Deamɔ 11:20 - Takarata pɛ Sɔ Mbombe Mbon

²⁰ Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 11:20 Referans Kwoze

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Matthieu 27:32

Ka mbwa ha gboa ha gasa le, mbwa kpaa ma wi mɔ Sirene, ling wa nde Simon. Hio wan-bibulo nɔsasa wɛnɛ mɛ gu getakate pɛ Jésus.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Deamɔ 6:9

Ma, hio ma *zuife guotɛ nɛ angara zanga wen sungiri nɛ Etienne. Hio ma ha soko mbwa bagutɛ ha hio le Sirene nɛ Alezandri tɛnɛ. Mbwa nê wi mɛ *twa gɔ Sɔ ka ɛ sa nde, ɔ bo fin nê bala na. Hio ma ha soko mbwa bagutɛ ha kandɔnu Silisi nɛ ha nu Azi.

Deamɔ 2:10

Frizi, Panfili, Ezipte. Nɛ fin hio ma mɔ kandɔnu Libi ha wal Sirene, hio ma mɔ gasa le Rome,

1 Korente 2:2

Mi bagɔn nu sɔngsi nde, ka mi bedung ha soko ɛnɛ, mi aing ma mɔ na, kanɛ Jésus-Christ, wɛnɛ ka fea ha getakate.

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Deamɔ 9:29

A wola wen nɛ sio kafɛ hinɛ hio *zuife ka wol nu greke, ma, mbwa kio wal mɛ gbɛ wɛnɛ.

Deamɔ 9:20

Nɛhasa wɛnɛ angara bulo wen ha hio *twa gɔ Sɔ nde, Jésus nê *Bewei pɛ Sɔ.

Deamɔ 8:35

Mɛgi, Philippe baa wen, nɛ a bulo ha wɛnɛ *Dede Wen hazu Jésus angiri nɛ goto wen ɛngɛ, ka Esaïe bangɛriki.

Deamɔ 8:5

Philippe nɛa ha gasa le mɔ kandɔnu Samari, nɛ wɛnɛ bulo Dede Wen haki nde, *Mesi hɔa kari.

Deamɔ 5:42

Nɛ yala ndang ndang fɛt, ha zang gasa twa Sɔ nɛ ha hio twa nɛnɛ, mbwa bhɔna ha osa nɛ bulo *Dede Wen nde, Jésus nê *Mesi.

Deamɔ 4:36

Ma bezang pɛ Lévi ang, ling wa nde, Joseph. Ɛ bhɛa wɛnɛ ha Shipre. Hio wan-nɛtom haa ma ling wa nde, Barnabas, ka tɔ nde, wan-yɔkili wi.

Jean 7:35

Mɛgi hio wi anamɔ ha soko may: «Wɛnɛ benɛ ha nge bhandi ka ɔ lɛm kpa wɛnɛ ang na, ge nde? A benɛ ha pɛ hio *zuife ndɔng ka yambala ha soko hio olo kandɔ hazu osi mɔ ha hio kandɔ ndɔng nde?

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

Deamɔ 6:5

Giliwi fɛt kɔa wen ɛngɛ. Nɛ mbwa weka Etienne, ka dona nɛ mɛkaramɔ nɛ Nzɔy-Sɔtɛ, tɛ ba nɛ Philippe, Prokor, Nikanor, Timon, Parmenas, nɛ Nicolas wi mɛ Antioshe ka tɛ bo ha dea tom Sɔ pɛ *zuife.

Deamɔ 11:19

Hapata gbɛa Etienne, ɛ angara namala hio wi pɛ Christ, nɛ mbwa yambala. Hio ma nɛa ha kandɔnu Fenisi, hio ma ha kisi Shipre, nɛ hio ma ha gasa le Antioshe. Ha bhandi fɛt ka mbwa hɔa ang, mbwa bulo wen pɛ Sɔ sɔna ha hio *zuife.

Deamɔ 11:22

*Giliwi mɔ eglize ha Jérusalem zea kasia. Mɛgi, mbwa tomsa Barnabas nɛ ha Antioshe.

Deamɔ 11:26

Ka wɛnɛ kpaa Saul kari, a kuo wɛnɛ tɛnɛ ha Antioshe fin. Nɛ mbwa dea kili bɛlɛ ndang ha soko giliwi mɔ eglize haki. Mbwa osamɔ hazu Jésus ha hio dɔka wi. Yo nê ha Antioshe ka ɛ angara saa hio *wan-yambimɔ pɛ Jésus nɛ bosia nde, wi pɛ Christ.

Deamɔ 11:27

Ha ngimɔ ɛngi, hio ma *wan-tɔkuliwen guotɛ ha Jérusalem hɔ ha Antioshe.

Deamɔ 14:26

Haki, mbwa lea kuga hazu kifiri ha Antioshe, le ka mbwa ba-angiri nɛ yali pɛ mbwa. Yo nê haki ka ɛ bagde mbwa ha si *dede sila pɛ Sɔ hazu tom ka mbwa lɛmsara sising.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 15:23

Mbwa ngɛraka ma takarata gde ha kɔ wi ndɔng. Yo tɔa mɛgɛ: «Ɔ, hio wan-nɛtom nɛ hio kotowi fɛt, ɔ fana hio ya ɔ, ka bo nê zuife na, ka dung ha le Antioshe, ha kandɔnu Siri nɛ ha kandɔnu Silisi.

Deamɔ 15:30

Mɛgi, hio wan-nɛkasara ndɔng nar pena. Ka mbwa hɔa ha Antioshe, mbwa wesara hio wi pɛ Christ fɛt, nɛ haa takarata ɛngɛ ha mbwa.

Deamɔ 18:22

Ka kuga bhanda ha Sezare, a danga nɛ ha Jérusalem mɛ fan *giliwi mɔ eglize haki. Hapata, a pena nɛ ha Antioshe mɔ Siri.

Galasi 2:11

Ma, ka Pierre hɔa ha Antioshe, mi sɛna wen ha wɛnɛ ha li wi fɛt, hazu a bo ha dea mɔ nɛdedea na.