Deamɔ 15:24 - Takarata pɛ Sɔ Mbombe Mbon

²⁴ Ɔ zea nde, hio ma wi ha soko ɔ hɔa ha pɛ ɛnɛ nɛ tɔa ma wen ka bhunzoko nɛ gdangsa sila ɛnɛ. Ɔ tɛ haa nu ha mbwa mɛ tɔ wen mɛgi na.

Deamɔ 15:24 Referans Kwoze

Galasi 5:12

Hio wi ndɔng ka pi tukolomɔ ha soko ɛnɛ, nɛ dedea nde, ka mbwa agɔn sɔna nɛ sɔru mbwa na, ma, mbwa agba fin tɛ mbwa nɛ mala!

Galasi 5:10

Ɔ hinɛ ɛnɛ fɛt ha dea sɔy hinɛ *Kongawan. Mɛgi mi ha gdea tazu mi fɛt ha tɛ ɛnɛ nde, ɛnɛ bedung nɛ ndangtɛ takaramɔ gbesi tuka mi. Ma, wi ɛngɛ ka tukili mɔ ha soko ɛnɛ, ngase wia adung dung mɛng, Sɔ begɔn kita ba wɛnɛ.

Deamɔ 15:1

Hio ma wi, ka guotɛ ha Judée tɛ ha Antioshe mɔ Siri, osa mɔ ha hio wi pɛ Christ nɛ tɔa: «Ka ɛ gɔn sɔru ɛnɛ lɛm nɛ *mbonga pɛ Moïse na, Sɔ lɛm kpasisi ɛnɛ na.»

Galasi 1:7

Yo nê tɛwen nde, ma mbing Dede Wen ndang bona. Mi tɔ mɛgi hazu mi zɔka nde, hio ma wi ha bhunzoko sila ɛnɛ, nɛ mbwa ngoy mɛ bhabhi Dede Wen ka tɔ wen tɛ Christ.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

2 Timothée 2:14

Mɛ gba tazu hio wi fɛt nɛ wen ndɔng ki. Mɛ ha nu ha mbwa ha li Sɔ nde, ka mbwa amɔy hazu hio tum wen na. Mɔya mɛgi lɛm gbakiri wi na, ma, yo bebhondisi nɛ wi ndɔng ka ze yo.

Galasi 5:4

Ɛnɛ ka ngoy dung nzeng ha li Sɔ nɛ wal deamɔ lɛm nɛ mbonga, ɛnɛ gɔna soko hinɛ Christ kari. Mɛgi, Sɔ lɛm de *dede sila ha tɛ ɛnɛ fin na.