Deamɔ 16:13 - Takarata pɛ Sɔ Mbombe Mbon

¹³ Ha *swe ɔmtɛ, ɔ gboa ha Filipe nɛ ɔ nɛa hapɛtɛ nanali. Ɔ takara nde, bhandi gɔ Sɔ pɛ hio *zuife haki. Ɔ dungɔnu nɛ ɔ wolamɔ hinɛ hio bhoko, ka wesara may haki.

Deamɔ 16:13 Referans Kwoze

Deamɔ 13:14

Mɛgi, mbwa guotɛ ha Perze nɛ ha Antioshe mɔ kandɔnu Pisidi. Ka hɔa ha *swe ɔmtɛ, mbwa lea *twa gɔ Sɔ, nɛ mbwa dungɔnu ang.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

Deamɔ 21:5

Ma, ka yala ndɔng kara, ɔ guotɛ pen ha yali. Hio wi pɛ Christ fɛt, tɛ ba nɛ hio bhoko nɛ hio bem, nɛa hinɛ ɔ ha gdong le. Ka ɔ hɔa ha nukolo nana-litɔng, ɔ ngbio zigolo nɛ gɔa Sɔ.

Deamɔ 20:7

Ha *swe ɔmtɛ, ɔ wesara may nɛ mbolo hazu yɔngamɔ pɛ *Kongawan. Nɛ Paul bulo wen nɛ bɔyaa tee kanɛ gduko zɛ, hazu a bepen nɛ mɔsaa.

Deamɔ 18:4

Ha *swe ɔmtɛ ndang ndang fɛt, Paul dungɔ ha bulo wen ha *twa gɔ Sɔ. A kio wal mɛ gan zu hio zuife nɛ hio olo wi fin nde, mbwa amɛkiri Jésus.

Deamɔ 17:2

Tuka Paul dea swe fɛt, a lea twa gɔ Sɔ. Ha *swe ɔmtɛ tar fɛt, a zanga wen hinɛ hio wi haki hazu takarata pɛ Sɔ.

Deamɔ 16:6

*Nzɔy-Sɔtɛ dolsa mbwa mɛ nɛ nɛ bul wen pɛ Sɔ ha kandɔnu Azi. Mɛgi, mbwa gɔna kandɔnu Frizi nɛ kandɔnu Galasi pen.

Deamɔ 13:42

Ka Paul nɛ Barnabas ha gboa ha twa gɔ Sɔ, hio wi ana mbwa hazu bul fin wen hazu ndangtɛ mɔ ɛngɛ ha swe ɔmtɛ mɔ pata.

Jean 8:2

Nɛ sutole sut, a kiforo si ha zang *gasa twa Sɔ. Hio wi fɛt ema mɛs-mɛs tɛ ha pɛa. Mɛgi, a dungɔnu nɛ osa mɔ ha mbwa.

Dede Wen hazu Jésus-Christ ka Luc ngɛraka 13:10

Ha ma swe ɔmtɛ Jésus dungɔ ha osamɔ ha *twa gɔ Sɔ.

Marc 16:15

Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Matthieu 13:2

Hazu dɔka giliwi wesara may hapɛtɛ wa, a lea sɔngu nɛ dungɔnu ha zanga. Hio giliwi dungɔ ha nukolo.

Deamɔ 9:20

Nɛhasa wɛnɛ angara bulo wen ha hio *twa gɔ Sɔ nde, Jésus nê *Bewei pɛ Sɔ.

Deamɔ 16:16

Ma swe, ka ɔ dungɔ ha nɛa ha bhandi gɔ Sɔ, ɔ kpaa may hinɛ ma bala bhoko. Wɛnɛ nɛ dua, ka ha wɛnɛ zɛng mɛ ing mɔ ka behɔ bin. Hio wan pɛa dungɔ ha kpaa mbɔli nɛdɔka nɛ wal zɔka mɔ pɛa.