Deamɔ 16:17 - Takarata pɛ Sɔ Mbombe Mbon

¹⁷ Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Deamɔ 16:17 Referans Kwoze

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

1 Pierre 2:16

Ɛnɛ tɛ bo nê hio wi ka dung sɛɛ. Ka ɛnɛ adung sɛɛ hazu de nɛ gdangamɔ na. Ma, ɛnɛ adung sɛɛ hazu de mɔ tuka wan-tom pɛ Sɔ.

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Dede Wen hazu Jésus-Christ ka Luc ngɛraka 4:41

Hio gdanga sɔtɛ gboa ha tɛ dɔka wi nɛ gdɔra: «Mɛ nê *Bewei pɛ Sɔ!» Ma, Jésus gaya mbwa nde, ka mbwa awolmɔ na, hazu mbwa ingɔ fɛt nde, wɛnɛ nê *Mesi.

Dede Wen hazu Jésus-Christ ka Luc ngɛraka 4:34

«Yiss, Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Dede Wen hazu Jésus-Christ ka Luc ngɛraka 1:79

Saamɔ kɛ beba ha zu wi, ka mbwa dungnu ha zang tutum. Saamɔ kɛ beba ha zu wi, ka dung ha si fio. Nɛ yo beyolsi nanga ɔ, nɛ yo bengbɔsi ɔ, tuka nde, ɔ fɛt anɛ nɔ ha dede wal gaamɔ pɛ Sɔ.»

Deamɔ 19:13

Hio ma wan-nganga *zuife ka dungɔ ha ndota ha hio bhandi nɛtɛ-nɛtɛ, wea yinɔ hio gdanga sɔtɛ ha tɛ wi nɛ ling *Kongawan Jésus. Mbwa tɔa: «Mi ha nu nde, ɛnɛ agbo pen nɛ ling Jésus ɛngɛ, ka Paul ha tɔa wen pɛa.»

Deamɔ 18:26

Apolos bulo wen nɛ da ha *twa gɔ Sɔ. Ka Priscille hinɛ Akilas zea wen pɛa, mbwa kuo wɛnɛ sinɛ ha twa pɛ mbwa. Mbwa osa ha wɛnɛ osamɔ hazu wal pɛ Sɔ nɛdedea pen mɔ sɔngsi.

Dede Wen hazu Jésus-Christ ka Luc ngɛraka 20:21

Wi ndɔng ana wɛnɛ: «Wan-osimɔ, ɔ ingɔ nde, wolamɔ nɛ osamɔ pɛ mɛ nɛ nzeng. Nɛ fin, mɛ gba soko hio wi na, ma, mɛ ha osa ngbak mɔ, ka Sɔ ngoya nde ɔ ade.

Dede Wen hazu Jésus-Christ ka Luc ngɛraka 1:77

Mɛ betɔ ha hio wi nde, Sɔ bekpasisi mbwa. A bebisi *sɛmbɔ pɛ mbwa hazu kpasisi mbwa.

Marc 12:14

Mbwa tɛa tɛ tɔ ha wɛnɛ: «Wan-osimɔ, ɔ ingɔ nde mɛ nê wan-tɔ tɛwen, ka yu ke li ma wi na, nɛ mɛ de mɔ hazu pea li wi na. Mɛ ha osa ngbak mɔ, ka Sɔ ngoya nde ɔ ade. Mɛ tɔ ha ɔ, *mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Matthieu 8:29

Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Dede Wen hazu Jésus-Christ ka Luc ngɛraka 8:28

Ngimɔ nɛdɔka gdanga sɔtɛ baa wɛnɛ. Hio wi hɛla kɔ wa nɛ nanga wa nɛ gbazɔbhɔ, hazu pam nɛ wɛnɛ. Ngase ɛngi, a gɔna mɔ ndɔng fɛt nɛ gdanga sɔtɛ ngbɔsa wɛnɛ nɛnɛ ha zang bɛlɛ. Nɛ ka wɛnɛ zɔka Jésus, a gdɔra nɛngaya, a teka ha si wa, nɛ a tɔa nɛ ngagɛl: «Jésus, *Bewei pɛ Sɔ ha kuso ngɔn, mɛ ngoy mɛ de ge nɛ mi? Mi lokitɛ ha mɛ, ka mɛ ayukiti mi na.» A tɔa mɛgi hazu Jésus haa nu ha gdanga sɔtɛ nde, wɛnɛ agbo ha tɛ wi ɛngɛ.

2 Pierre 2:2

Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.