Deamɔ 11:29 - Takarata pɛ Sɔ Mbombe Mbon

²⁹ Mɛgi hio wan-yambimɔ kpoa zuwen nde, mbwa ndang ndang fɛt betomsi mɔ, ka lɛm nɛ mɔ ha kɔ mbwa, ha hio wi pɛ Christ ha kandɔnu Judée.

Deamɔ 11:29 Referans Kwoze

Galasi 2:10

Nɛ mbwa ngoya ka sɔna nde, ɔ agbakiri hio fabha wi mɔ eglize ha Jérusalem. Nɛ mi gdea tɛ mi fɛt ha dea mɛgi.

1 Korente 13:5

wɛnɛ de mɔ foy na, wɛnɛ zɔk sɔna nɛ tɛ wa na, wɛnɛ de yimsila na, nɛ wɛnɛ gde wi ha sila wa na.

Deamɔ 11:26

Ka wɛnɛ kpaa Saul kari, a kuo wɛnɛ tɛnɛ ha Antioshe fin. Nɛ mbwa dea kili bɛlɛ ndang ha soko giliwi mɔ eglize haki. Mbwa osamɔ hazu Jésus ha hio dɔka wi. Yo nê ha Antioshe ka ɛ angara saa hio *wan-yambimɔ pɛ Jésus nɛ bosia nde, wi pɛ Christ.

Deamɔ 11:1

Hio *wan-nɛtom nɛ hio wi pɛ Christ mɔ Judée zea nde, hio ma wi, ka bo nê *zuife na, mɛkara fin wen pɛ Sɔ.

Deamɔ 4:34

Mɛgi, mɔ kɔpi ma wi ndang na, hazu ɛ ndɔng ka dungɔ nɛ twa mana fɔ, gdonga yo nɛ kuo mbɔlia tɛnɛ

Jean 2:2

Nɛ ɛ saa Jésus hinɛ hio *wan-yambimɔ pɛa fin nde, mbwa anɛ ha yenga.

Deamɔ 1:15

Ha ma yala ndɔng ndang, hio ya ha Christ wesara may lɛm nɛ wi gɔmmay zu bhuze bwa. Pierre guo tɛ tɔ ha mbwa:

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

Deamɔ 9:19

Hapata a yɔngamɔ, nɛ a kpaa ngatɛ fin. Saul bhɔna ha Damas hinɛ hio *wan-yambimɔ pɛ Jésus lɛm nɛ ma yala.

Deamɔ 9:25

Mɛgi, ma zɛ, hio wan-yambimɔ pɛ Saul gdea wɛnɛ ha zang gasa gɛsɛ. Mbwa kpoa pɛl ha nua, nɛ mbwa zilso yo nɛ zu kin gde ha gdonga.

Deamɔ 13:52

Ma, hio wi mɛ Antioshe ka tɛ bo nê *wan-yambimɔ pɛ Jésus dona nɛ totɛ nɛ *Nzɔy-Sɔtɛ.

Deamɔ 14:20

Ma, ka hio *wan-yambimɔ pɛ Jésus wesara may zikiri wɛnɛ, a guotɛ si ha gasa le. Ka mɔsaa, wɛnɛ hinɛ Barnabas baa wal pen ha Derbe.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Deamɔ 24:17

«Hapata dɔka bɛlɛ ka mi dea ha hio gɔn-gɛnɛ le, mi kiforo sising pe ha Jérusalem hazu gbakiri hio wi mɔ kandɔ pɔm nɛ mbɔli ka ɛ gdea ha kɔ mi, nɛ hazu ha sadaka ha Sɔ.

Matthieu 25:17

Wi ka kpaa lafu mbɔli bwa dea gbesi, nɛ wɛnɛ kpaa lafu mbɔli bwa gde ha zua.