Deamɔ 15:22 - Takarata pɛ Sɔ Mbombe Mbon

²² Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 15:22 Referans Kwoze

Deamɔ 15:27

Mɛgi, ɔ tomsa Jude nɛ Silas ha pɛ ɛnɛ. Mbwa betɔ ha ɛnɛ nɛ tɛ mbwa mɔ ka ɔ ngɛraka hakɛ.

Deamɔ 15:40

Paul nɛ pɛa tɛ weka Silas. Ka hio wi pɛ Christ gɔa Sɔ mɛ de *dede sila ha tɛ mbwa, mbwa pena.

1 Pierre 5:12

Yo nê Silas, ya ɔ ha Christ, ha gbakiri mi hazu ngɛriki dɔ takarata ɛngɛ ha ɛnɛ. Mi zɔka nde, wɛnɛ nɛ mboazu ha wal mɔ Sɔ. Mi ngɛraka takarata ɛngɛ hazu ngasisi nɛ ɛnɛ, nɛ hazu gbasi long nde, Sɔ ha dea kpasa *dede sila ha tɛ ɛnɛ ha zang mɔ fɛt. Mɛgi, dea nde, ɛnɛ abhɔn nɛ nɔa nging ha dede sila pɛ Sɔ.

2 Tesalonike 1:1

Yo nê mi, Paul, hinɛ Silas nɛ Timothée ha ngɛriki takarata ɛngɛ tomsi ha ɛnɛ, *giliwi mɔ eglize ha le Tesalonike. Ɛnɛ nê hio wi pɛ Sɔ, Bafa ɔ, nɛ pɛ *Kongawan Jésus-Christ.

1 Tesalonike 1:1

Yo nê mi, Paul, hinɛ Silas nɛ Timothée ha ngɛriki takarata ɛngɛ tomsi ha ɛnɛ, *giliwi mɔ eglize ha le Tesalonike. Ɛnɛ nê hio wi pɛ Sɔ, Bafa, nɛ pɛ *Kongawan Jésus-Christ. Mbwa ade *dede sila ha tɛ ɛnɛ, nɛ mbwa aha gaamɔ ha ɛnɛ.

Deamɔ 18:5

Ka Silas hinɛ Timothée guotɛ ha Masedoane hɔ, Paul gdea tɛ wa fɛt ha bulo wen Sɔ hazu gbasi ha hio zuife nde, Jésus nê *Mesi.

Deamɔ 15:32

Nɛ Jude nɛ Silas, ka dungɔ fin nê hio *wan-tɔkuliwen, mboa hio ya ndɔng nɛ dɔka wen hazu ngasisi mɛkaramɔ pɛ mbwa.

Deamɔ 1:23

Mɛgi, mbwa saa ling wi bwa: Joseph, ka ɛ sa nde Barsabas, ma ling wa fin nde Yustus, hinɛ Matthias.

Deamɔ 17:14

Nɛhasa, hio ya ha Christ gdea Paul pen nɛ ha nukolo nana-litɔng. Ma, Silas nɛ Timothée bhɔna pɛ mbwa ha Bere.

Deamɔ 17:10

Ha ndangtɛ yala nɛ zɛ, hio ya ha Christ gdea Paul nɛ Silas pen nɛ ha le Bere. Ka mbwa hɔa haki, mbwa lea *twa gɔ Sɔ pɛ hio *zuife.

Deamɔ 17:4

Hio ma ha soko mbwa mɛkara, nɛ mbwa ndara Paul nɛ Silas. Hio dɔka greke, ka lukisi Sɔ, nɛ hio dɔka konga bhoko ndara mbwa fin.

Deamɔ 16:29

Wan-pɛm twa zɔbhɔ ana kan-du we, nɛ a sɔawi le gdɔku pɛ Paul hinɛ Silas. Tɛ wa yaka tututu, nɛ a teka ha si mbwa.

Deamɔ 16:25

Ha wal gduko zɛ, Paul nɛ Silas dungɔ ha gɔa Sɔ nɛ ha bea gima lukisi nɛ Sɔ. Nɛ hio olo wan-zɔbhɔ ha zea mbwa.

Deamɔ 16:19

Ka hio wan pɛa zɔka nde, mbwa lɛm kpa mbɔli nɛ wal pɛa fin na, mbwa baa Paul nɛ Silas nɛ daka mbwa nɛnɛ ha dɛl mɔ lea ha li hio wan-le.

Deamɔ 15:25

Hazu ɛngi, ɔ kpoa zuwen nɛ sila ndang mɛ weki hio ma wi, nɛ tomsi mbwa ha pɛ ɛnɛ hinɛ hio ndɔngsila ɔ, Paul nɛ Barnabas,

Deamɔ 15:23

Mbwa ngɛraka ma takarata gde ha kɔ wi ndɔng. Yo tɔa mɛgɛ: «Ɔ, hio wan-nɛtom nɛ hio kotowi fɛt, ɔ fana hio ya ɔ, ka bo nê zuife na, ka dung ha le Antioshe, ha kandɔnu Siri nɛ ha kandɔnu Silisi.

Deamɔ 11:22

*Giliwi mɔ eglize ha Jérusalem zea kasia. Mɛgi, mbwa tomsa Barnabas nɛ ha Antioshe.

Deamɔ 8:14

Ka hio *wan-nɛtom ka dungɔ ha Jérusalem zea nde, hio wi mɔ Samari mɛkara wen pɛ Sɔ, mbwa tomsa Pierre nɛ Jean ha pɛ mbwa.

Deamɔ 11:19

Hapata gbɛa Etienne, ɛ angara namala hio wi pɛ Christ, nɛ mbwa yambala. Hio ma nɛa ha kandɔnu Fenisi, hio ma ha kisi Shipre, nɛ hio ma ha gasa le Antioshe. Ha bhandi fɛt ka mbwa hɔa ang, mbwa bulo wen pɛ Sɔ sɔna ha hio *zuife.

Deamɔ 11:20

Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 11:27

Ha ngimɔ ɛngi, hio ma *wan-tɔkuliwen guotɛ ha Jérusalem hɔ ha Antioshe.

Deamɔ 15:3

Eglize mɔ Antioshe gbakara mbwa nɛ mɔ fɛt hazu yali. Nɛ mbwa gɔna kandɔnu Fenisi nɛ *Samari. Ha liwal mbwa baa kasi ha hio wi pɛ Christ nde, wi ndɔng, ka bo nê *zuife na, kiforo sila nɛ mɛkara Jésus. Kasi ɛngɛ haa totɛ pentɛ ha hio wi pɛ Christ fɛt.

Deamɔ 15:30

Mɛgi, hio wan-nɛkasara ndɔng nar pena. Ka mbwa hɔa ha Antioshe, mbwa wesara hio wi pɛ Christ fɛt, nɛ haa takarata ɛngɛ ha mbwa.

2 Korente 1:19

Mi, Silas nɛ Timothée, ɔ bulo wen hazu Jésus-Christ, *Bewei pɛ Sɔ, ha soko ɛnɛ. Nɛ wɛnɛ tɛ hɔ hazu tɔ «ey» nɛ «way» na. Ma, wen pɛa ka nê «ey» sɔna.