Deamɔ 13:39 - Takarata pɛ Sɔ Mbombe Mbon

³⁹ Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Deamɔ 13:39 Referans Kwoze

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

Rome 10:4

Yo nê Christ ka lɛmsara goto mbonga pɛ Moïse. Hio wi fɛt ka mɛkiri Christ tɛ bo nê *nzeng wi ha li Sɔ.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.

Rome 10:10

Kpasawen, wi ka mɛkiri Sɔ nɛ sila wa fɛt, Sɔ begde wɛnɛ nzeng ha li wa. Nɛ wi ka gbasi mɛkaramɔ pɛa nɛ nu wa long, Sɔ bekpasisi wɛnɛ.

Rome 8:1

Sising, Sɔ lɛm gɔn kita ba nɛ wi ndɔng ka de sɔy hinɛ Jésus-Christ, fin na.

Rome 4:15

Hio wi ha kimbolo mɛ pam mbonga pɛ Moïse gan, yo nê ɛngi ka mbwa lɛm nɛ ngambi pɛ Sɔ. Yo sɔna ha bhandi ka mbonga bo ang na, ka hio wi lɛm tukili yo na.

Rome 3:19

Ɔ ingɔ nde, hio wen *mbonga pɛ Moïse fɛt zɔk hio wi ndɔng ka dung ha si mbonga. Mɛgi, wi ndang bo nɛ ma wen hazu ngangi nɛ tɛ wa ha li Sɔ na. Hio wi mɔ nzan fɛt lɛma nɛ kita pɛ Sɔ.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Rome 5:9

Nɛ wal tɔktɛ Christ ɔ tɛ bo nê *nzeng wi ha li Sɔ. Yo nê ɛngi, ka ɔ ingɔ nɛdedea nde, Christ bekpasisi ɔ ha ngambi pɛ Sɔ.

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.

Hebro 10:11

Hio wan-hasadaka fɛt dung mɛ yol ha ngɔn yala fɛt hazu de nɛ tom pɛ mbwa. Mbwa dung mɛ ha hio ndangtɛ tili sadaka hapata may. Nɛ hio sadaka ndɔng lɛm bisi sɛmbɔ pɛ hio wi ndang na.

Hebro 10:4

Hazu tɔk bafa nday nɛ tɔk bafa sami lɛm mɛ bisi sɛmbɔ pɛ wi yunɛ ndang na.

Rome 5:1

Ey, Sɔ gdea ɔ nzeng ha li wa hazu ɔ mɛkara wɛnɛ. Mɛgi, sising, ɔ tɛ bo nɛ gaamɔ ha soko ɔ hinɛ wɛnɛ nɛ wal mɔ ka *Kongawan pɛ ɔ, Jésus-Christ, dea.

Rome 4:24

Ma, ɛ ngɛraka yo hazu ɔ fin. Sɔ zɔka ɔ tuka nzeng wi hazu ɔ mɛkara wɛnɛ, wɛnɛ ka guo Jésus, *Kongawan pɛ ɔ, ha soko hio fiowi.

Deamɔ 10:43

Hio *wan-tɔkuliwen fɛt bulo wen tɛ Jésus nde, wi ndang ndang fɛt ka mɛkiri wɛnɛ, Sɔ bebisi *sɛmbɔ pɛ mbwa nɛ wal ziomɔ pɛ ling Jésus.»

Galasi 5:3

Mi putiri fin tɔ ha ɛnɛ long nde, wi ka gɔn sɔru wa, lɛma ka lɛm nde, wɛnɛ ade mɔ lɛm nɛ *mbonga fɛt wɛɛ.

Galasi 3:8

Takarata pɛ Sɔ tɔa bingiri nde, hio kandɔ ka bo nê *zuife na, bemɛkiri bin Sɔ, nɛ Sɔ bezɔk mbwa tuka nzeng wi ha wena. Yo nê ɛngi, ka yo tɔa fin ha Abraham dede kasi ɛngɛ: «Nɛ wal mɛ, Sɔ bewol dede wen ha zu hio kandɔ fɛt.»

Galasi 2:19

Ey, ha li mbonga mi dung tuka fiowi, yo zɔk fin mi na. Mbonga nɛ pɛa tɛ dea mɛgi tuka nde, mi adung nɛ zutunɔ hazu Sɔ. Mi fea gbesi hinɛ Christ ha getakate.

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

Rome 9:31

Ma, hio zuife, ka dungɔ ha kio wal mɛ dung nzeng ha li Sɔ nɛ wal pama *mbonga, mbwa tɛ tɛ nzeng nɛ wal mbonga na.

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Dede Wen hazu Jésus-Christ ka Luc ngɛraka 18:14

Jésus tɔa fin: «Mi tɔ ha ɛnɛ nde, ka wan-ndɛm mbɔli garama ɛngɛ sio ha twa pɛa, a tɛ bo nzeng ha li Sɔ. Ma, bo nê Farizien ɛngɛ na. Hazu wi ka sutɛ, Sɔ behilsi wɛnɛ. Nɛ wi ka hil nɛ mɛndi, Sɔ begu wɛnɛ gde ha ngɔn.»

Dede Wen hazu Jésus-Christ ka Luc ngɛraka 10:28

Nɛ Jésus tɔa ha wɛnɛ: «Mɛ kiforo wen nɛ wala. Ka mɛ de mɛgi, mɛ bedung nɛ tunɔ kpoo.»

Dede Wen hazu Jésus-Christ ka Luc ngɛraka 10:25

Mɛgi, ma *wan-osi mbonga guotɛ nɛ ana Jésus hazu we sila wa nɛ a tɔa: «Wan-osimɔ, mi bede mɛng hazu kpa nɛ *tunɔ kpoo ge nde?»

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.