɛ mbonga, mana ma kalbho-kalbho deamɔ, ki mi lɛma ba ngimɔ hazu ze ɛnɛ.

Deamɔ 18:14 Referans Kwoze

Hebro 5:2

Gasa wan-hasadaka ingɔ dea kobhe tɛ hio tam-tum wi ka yɔa wal, hazu wɛnɛ fin nɛ mɔkaa gbesi tuka mbwa.

2 Korente 11:4

Hazu, ɛnɛ ha baa sila ɛnɛ nɛ hio wi ka tɛ tɛ bul wen pɛ ma Jésus nɛtɛ, ka ɔ tɛ bul wen pɛa na. Ɛnɛ mɛkara mɛ kpa ma sɔtɛ ka dung nɛtɛ nɛ *Nzɔy-Sɔtɛ ka ɛnɛ kpaa kari. Ɛnɛ mɛkara mɛ ze ma dede wen nɛtɛ, ka ɛnɛ tɛ ze ha nu ɔ na.

2 Korente 11:1

Ɛnɛ aba sila ɛnɛ nɛ mi ka mi wolmɔ tikiring tuka wan-bili. Ey, ɛnɛ aba sila ɛnɛ nɛ mi wa!

Rome 13:3

Hazu hio wi ndɔng ka de dedemɔ, mbwa lɛm dung nɛ ke tɛ hio wan-le na. Ma, yo nê wi ndɔng ka de gdangamɔ, ka dung nɛ ke tɛ mbwa. Ka mɛ ngoy nde, ke tɛ hio gasa wi mɔ zu le ade mɛ na, dea nde, mɛ ade dedemɔ, nɛ mbwa belukisi mɛ.

Deamɔ 25:26

Mi tɛ kpa ma kpasawen mɛ ngɛriki hazu wei ɛngɛ ha kongapora Sezar na. Yo nê ɛngi, ka mi gde wɛnɛ ha li ɛnɛ, nɛ pen fɛt ha li mɛ, kongapora Agripa. Ɛnɛ ani goto wen pɛa, ka mi aing mɔ mɛ ngɛriki.

Deamɔ 25:11

Ka wen baa mi, nɛ ka mi dea gdangamɔ ka lɛma nɛ fio, mi lɛm kafi fio na. Ma, ka mbwa fundo mi nɛgbelea, ma wi ndang lɛm gde mi ha kɔ mbwa na. Mi ngoya nde, kongapora Sezar agɔn kita pɔm.»

Deamɔ 21:39

Nɛ Paul kiforo wen: «Way, mi nê *zuife, bele mɔ konga gasa le Tarse ha kandɔnu Silisi. Mi ba nanga mɛ, mɛ gde mi awolmɔ ha giliwi ndɔng.»

Deamɔ 13:18

A tɔna mbwa lɛm nɛ bɛlɛ bhukɔa nar, ka mbwa dea ha kpɛnu.

Marc 9:19

Jésus kiforo wen ha mbwa: «Ɛnɛ, hio wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

Matthieu 5:2

Nɛ wɛnɛ angara osa mɔ ha mbwa mɛgɛ:

Deamɔ 13:10

nɛ tɔa: «Bem pɛ *Satan, mɛ nê wan-likisi nɛ wan-nga sila, nɛ mɛ ha sungoro nzengmɔ fɛt! Hazu ge mɛ bhɔna ha tɔa nde, tɛwen pɛ *Kongawan nê wen dalo, ge nde?