Deamɔ 13:45 - Takarata pɛ Sɔ Mbombe Mbon

⁴⁵ Ka hio zuife zɔka dɔka giliwi, mbwa angara dea silamɔ. Mbwa kɛkara wen ha nu Paul nɛ mbwa fɛngsa wɛnɛ.

Deamɔ 13:45 Referans Kwoze

Jude 1:10

Hio wi ndɔng ha fɛngsa mɔ ka mbwa ing gotoa na. Ma, hio mɔ ndɔng, ka mbwa ingɔ dea yo nɛ wal multɛ tuka hio sari bɛlɛ, yo nê mɔ ndɔng fɛt ka bebhondisi mbwa.

Deamɔ 18:6

Ma, ka hio zuife guotɛ sungiri nɛ wɛnɛ, nɛ ka mbwa fɛngsa wɛnɛ, a ngbɔa ngbabhuki la pɛa nɛ tɔa: «Ka ɛnɛ yɔa wal pɛ Sɔ, yo atek ha zu ɛnɛ nɛ pɛ ɛnɛ tɛ. Mi bo ha zanga na. Sising, mi benɛ ha pɛ hio mbing kandɔ.»

1 Tesalonike 2:16

Ɔ ha bulo wen ha hio kandɔ ka bo nê zuife na, tuka nde, mbwa akpasi. Nɛ hio zuife ngoy mɛ dol ɔ. Mɛgi, mbwa bhɔna ka swe fɛt ha yɛbhasa gdangamɔ pɛ mbwa. Ma, sising, Sɔ ha dea ngambi sungiri mbwa.

Deamɔ 19:9

Ma, hio ma wi dea nga zu, nɛ mbwa kafa mɛkara Jésus. Mbwa tɔa nyalɔ wen ha li giliwi fɛt sungiri osamɔ hazu wal pɛ Kongawan Jésus. Mɛgi, Paul gɔna soko hinɛ mbwa. A kaya hio *wan-yambimɔ pɛ Jésus gde nɛtɛ. Nɛ swe fɛt, wɛnɛ dungɔ ha osamɔ ha twa yambimɔ pɛ Tiranos.

Deamɔ 5:17

Mɛgi, *wan-zu hio wan-hasadaka nɛ hio ngali pɛa, yo tɔ nde, hio *Sadusien, dea silamɔ sungiri nɛ hio wan-nɛtom.

1 Pierre 4:4

Ma, sising, ɛnɛ bo fin ha dea sɔy hinɛ wi ndɔng ha dea mɔ nɛtum na. Yo nê ɛngi, ka mbwa yaksa, nɛ mbwa tɛ bo ha yaa ɛnɛ.

1 Korente 3:3

Hazu ɛnɛ bhɔna ka ha dea mɔ tuka hio wi mɔ nzan. Ɛnɛ bhɔna ka ha dea silamɔ ha tɛ may nɛ ha kio wen ha soko may. Bo nê ɛngɛ osi nde, ɛnɛ nê hio wi mɔ nzan, nɛ ɛnɛ ha dea mɔ lɛm nɛ ndɔkitɛ wi, na nde?

Deamɔ 17:5

Ma, hio zuife dea silamɔ. Mbwa kaya hio ma wan-gdanga zu ha soko hio wi mɔ zando, nɛ mbwa aa sɔkira ha zala hio giliwi. Mɛgi mbwa angara dea woto-wotomɔ ha zang le. Mbwa nɛa nɛ ki Paul nɛ Silas ha twa pɛ Yason hazu gde mbwa ha li wi fɛt.

Matthieu 27:18

Hazu wɛnɛ ingɔ nde, ɛ gdea Jésus ha kɔ wa nɛ wal silamɔ.

Jacques 4:5

Ha zang takarata pɛ Sɔ ɛ ngɛraka: «Sɔ ha dea gula hazu sɔtɛ ka wɛnɛ gdea ha tɛ ɔ.» Ɛnɛ baa yo tuka gbele wen nde?

Galasi 5:21

golamɔ, nɔa dɔkɔ nɛ ngurua, yɔngamɔ nɛ kang, nɛ fin hio ma tili mɔ mɛgi. Mi gbaa tazu ɛnɛ sɔngsi kari, nɛ mi putiri yo fin nde, hio wi ndɔng ka de hio tili mɔ mɛgi, mbwa lɛm kpa bhandi ha *Kongakandɔ pɛ Sɔ na.

Rome 1:29

Sila mbwa dona nɛ tili kalbho-kalbho mɔ nɛ gdangamɔ fɛt. Mbwa ha gola mɔ, ha dea gdangamɔ, nɛ ha dea gasa sila. Mbwa ha gbɛa wi, ha kio wen, nɛ ha osala wi. Mbwa ha dea gdanga sila, nɛ ha tɔa lingtɛ wi.

Matthieu 23:13

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ gdɔka wal ka le ha *Kongakandɔ Ngɔn ha hio wi. Ɛnɛ nɛ pɛ ɛnɛ tɛ le haki na, nɛ ɛnɛ ha dola hio wi ka ngoy le haki. [

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 14:2

Ma, hio zuife ndɔng ka ngoy mɛkara na, aa sɔkira ha zala hio wi mɔ olo kandɔ nde, sila mbwa apang nɛ hio ya ha Christ.

Deamɔ 14:4

Ma, hio wi mɛ gasa le ɛngi kɛtana soko bwa. Hio ma dungɔ ha gdong hio zuife, nɛ hio ma ha gdong hio *wan-nɛtom.

Deamɔ 14:5

Hapata, hio ma zuife nɛ hio ma wi mɔ olo kandɔ, tɛ ba nɛ hio wan-le pɛ mbwa, guotɛ sungiri nɛ Paul hinɛ Barnabas hazu lo mbwa nɛ ta gbɛ.

Deamɔ 14:19

Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.

2 Korente 11:26

Ha hio dɔka yali pɔm, mi kpaa yeksamɔ ha mbeng li, mi kpɔya ha fio ha kɔ hio nagbɛwi, mi kpaa ngamɔ ha kɔ hio zuife, kandɔ pɔm, nɛ ha kɔ hio olo kandɔ, mi kpaa yeksamɔ ha hio gasa le, ha kpɛnu, ha li nana-litɔng, nɛ ha kɔ wi ndɔng ka tɔ nde, mbwa nê hio ya mi.

2 Timothée 3:11

Mɛ ingɔ hio namalamɔ ka hio wi namala nɛ mi, nɛ hio ngamɔ ka mbwa dea ha tɛ mi ha le Antioshe, ha le Ikoniom nɛ ha le Listre. Mbwa namala mi pentɛ, ma, *Kongawan gbosasa mi ha zang mɔ ndɔng fɛt yunɛ.