Deamɔ 14:15 - Takarata pɛ Sɔ Mbombe Mbon

¹⁵ «Hio dan ɔ, ɛnɛ de mɔ mɛgɛ hazu ge? Zɔk, ɔ nê wi gbesi tuka ɛnɛ. Ɔ bul *Dede Wen ha ɛnɛ nde, ɛnɛ ato gdong ha hio buko sɔ ndɔng nɛ ndari tunɔ Sɔ ka bade ngɔn nɛ nu, nana-litɔng nɛ mɔ fɛt ka dung ang.

Deamɔ 14:15 Referans Kwoze

Jacques 5:17

Tazu ɛnɛ agba nɛ *wan-tɔkuliwen *Elie. A badung nê wi gbesi tuka ɔ hinɛ ɛnɛ. A gɔa Sɔ nɛting nde, ka kolo aɔl na. Nɛ yo dea kili bɛlɛ tar nɛ kilize mɔrkɔ zanga ndang, ka kolo tɛ tek ha nu na.

1 Korente 8:4

Mɛgi, sari ka hio wi ha nɛ sadaka ha gbele sɔ, ɔ lɛma mɛ yɔng nde? Ɔ ingɔ fɛt nde, hio gbele sɔ hakɛ ha nzan bo nɛ ngatɛ na. Sɔ ka nê ndang sɔna nzɛt.

Deamɔ 10:26

Ma, Pierre baa kɔ wa gu wɛnɛ gde ha ngɔn nɛ tɔa: «Gutɛ mɛ. Zɔk, mi fin nê wi tuka mɛ.»

Gbasamɔ 14:7

A tɔa nɛ ngagɛl: «Ɛnɛ yu ke Sɔ, nɛ ɛnɛ lukisi wɛnɛ! Hazu ngimɔ ka wɛnɛ begɔn nɛ kita ha zu hio wi hɔa kari. Ɛnɛ lukisi wɛnɛ ka dea ngɔn nɛ nu, nana-litɔng nɛ hio zu ndong li fɛt.»

1 Tesalonike 1:9

Hazu hio wi fɛt ha tɔa wen pɛ ɛnɛ nde, ɛnɛ baa ɔ nɛ dede kɔ, nɛ nde, ɛnɛ laka hio gbele sɔ gde nɛ kifiri sila hazu de tom ha kpasa tunɔ Sɔ.

Efeze 4:17

Ɛnɛ ze, nɛ ling *Kongawan mi tɔ ha ɛnɛ nɛkpasa nde, ɛnɛ akarsi mɛ de mɔ tuka wi ndɔng ka ing Sɔ na. Hazu deamɔ pɛ mbwa tɛ nɛ wal tum takaramɔ.

Deamɔ 4:24

Nɛ ka hio wi pɛ Christ zea wen ndɔng, mbwa fɛt gɔa Sɔ nɛ sila ndang nɛ tɔa: «*Kongawan, yo nê mɛ ka dea ngɔn nɛ nu, nɛ nana-litɔng nɛ hio mɔ fɛt ka dung ang.

Matthieu 16:16

Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Hebro 3:12

Hio ya mi, ɛnɛ pangay yu nde, ma wi ha soko ɛnɛ betɛ dung nɛ gdanga sila ka kafi Sɔ, nɛ wɛnɛ betɛ lak tunɔ Sɔ gde.

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

Deamɔ 14:21

Ha le Derbe, Paul nɛ Barnabas bulo *Dede Wen, nɛ dɔka wi tɛ bo nê *wan-yambimɔ pɛ Jésus. Hapata, mbwa kiforo fin ha Listre, ha Ikoniom, nɛ ha Antioshe mɔ Pisidi.

Jean 7:18

Wi ka wol mɔ nɛ pɛa tɛ, a ki nɛ wal nde, hio wi alukisi nɛ wɛnɛ. Ma, wi ka ki nɛ wal nde, ɛ alukisi wi ka tomsa wɛnɛ, wɛnɛ nê wan-tɔ tɛwen, nɛ wɛnɛ bo nê wan-likisi na.

Gbasamɔ 22:9

Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ, hio wan-tɔkuliwen, nɛ tuka hio wi ndɔng fɛt, ka pam hio kuliwen mɔ zang takarata ɛngɛ. Mɛ alukisi nɛ Sɔ!»

Gbasamɔ 19:19

Nɛ mi zɔka ngɔnzu, nɛ hio kongapora mɔ zu nu hinɛ hio zugili bulo pɛ mbwa. Mbwa wesara may hazu bi bulo sungiri nɛ wan-dang bu yanga hinɛ zugili bulo pɛa.

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Deamɔ 27:25

Mɛgi, hio dan mi, ɛnɛ aba da, hazu mi gde tazu mi ha Sɔ nde, mɔ behɔ gbesi tuka ka wɛnɛ tɔa nɛ ha mi.

Deamɔ 27:21

Yala nɛdɔka, hio wi ha zang kuga yɔng mɔ ndang na. Mɛgi Paul guotɛ yol ha li mbwa nɛ tɔa: «Woo, hio dan mi. A bo nde, ɛnɛ aze nu mi nɛ bhɔn ha Krete, ki ɔ tɛ kpa ngamɔ nɛ yɔamɔ tuka ɛngɛ na.

Deamɔ 27:10

nɛ tɔa: «Hio dan mi, mi zɔka nde, ɔ bekpa may hinɛ ngamɔ ha yali ɛngɛ. Nɛ yo bo sɔna nê toy nɛ kuga ka beyɔmɔ na, ma, ɔ fin lɛma kpa fio.»

Deamɔ 16:30

Hapata a kaya mbwa gbo nɛ ha dɛl, nɛ a ana mbwa: «Hio gasa wi, mi bede nɛ ge, ka mi akpasi, ge nde?»

Deamɔ 14:7

Nɛ mbwa dungɔ ha bulo *Dede Wen haki.

Deamɔ 13:32

Mɛgi, ɔ bul *Dede Wen ha ɛnɛ nde, Sɔ lɛmsara mɔ, ka wɛnɛ bagɔn se nua ha hio ngbabafa ɔ.

Deamɔ 7:26

Hapata yala ndang Moïse kpaa hio ma wi mɔ Israel bwa ha bio tumbɔ, a kio wal mɛ gay mbwa nɛ tɔa: ‹Kara! Ɛnɛ bo nê gdiya na? Hazu ge ɛnɛ ha dea gdangamɔ ha tɛ may, ge?›

Jean 5:26

Hazu, gbesi tuka Bafa mi nɛ ziomɔ mɛ ha tunɔ ha hio wi, a haa mi fin ziomɔ mɛ ha tunɔ ha hio wi.

Gbasamɔ 4:11

«Kongawan, Sɔ pɛ ɔ, mɛ nɛ kongaa hazu kpa lɛkɛ-lɛkɛmɔ, lukosomɔ nɛ ziomɔ. Hazu yo nê mɛ ka dea mɔ fɛt, mɔ ndɔng fɛt ang hazu mɛ ngoya mɛ de yo.»