19 Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.
Mɛ ingɔ hio namalamɔ ka hio wi namala nɛ mi, nɛ hio ngamɔ ka mbwa dea ha tɛ mi ha le Antioshe, ha le Ikoniom nɛ ha le Listre. Mbwa namala mi pentɛ, ma, *Kongawan gbosasa mi ha zang mɔ ndɔng fɛt yunɛ.
Ze tar, hio nasara mɔ Rome zuro mi nɛ zambala. Ze ndang, hio wi loa mi nɛ ta hazu gbɛ mi gbɛ. Ze tar, mi gɔya ha li nɛ kuga, nɛ ma ngimɔ, mi ɔa ha zang li swe ndang nɛ zɛ ndang.
Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.
Mbwa baa wɛnɛ gbonɛ ha zang gasa le. Nɛ mbwa angara loa wɛnɛ nɛ ta hazu gbɛ wɛnɛ. Mbwa kpɔsa hio gasa la pɛ mbwa gde ha nu hapɛtɛ ma pɔlɔmbɔ wei ka ɛ sa nde, Saul.
Ha le Derbe, Paul nɛ Barnabas bulo *Dede Wen, nɛ dɔka wi tɛ bo nê *wan-yambimɔ pɛ Jésus. Hapata, mbwa kiforo fin ha Listre, ha Ikoniom, nɛ ha Antioshe mɔ Pisidi.
Haki, mbwa lea kuga hazu kifiri ha Antioshe, le ka mbwa ba-angiri nɛ yali pɛ mbwa. Yo nê haki ka ɛ bagde mbwa ha si *dede sila pɛ Sɔ hazu tom ka mbwa lɛmsara sising.
Ha hio dɔka yali pɔm, mi kpaa yeksamɔ ha mbeng li, mi kpɔya ha fio ha kɔ hio nagbɛwi, mi kpaa ngamɔ ha kɔ hio zuife, kandɔ pɔm, nɛ ha kɔ hio olo kandɔ, mi kpaa yeksamɔ ha hio gasa le, ha kpɛnu, ha li nana-litɔng, nɛ ha kɔ wi ndɔng ka tɔ nde, mbwa nê hio ya mi.
Hio ya ɔ, ɛnɛ tɛ bo gbesi tuka hio *giliwi mɔ eglize pɛ Sɔ ha Judée. Mbwa ha dea sɔy hinɛ Jésus-Christ, mɛgi mbwa kpaa yeksamɔ ha kɔ hio bele pɛ mbwa, hio *zuife, gbesi tuka ka ɛnɛ kpaa nɛ yo ha kɔ hio bele pɛ ɛnɛ.