Deamɔ 16:18 - Takarata pɛ Sɔ Mbombe Mbon

¹⁸ A dea tuka ɛngɛ yala nɛdɔka, kanɛ sila Paul yimɔ nɛkpasa. A kiforo tɛ zɔk bhoko ɛngɛ, nɛ a tɔa ha dua: «Nɛ ling Jésus-Christ, mi ha nu ha mɛ mɛ gbo ha tɛ wa pen!» Nɛ ha ndangtɛ ngimɔ dua gboa pen.

Deamɔ 16:18 Referans Kwoze

Marc 16:17

Wi ndɔng ka bemɛkiri mi, mi beha mbwa ziomɔ mɛ de nɛ hio *mɔweka. Mbwa beyin hio gdanga sɔtɛ nɛ ling mi. Nɛ mbwa bewolmɔ nɛ hio mbombe nu.

Deamɔ 9:34

Pierre tɔa ha wɛnɛ: «Ene, Jésus-Christ kpasasa mɛ. Mɛ gutɛ, mɛ bhɔngiri yala pɛ mɛ.» Nɛ ha ndangtɛ ngimɔ, a guotɛ.

Deamɔ 3:6

Ma, Pierre tɔa ha wɛnɛ: «Mi bo nɛ ma mbɔli ha kɔ mi ndang na. Ma, mɔ ka dung ha kɔ mi, mi ha yo ha mɛ: Nɛ ling Jésus-Christ, wi mɛ Nazaret, mɛ gutɛ, nɛ mɛ nɛ nɔ.»

Marc 1:34

Jésus kpasasa hio wi nɛdɔka ka dungɔ nɛ tili zɛlɛ nɛtɛ-nɛtɛ. Nɛ wɛnɛ yinɔ hio gdanga sɔtɛ nɛdɔka gbosisi ha tɛ hio ma wi. A kafa nde, hio gdanga sɔtɛ awolmɔ na. Hazu mbwa ingɔ wɛnɛ.

Kolose 2:15

Nɛ wal dea mɛgi, Sɔ guo mɔ-bibulo pɛ hio sɔtɛ gan zu mɔ nɛ hio nga sɔtɛ fɛt yunɛ. Nɛ a gdea mbwa tuka bala ha zang nzɔng ka nak pata Christ, wan-gan zu mbwa. Mɛgi, foy baa mbwa ha li hio wi fɛt.

Dede Wen hazu Jésus-Christ ka Luc ngɛraka 9:1

Jésus wesara hio wan-nɛtom bhukɔ gbala bwa, nɛ wɛnɛ haa mbwa ngatɛ nɛ ziomɔ mɛ gan zu hio gdanga sɔtɛ fɛt, nɛ mɛ karsi hio zɛlɛ.

Matthieu 14:24

Nɛ sɔngu tɛ bo nisi ha binsila tɔ. Bok yuo sungiri sɔngu, nɛ tongbasali ilo yo.