Deamɔ 14:8 - Takarata pɛ Sɔ Mbombe Mbon

⁸ Ha Listre, ma wi ndang ang ka ɛ bhɛa nɛ kumɔ nanga. A dung ka ha nu sɔna, a nɛ nɔ ndang na.

Deamɔ 14:8 Referans Kwoze

Deamɔ 3:2

Swe fɛt ɛ dungɔ ha kuo ma kumɔ wi nɛnɛ gde hapɛtɛ nu gasa twa Sɔ ɛngɛ, ka ɛ sa nde, dede nutwa. Ɛ bhɛa wi ɛngɛ nɛ kumɔa, a lɛm nɛ nɔ na. A dung haki ha gɔa mbɔli ha kɔ wi ndɔng ka le gasa twa Sɔ.

Deamɔ 4:9

ɛnɛ ha ana ɔ mɛsɛ hazu dedemɔ ka ɔ dea ha tɛ kumɔ wi ɛngɛ, nɛ ɛnɛ ana ɔ fin mɛng ka zɛlɛ pɛa kara.

Jean 5:7

Wan-zɛlɛ kiforo wen ha wɛnɛ: «Wan-osimɔ, ha ngimɔ ka telenge ha tongbasa li, mi tɛ kpa ma wi ka beba mi pi ha lia nɛhasa na. Ha ngimɔ ka mi ha kio wal mɛ nɛ, ma wi gɔna li mi nɛ le ha li sɔngsi mi.»

Deamɔ 14:6

Ka Paul nɛ Barnabas zɔka mɛgi, mbwa yuomɔ pen ha hio le mɔ kandɔnu Likaoni, ha le Listre, ha le Derbe, nɛ ha hio le hapɛtɛa.

Deamɔ 14:21

Ha le Derbe, Paul nɛ Barnabas bulo *Dede Wen, nɛ dɔka wi tɛ bo nê *wan-yambimɔ pɛ Jésus. Hapata, mbwa kiforo fin ha Listre, ha Ikoniom, nɛ ha Antioshe mɔ Pisidi.

Deamɔ 16:1

Paul hɔa ha Derbe nɛ ha Listre. Haki, ma *wan-yambimɔ pɛ Jésus dungɔ ang, ling wa nde, Timothée. Nana wa nê wi pɛ Christ mɔ kandɔ *zuife, ma, bafa wa nê kandɔ greke.

2 Timothée 3:11

Mɛ ingɔ hio namalamɔ ka hio wi namala nɛ mi, nɛ hio ngamɔ ka mbwa dea ha tɛ mi ha le Antioshe, ha le Ikoniom nɛ ha le Listre. Mbwa namala mi pentɛ, ma, *Kongawan gbosasa mi ha zang mɔ ndɔng fɛt yunɛ.