Deamɔ 12:17 - Takarata pɛ Sɔ Mbombe Mbon

¹⁷ Pierre pɛbhaka kɔ ha mbwa nde, mbwa akari sɛm. Nɛ wɛnɛ tɔa ha mbwa, wal ka Kongawan gbosasa wɛnɛ ha twa zɔbhɔ gde ha dɛl. A tɔa fin: «Ɛnɛ pi kasara wen mɔ ndɔng ha Jacques, nɛ hio olo ya ha Christ.» Hapata a gboa pen nɛ ha ma mbing bhandi.

Deamɔ 12:17 Referans Kwoze

Deamɔ 21:40

Gasa kagama-bulo mɛkara yo. Paul yola ha zu mɔ dang kin, nɛ a pɛa kɔ ha giliwi. Mbwa kara selele. Mɛgi, a wolamɔ ha mbwa nɛ nu *Hebro, nu pɛ hio zuife, a tɔa:

Deamɔ 19:33

Hio *zuife kuo Alexandre gde ha li giliwi. Nɛ hio ma wi mɛ zugili tɔa goto wesara may ɛngɛ ha wɛnɛ. Mɛgi, Alexandre pɛbhaka kɔ hazu a ngoya lea gdong wen pɛ hio zuife ha li wi fɛt.

Deamɔ 13:16

Paul guotɛ, pɛbhaka kɔ nɛ tɔa: «Hio wi mɔ *Israel, nɛ hio wi fɛt ka lukisi Sɔ. Ɛnɛ ze mi!

Deamɔ 21:18

Nɛ mɔsaa Paul nɛa hinɛ ɔ ha pɛ Jacques, ha bhandi ka hio kotowi mɔ eglize wesara may ang.

Deamɔ 15:13

Ka mbwa karsa tɔa wen, Jacques kɔa nɛ tɔa: «Hio ya mi, ɛnɛ ze mi!

Galasi 2:12

Hazu sɔngsi, Pierre dungɔ ha yɔngamɔ gbesi hinɛ hio wi pɛ Christ ka bo nê *zuife na. Ma, hapata hɔa pɛ hio wi ndɔng ka Jacques tomsa tɛnɛ, a daka tɛ wa, nɛ a yɔngmɔ hinɛ mbwa fin na, yu nɛ ke hio wi pɛ Christ mɔ kandɔ zuife ndɔng ka ngoy nde, hio olo wi pɛ Christ fɛt agɔn sɔru mbwa.

Galasi 2:9

Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.

Galasi 1:19

Nɛ ha ngimɔ ɛngi mi tɛ zɔk ma mbing wan-nɛtom fin na, bhɔn kanɛ Jacques, bebe ya mɛ *Kongawan.

1 Korente 15:7

Hapata, a osa tɛ wa ha Jacques, hapata ha hio *wan-nɛtom fɛt.

Jean 11:54

Hazu ɛngi, Jésus tɛ ngoy fin gbasa tɛ wa ha li hio wi na. Mɛgi, a pena ha ma bhandi mɔ pɛtɛ kpɛnu, ha le Efraim. Wɛnɛ hinɛ hio *wan-yambimɔ pɛa dungɔ haki.

Jean 8:59

Ka mbwa zea mɛgi, mbwa kaya hio ta hazu lo nɛ wɛnɛ gbɛ. Ma, Jésus yɔamɔ ha li mbwa gbo ha *gasa twa Sɔ pen.

Matthieu 10:23

Ka ɛ benamili ɛnɛ ha ma le, ɛnɛ ayu mɔ pen si ha mbinga. Kpasawen, mi tɔ ha ɛnɛ nde, mi, *Bewei pɛ Wi bekifiri sɔngsi nde, ɛnɛ akarsi tom pɛ ɛnɛ ha zang hio le mɔ *Israel fɛt.

Jacques 1:1

Yo nê mi, Jacques, wan-tom pɛ Sɔ nɛ pɛ *Kongawan Jésus-Christ, ha ngɛriki takarata ɛngɛ ha ɛnɛ, hio kandɔ *Israel ka yambala nɛ ha zu nzan fɛt. Mi fana ɛnɛ fɛt nɛdedea.

Deamɔ 16:40

Paul nɛ Silas gboa ha twa zɔbhɔ nɛ ha pɛ Lidi. Mbwa kpaa hio ya ha Christ haki, nɛ mbwa gdea da ha sila mbwa. Hapata mbwa pena.

Jean 13:24

Simon-Pierre yɔnga li ha wan-yambimɔ ɛngɛ mɛ ani Jésus nde, yo nê nge wi ka wɛnɛ tɔ wen pɛa, o nde?

Jean 10:40

Wɛnɛ kiforo fin si ha kuli Jourdain ha bhandi ka Jean bagdumsi hio wi, nɛ wɛnɛ dungɔ haki.

Jean 7:1

Hapata, Jésus dungɔ ha yala bhɔn ka ha kandɔnu Galile. A tɛ ngoy fin yala ha kandɔnu Judée na, hazu haki hio wan-le *zuife dungɔ ha kio wal mɛ gbɛ wɛnɛ.

Dede Wen hazu Jésus-Christ ka Luc ngɛraka 1:22

Ka wɛnɛ gboa, a lɛm wolmɔ ha mbwa fin na. Nɛ mbwa ingɔ nde, a zɔka zizimɔ ha zang gasa twa Sɔ. Mɛgi wɛnɛ pɛbhaka sɔna nɛ kɔ ha mbwa, nɛ a dungɔ nɛ gdɔka nu.

Marc 6:3

Bo nê wɛnɛ nê wan-sɛkte, bewei pɛ Marie na nde? Hio ya wa bo nê Jacques, Yozes, Judée nɛ Simon na nde? Hio ya wa mɔ bhoko de le ha soko ɔ na nde?» Mɛgi, mɔ ndɔng fɛt dolsa mbwa mɛ mɛkiri Jésus.

Deamɔ 1:15

Ha ma yala ndɔng ndang, hio ya ha Christ wesara may lɛm nɛ wi gɔmmay zu bhuze bwa. Pierre guo tɛ tɔ ha mbwa:

Deamɔ 12:16

Ma, Pierre bhɔna ha kɔna nutwa kanɛ mbwa gbosasa yo. Ka mbwa zɔka wɛnɛ, mbwa yaksa pentɛ.

Deamɔ 12:18

Ka mɔsaa, sila hio wan-bibulo bhunzoko nɛkpasa. Mbwa anamɔ ha soko may: «Yo nê ge ka hɔa ha Pierre ge?»

Deamɔ 28:15

Hio ya ha Christ mɔ Rome zea kasi tɛ ɔ, nɛ mbwa wea si ɔ tɛnɛ. Hio ma tɛa kanɛ bhandi zando pɛ Apius, nɛ hio ma kanɛ bhandi, ka ɛ sa nde, twa gɛnɛ tar. Ka Paul zɔka mbwa, tɛ wa ngaya nɛ a lukoso Sɔ.