Deamɔ 14:4 - Takarata pɛ Sɔ Mbombe Mbon

⁴ Ma, hio wi mɛ gasa le ɛngi kɛtana soko bwa. Hio ma dungɔ ha gdong hio zuife, nɛ hio ma ha gdong hio *wan-nɛtom.

Deamɔ 14:4 Referans Kwoze

Deamɔ 28:24

Hio ma mɛkara hio wen, ka wɛnɛ tɔa, nɛ hio ma kafa yo.

Deamɔ 19:9

Ma, hio ma wi dea nga zu, nɛ mbwa kafa mɛkara Jésus. Mbwa tɔa nyalɔ wen ha li giliwi fɛt sungiri osamɔ hazu wal pɛ Kongawan Jésus. Mɛgi, Paul gɔna soko hinɛ mbwa. A kaya hio *wan-yambimɔ pɛ Jésus gde nɛtɛ. Nɛ swe fɛt, wɛnɛ dungɔ ha osamɔ ha twa yambimɔ pɛ Tiranos.

Deamɔ 14:14

Ka Paul nɛ Barnabas zea wena, mbwa gbaa la ha tɛ mbwa, kpera le soko giliwi nɛ mbwa tɔa:

1 Korente 9:5

Bo nê mi lɛma mɛ si ma bhoko, nɛ yal hinɛ wɛnɛ gbesi tuka hio olo wan-nɛtom, hio bebe ya mɛ Kongawan, nɛ Pierre ha dea, na nde?

Deamɔ 13:2

Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»

Jean 7:43

Mɛgi, hio zugiliwi kɛtana soko hazu wen pɛa.

Dede Wen hazu Jésus-Christ ka Luc ngɛraka 2:34

Siméon wola dede wen ha zu mbwa, nɛ a tɔa ha Marie: «Dɔka wi ha Israel bekɔ nanga ha tɛ bem ɛngɛ tek, nɛ wɛnɛ begu hio ma mbinga nɛdɔka. Sɔ tomsa wɛnɛ mɛ gba tazu hio wi, ma mbwa bekafi wɛnɛ.

Deamɔ 13:45

Ka hio zuife zɔka dɔka giliwi, mbwa angara dea silamɔ. Mbwa kɛkara wen ha nu Paul nɛ mbwa fɛngsa wɛnɛ.

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 14:2

Ma, hio zuife ndɔng ka ngoy mɛkara na, aa sɔkira ha zala hio wi mɔ olo kandɔ nde, sila mbwa apang nɛ hio ya ha Christ.

Deamɔ 14:5

Hapata, hio ma zuife nɛ hio ma wi mɔ olo kandɔ, tɛ ba nɛ hio wan-le pɛ mbwa, guotɛ sungiri nɛ Paul hinɛ Barnabas hazu lo mbwa nɛ ta gbɛ.

Deamɔ 14:19

Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.

1 Tesalonike 2:14

Hio ya ɔ, ɛnɛ tɛ bo gbesi tuka hio *giliwi mɔ eglize pɛ Sɔ ha Judée. Mbwa ha dea sɔy hinɛ Jésus-Christ, mɛgi mbwa kpaa yeksamɔ ha kɔ hio bele pɛ mbwa, hio *zuife, gbesi tuka ka ɛnɛ kpaa nɛ yo ha kɔ hio bele pɛ ɛnɛ.