Deamɔ 16:25 - Takarata pɛ Sɔ Mbombe Mbon

²⁵ Ha wal gduko zɛ, Paul nɛ Silas dungɔ ha gɔa Sɔ nɛ ha bea gima lukisi nɛ Sɔ. Nɛ hio olo wan-zɔbhɔ ha zea mbwa.

Deamɔ 16:25 Referans Kwoze

Jacques 1:2

Hio ya mi, ka tili yeksamɔ nɛtɛ-nɛtɛ ha wea sila ɛnɛ, ɛnɛ azɔk yo tuka gasa totɛ.

Rome 5:3

Yo bo sɔna nê ɛngi na. Ma, ɔ ha dea totɛ fin hazu yeksamɔ ka kpa may hinɛ ɔ. Hazu ɔ ingɔ nde, yeksamɔ bede nde, ɔ adung nɛ yikosila.

Hebro 5:7

Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.

Efeze 5:19

Ka ɛnɛ wesara may, ɛnɛ be hio *gima pɛ David, hio gima lukisi Sɔ, nɛ hio gima ka tɛ nɛ wal Nzɔy-Sɔtɛ. Ɛnɛ be yo fɛt hazu lukisi nɛ Kongawan nɛ sila ɛnɛ fɛt.

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

1 Pierre 4:14

Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.

Filipe 2:17

Ɛnɛ mɛkara Jésus-Christ, nɛ mi haa mɛkaramɔ ɛngɛ tuka sadaka ha Sɔ. Ngase ka ɛ begbɛ mi nɛ gɔsi tɔktɛ mi ha zu sadaka ɛngɛ, mi bede totɛ, nɛ mi bekapini totɛ ɛngɛ hinɛ ɛnɛ fɛt.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

Deamɔ 5:41

Hio wan-nɛtom pena ha li hio wan-kpo zuwen nɛ totɛ gdang hazu Sɔ zɔka mbwa tuka wi ka dung nɛ zioa mɛ kpa yeksamɔ hazu ling Jésus.

Dede Wen hazu Jésus-Christ ka Luc ngɛraka 22:44

Jésus tɛ bo nɛ nɔzang pentɛ, mɛgi a angara gɔa Sɔ nɛngaya pen mɔ sɔngsi. Nɛ gbɛngamɔ tɛ wa sɛa ha nu tuka mbɔrɔ tɔk.]

Jacques 5:13

Ka ma wi ha soko ɛnɛ kpa yeksamɔ, lɛma nde, wɛnɛ agɔ Sɔ. Ka ma wi nɛ totɛ, lɛma nde, wɛnɛ abe gima lukisi nɛ Sɔ.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 16:19

Ka hio wan pɛa zɔka nde, mbwa lɛm kpa mbɔli nɛ wal pɛa fin na, mbwa baa Paul nɛ Silas nɛ daka mbwa nɛnɛ ha dɛl mɔ lea ha li hio wan-le.

Deamɔ 16:33

A kaya mbwa ha ndangtɛ ngimɔ nɛ zɛ nɛnɛ ha bhandi pɛa, nɛ a fala dalɛ pɛ mbwa. Nɛ sising mbwa gdumso wɛnɛ ha li nɛ ling Jésus, nɛ fin hio wi mɔ twa pɛa fɛt.