Deamɔ 13:3 - Takarata pɛ Sɔ Mbombe Mbon

³ Mɛgi mbwa zimɔ yɔngamɔ nɛ gɔa Sɔ fin. Hapata mbwa gdea kɔ ha zu Barnabas nɛ Saul nde, Sɔ awol dede wen ha zu mbwa. Nɛ mbwa gdea mbwa pen.

Deamɔ 13:3 Referans Kwoze

Deamɔ 6:6

Mbwa gdea wi ndɔng ha li hio wan-nɛtom, nɛ hio wan-nɛtom gdea kɔ ha zu mbwa nɛ gɔa Sɔ.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

1 Timothée 4:14

Ka mɛ alak dea tom nɛ ngatɛ ka *Nzɔy-Sɔtɛ haa ha mɛ gde na. A haa ngatɛ ɛngɛ ha mɛ nɛ wal kuliwen ha ngimɔ ka gili kotowi gdea kɔ ha zu mɛ.

Deamɔ 13:2

Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»

3 Jean 1:8

Lɛma nde, ɔ, hio wi pɛ Christ, agbakiri tili wi ndɔng tuka nde, ɔ ade sɔy hinɛ mbwa ha zang tom ka mbwa de hazu tɛwen.

1 Timothée 5:22

Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

Rome 10:15

Nɛ ɛ bebul wena mɛng, ka ɛ tɛ tomsi wan-bul wena na? Yo gbesi tuka ɛ ngɛraka ha takarata pɛ Sɔ: «Yo nê gasa totɛ mɛ zɔk wi ndɔng ka ku dede kasi tɛnɛ.»

Deamɔ 14:26

Haki, mbwa lea kuga hazu kifiri ha Antioshe, le ka mbwa ba-angiri nɛ yali pɛ mbwa. Yo nê haki ka ɛ bagde mbwa ha si *dede sila pɛ Sɔ hazu tom ka mbwa lɛmsara sising.

Deamɔ 14:23

Ha eglize ndang ndang fɛt, Paul nɛ Barnabas weka hio kotowi gde ha zu mbwa. Mbwa gɔa Sɔ nɛ zimɔ yɔngamɔ, nɛ mbwa gdea kotowi ndɔng ha kɔ *Kongawan, ka mbwa mɛkara ha wɛnɛ.

2 Timothée 1:6

Yo nê hazu ɛngi, mi gba tazu mɛ nde, ngatɛ ka Sɔ haa ha mɛ nɛ wal gdea kɔ mi ha zu mɛ, mɛ tunsi yo nɛ mbinga fin.

Deamɔ 15:40

Paul nɛ pɛa tɛ weka Silas. Ka hio wi pɛ Christ gɔa Sɔ mɛ de *dede sila ha tɛ mbwa, mbwa pena.

3 Jean 1:6

Mbwa tɔa kasi ngoy ka mɛ ngoya nɛ mbwa ha li hio *giliwi mɔ eglize hakɛ. Nɛdedea nde, mɛ agbakiri mbwa tuka Sɔ ngoya ka mbwa benak yali pɛ mbwa.

Deamɔ 9:17

Mɛgi, Ananias pena nɛ lea twa ɛngi. A gdea kɔ ha zu Saul nɛ tɔa: «Saul, ya mi, yo nê Kongawan Jésus ha tomsi mi ha mɛ. Yo nê wɛnɛ ka gbasa tɛ ha mɛ ka mɛ ha tɛa ha liwal. A tomsa mi nde, mɛ azɔk mɔ nɛ mbinga, nɛ nde, mɛ adon nɛ *Nzɔy-Sɔtɛ.»

Dede Wen hazu Jésus-Christ ka Luc ngɛraka 2:37

Mɛgi Anne dungɔ nagula tee. Bɛlɛ pɛa fɛt tɛ bo nɛ bhukɔa mɔrkɔ zu bhukɔa tar gbala nar. A lak gasa twa Sɔ gde ndang na. Swe nɛ zɛ a dea tom Sɔ nɛ wal gɔa Sɔ, nɛ ma ngimɔ wɛnɛ zimɔ fin yɔngamɔ.

Deamɔ 1:24

Hapata, mbwa gɔa Sɔ nɛ tɔa: «Kongawan, mɛ ingɔ mɔ fɛt ha zang sila wi, mɛ osi ha ɔ wi ka mɛ weka ha soko wi ndɔng bwa.

Deamɔ 13:4

Mɛgi *Nzɔy-Sɔtɛ tomsa Barnabas hinɛ Saul, nɛ mbwa nɛa ha le Selesi. Mbwa lea kuga haki hazu nɛ ha kisi Shipre.