Deamɔ 13:27 - Takarata pɛ Sɔ Mbombe Mbon

²⁷ Hio wi mɛ Jérusalem, nɛ hio wan-le pɛ mbwa fɛt tɛ ing nde, Jésus tɛa hazu kpasisi ɔ, na. Ngase ka mbwa ha tɔla wen pɛ hio wan-tɔkuliwen ha swe ɔmtɛ ndang ndang fɛt, mbwa ing gotoa ndang na. Ma, mbwa lɛmsara hio wen ndɔng nɛ wal gɔna kita fio ha zu Jésus.

Deamɔ 13:27 Referans Kwoze

Deamɔ 3:17

«Hio ya mi, mi ingɔ nde, ɛnɛ hinɛ hio wan-le pɛ ɛnɛ dea mɔ nɛ gdanga ha tɛ Jésus, hazu ɛnɛ tɛ ing mɔ ka ɛnɛ dea na.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Deamɔ 15:21

Hazu angiri nɛ ngimɔ pɛ hio ngbabafa ɔ, ɛ bulo mbonga ndɔng pɛ Moïse ha zang hio le fɛt, nɛ ha *swe ɔmtɛ fɛt, ɛ tɔla yo nɛnɛ ha zang hio *twa gɔ Sɔ.»

Dede Wen hazu Jésus-Christ ka Luc ngɛraka 24:20

Hio gasa wan-hasadaka nɛ hio wan-le pɛ ɔ gdea wɛnɛ ha kɔ Pilate mɛ gɔn kita fio ha zu wa. Nɛ ɛ ngbaa wɛnɛ ha getakate.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

2 Korente 3:14

Ma, takaramɔ pɛ mbwa tɛ bo nɛ ngaya. Hɔ ha swe mɛsɛ, la ɛngɛ ha goka takaramɔ pɛ mbwa ka mbwa tɔl takarata mɔ mɔa nɔa mbon. Yo sɔna nɛ wal dea sɔy hinɛ Christ, ka wi lɛma gu la ɛngɛ yunɛ.

1 Korente 2:8

Ma wan ndang mɔ nzan ɛngɛ tɛ ing mbaramɔ ɛngɛ na. Hazu, ka bo se nde, mbwa aing yo, ki mbwa tɛ ngba lɛkɛ-lɛkɛ *Kongawan ha getakate na.

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

Jean 15:21

Ma, mbwa bede mɔ ndɔng fɛt ha tɛ ɛnɛ, hazu ɛnɛ mɛkara mi, nɛ hazu mbwa ing wan-tomsi mi tɛnɛ na.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

Jean 16:3

Mbwa bede mɛgi, hazu mbwa tɛ ing ngase Bafa mi, ngase mi na.

Jean 8:28

Mɛgi Jésus tɔa ha mbwa: «Ha ngimɔ ka ɛnɛ begu mi, *Bewei pɛ Wi, gde ha ngɔn, ɛnɛ being nde, mi nê wi ka mi tɔ wen pɛa. Nɛ yo nê ha ngimɔ ɛngi ka ɛnɛ being nde, mi de mɔ nɛ pɔm tɛ na, ma, mi tɔ sɔna nɛ wen ka Bafa mi osa ha mi.

Dede Wen hazu Jésus-Christ ka Luc ngɛraka 22:34

Jésus kiforo wen: «Pierre, mi tɔ ha mɛ nde, mɛsɛ, sɔngsi ka gɔlɛ tɛ dɔm ka na, mɛ bekafi mi zetar nde, mɛ ing mi na.»

Matthieu 22:29

Jésus kiforo wen ha mbwa: «Ɛnɛ yɔamɔ. Hazu ɛnɛ ing takarata pɛ Sɔ nɛ ziomɔ pɛa na.

Dede Wen hazu Jésus-Christ ka Luc ngɛraka 23:13

Hapata, Pilate wesara hio gasa wan-hasadaka, hio wan-le, nɛ kandɔ fɛt,

Jean 5:39

Ɛnɛ yambi takarata pɛ Sɔ hazu ɛnɛ takiri nde, ɛnɛ ha kpaa *tunɔ kpoo ha zanga. Ma, bo nê takarata pɛ Sɔ ha kɛ wen tɛ mi, na nde?