Deamɔ 14:26 - Takarata pɛ Sɔ Mbombe Mbon

²⁶ Haki, mbwa lea kuga hazu kifiri ha Antioshe, le ka mbwa ba-angiri nɛ yali pɛ mbwa. Yo nê haki ka ɛ bagde mbwa ha si *dede sila pɛ Sɔ hazu tom ka mbwa lɛmsara sising.

Deamɔ 14:26 Referans Kwoze

Deamɔ 15:40

Paul nɛ pɛa tɛ weka Silas. Ka hio wi pɛ Christ gɔa Sɔ mɛ de *dede sila ha tɛ mbwa, mbwa pena.

Deamɔ 11:19

Hapata gbɛa Etienne, ɛ angara namala hio wi pɛ Christ, nɛ mbwa yambala. Hio ma nɛa ha kandɔnu Fenisi, hio ma ha kisi Shipre, nɛ hio ma ha gasa le Antioshe. Ha bhandi fɛt ka mbwa hɔa ang, mbwa bulo wen pɛ Sɔ sɔna ha hio *zuife.

Kolose 4:17

Ɛnɛ tɔ ha Arshipe nde, wɛnɛ agbɛngsi tɛ hazu lɛmsiri nɛdedea tom ka Kongawan gdea ha kɔ wa.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

Kolose 1:25

Mi tɛ bo nê wan-tom pɛ giliwi mɔ eglize hazu de nɛ tom ka Sɔ gdea ha kɔ mi. Nɛ li toma nde, mi abul wen pɛa fɛt long ha ɛnɛ.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

Deamɔ 11:26

Ka wɛnɛ kpaa Saul kari, a kuo wɛnɛ tɛnɛ ha Antioshe fin. Nɛ mbwa dea kili bɛlɛ ndang ha soko giliwi mɔ eglize haki. Mbwa osamɔ hazu Jésus ha hio dɔka wi. Yo nê ha Antioshe ka ɛ angara saa hio *wan-yambimɔ pɛ Jésus nɛ bosia nde, wi pɛ Christ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

Galasi 2:11

Ma, ka Pierre hɔa ha Antioshe, mi sɛna wen ha wɛnɛ ha li wi fɛt, hazu a bo ha dea mɔ nɛdedea na.

Deamɔ 15:30

Mɛgi, hio wan-nɛkasara ndɔng nar pena. Ka mbwa hɔa ha Antioshe, mbwa wesara hio wi pɛ Christ fɛt, nɛ haa takarata ɛngɛ ha mbwa.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 14:23

Ha eglize ndang ndang fɛt, Paul nɛ Barnabas weka hio kotowi gde ha zu mbwa. Mbwa gɔa Sɔ nɛ zimɔ yɔngamɔ, nɛ mbwa gdea kotowi ndɔng ha kɔ *Kongawan, ka mbwa mɛkara ha wɛnɛ.

Deamɔ 11:20

Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 11:27

Ha ngimɔ ɛngi, hio ma *wan-tɔkuliwen guotɛ ha Jérusalem hɔ ha Antioshe.

Deamɔ 14:19

Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.

Deamɔ 14:21

Ha le Derbe, Paul nɛ Barnabas bulo *Dede Wen, nɛ dɔka wi tɛ bo nê *wan-yambimɔ pɛ Jésus. Hapata, mbwa kiforo fin ha Listre, ha Ikoniom, nɛ ha Antioshe mɔ Pisidi.