Deamɔ 15:11 - Takarata pɛ Sɔ Mbombe Mbon

¹¹ Ma, ɔ mɛkara nde, Sɔ kpasasa ɔ nɛ wal *dede sila pɛ *Kongawan Jésus gbesi tuka mbwa fin.»

Deamɔ 15:11 Referans Kwoze

Rome 3:24

Ma, nɛ wal *dede sila pɛa, Sɔ gde mbwa nzeng ha li wa nɛ gangtɛ. A de mɛgi nɛ wal Jésus-Christ ka guo *sɛmbɔ pɛ mbwa yunɛ.

Tite 2:11

Ey, Sɔ gbasa long nde, wɛnɛ de *dede sila ha tɛ hio wi hazu wɛnɛ ngoy kpasisi mbwa fɛt.

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

1 Korente 16:23

Kongawan Jésus ade *dede sila ha tɛ ɛnɛ.

Rome 6:23

Kpasawen, mɔ-kɛ *wan-de gdangamɔ, yo nê fio. Ma, dede haamɔ ka Sɔ ha nɛ gangtɛ, yo nê tunɔ kpoo ha dea sɔy hinɛ Jésus-Christ, *Kongawan pɛ ɔ.

Rome 5:15

Gdangamɔ ka Adam dea, nɛ dedemɔ ka Sɔ dea nɛ gangtɛ, zio mɔ ndɔng bwa nɛtɛ-nɛtɛ. Kpasawen, nɛ wal wi ndang ka dea gdangamɔ, hio dɔka wi fea. Ma, nɛ wal wi ndang, Jésus-Christ, Sɔ ha dea *dede sila ha tɛ hio dɔka wi nɛ gangtɛ. Nɛ dede sila ɛngɛ, yo nɛ zioa pen mɔ fɛt.

Galasi 1:6

Sɔ saa ɛnɛ nɛ wal *dede sila pɛ Jésus-Christ. Mɛgi mi yaksa pentɛ ka mi zea nde, ɛnɛ gdea gdong ha wɛnɛ nɛhasa, hazu lɛngi zala ha ma mbing Dede Wen.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.