Deamɔ 11:24 - Takarata pɛ Sɔ Mbombe Mbon

²⁴ Barnabas dungɔ nê dede wi ka dona nɛ *Nzɔy-Sɔtɛ nɛ mɛkaramɔ. Nɛ hio dɔka wi mɛkara Kongawan.

Deamɔ 11:24 Referans Kwoze

Deamɔ 11:21

Ngatɛ pɛ Kongawan dungɔ hinɛ mbwa, nɛ hio dɔka wi kiforo sila mbwa hazu mɛkiri Kongawan.

Deamɔ 5:14

Swe fɛt dɔka gili wei nɛ bhoko ka mɛkara *Kongawan dungɔ ha yɛbha. Nɛ mbwa lea soko *giliwi mɔ eglize.

Deamɔ 6:5

Giliwi fɛt kɔa wen ɛngɛ. Nɛ mbwa weka Etienne, ka dona nɛ mɛkaramɔ nɛ Nzɔy-Sɔtɛ, tɛ ba nɛ Philippe, Prokor, Nikanor, Timon, Parmenas, nɛ Nicolas wi mɛ Antioshe ka tɛ bo ha dea tom Sɔ pɛ *zuife.

Rome 15:15

Ma, mi baa da mɛ ngɛriki nɛ hio ma wen ha zang takarata ɛngɛ hazu gba nɛ tazu ɛnɛ nɛ mɔ ka ɛnɛ yamba kari. Mi dea mɛgi hazu Sɔ dea *dede sila ha tɛ mi

Deamɔ 9:31

Mɛgi, *giliwi mɔ eglize dungɔ ha zang gaamɔ ha Judée, ha Galile nɛ ha *Samari. Mbwa kpɔatɛ ha wal mɔ Sɔ, mbwa yuo ke Kongawan ha deamɔ pɛ mbwa fɛt, nɛ dɔka mbwa yɛbha nɛnɛ hazu *Nzɔy-Sɔtɛ gbakara mbwa.

Deamɔ 6:8

Sɔ dea *dede sila ha tɛ Etienne pentɛ, nɛ a haa wɛnɛ ziomɔ nɛdɔka. Mɛgi, Etienne dungɔ ha dea *mɔkifi nɛ gasa *mɔweka ha soko hio wi.

Deamɔ 6:3

Hazu ɛngi, hio ya ɔ, ɛnɛ weki hio wi mɔrkɔ zanga bwa ha soko ɛnɛ, ka ɔ agde tom kapana yɔngamɔ ha kɔ mbwa. Lɛma nde, mbwa adung nɛ dede ling, nɛ mbaramɔ, nɛ sila ka don nɛ *Nzɔy-Sɔtɛ.

Rome 5:7

Ngase ka ma wi dung nzeng, yo nɛ ngaya mɛ kpa wi ka mɛkiri mɛ fe gɔn nɛ zu wi ɛngɛ. Mana, ma wi lɛma ba da mɛ fe gɔn nɛ zu ma dede wi.

Deamɔ 24:16

Yo nê ɛngi, ka mi gbɛngsi tɛ mi hazu pam sila mi swe fɛt nɛ saa ha li Sɔ nɛ ha li hio wi.

Jean 7:12

Hio wi dungɔ ha tɔa wen pɛa nɛdɔka ha soko may. Hio ma tɔa nde, wɛnɛ nê dede wi. Nɛ hio ma mbinga tɔa nde, wɛnɛ nê wan-osili giliwi.

Dede Wen hazu Jésus-Christ ka Luc ngɛraka 23:50

Ma wei mɔ Arimate, ma le ha Judée, ling wa nde Joseph ang fin haki. Wɛnɛ nê ma ha soko hio *wan-kpo zuwen, ma, a tɛ mɛkiri kpoa zuwen nɛ deamɔ pɛ hio oloa na. Wɛnɛ nê dede nɛ *nzeng wi, nɛ a dungɔ ha kera nɛting ngimɔ ka *Kongakandɔ pɛ Sɔ behɔ.

Matthieu 19:17

Jésus kiforo wen ha wɛnɛ: «Mɛ ani mi hazu mɔ ka dung nɛ dedea hazu ge? Yo nê Sɔ ndang sɔna ka dung nɛdedea. Ka mɛ ngoya kpa tunɔ kpoo, dea nde, mɛ apam hio *mbonga pɛ Sɔ.»

Matthieu 12:35

Dede wi gbosisi nɛ dedemɔ ka don zang sila wa. Nɛ gdanga wi gbosisi nɛ gdangamɔ ka don zang sila wa.

Deamɔ 2:4

Mbwa fɛt dona nɛ Nzɔy-Sɔtɛ, nɛ mbwa angara wolamɔ nɛ hio nu nɛtɛ-nɛtɛ, tuka ka Nzɔy-Sɔtɛ gdea ha nu mbwa.

Deamɔ 2:47

Mbwa lukoso Sɔ nɛ hio wi zɔka mbwa tuka dede wi. Nɛ yala ndang ndang fɛt *Kongawan lesasa hio wi ndɔng ka wɛnɛ kpasasa, ha soko hio wi mɔ eglize.