Deamɔ 10:42 - Takarata pɛ Sɔ Mbombe Mbon

⁴² Mɛgi, Jésus haa nu ha ɔ mɛ bul Dede Wen ha kandɔ *zuife, nɛ mɛ gbasi fin long nde, Sɔ gdea wɛnɛ tuka wan-gɔn kita ha zu hio tunɔ nɛ fiowi.

Deamɔ 10:42 Referans Kwoze

2 Korente 5:10

Hazu, lɛma nde, ɔ hinɛ ɛnɛ fɛt ahɔ ha li Christ tuka nde, wɛnɛ agɔn kita ha zu ɔ. A bekɛ ɔ ndang ndang fɛt lɛm nɛ dedemɔ mana nɛ gdangamɔ ka ɔ dea ha ngimɔ ka ɔ dungɔ nɛ tɛ ɛngɛ.

1 Pierre 4:5

Ma, ma swe ndang, mbwa beyol bin ha li Sɔ hazu tɔ pata deamɔ pɛ mbwa fɛt. Wɛnɛ tɛ bo sanga mɛ gɔn kita ha zu hio tunɔ wi nɛ ha zu hio fiowi gbesi.

2 Timothée 4:1

Ha ngimɔ ka Jésus-Christ bepe nɛ tuka *kongapora, a begɔn kita ha zu hio fiowi nɛ hio tunɔwi. Mɛgi, mi ha nu ha mɛ ha li Sɔ nɛ ha li Jésus-Christ nde,

Deamɔ 17:31

Hazu a weka ma yala, ka wɛnɛ begɔn nzeng kita ha zu hio wi mɔ nzan fɛt. A weka wan-gɔn kita ɛngɛ kari, nɛ a gbasa wɛnɛ long nɛ wal guo wɛnɛ ha soko hio fio wi.»

Gbasamɔ 22:12

Jésus tɔa: «Zɔk, mi bepe nɛhasa. Nɛ mi beku hio kɛamɔ pɔm tɛnɛ hazu kɛ wi ndang ndang fɛt lɛm nɛ deamɔ pɛ mbwa.

Deamɔ 1:2

kanɛ swe ka Sɔ guo wɛnɛ si ha ngɔn. Jésus baweki se hio *wan-nɛtom pɛa. Nɛ sɔngsi ka wɛnɛ tɛ si ka ha ngɔn na, a osa ha mbwa nɛ wal ngatɛ pɛ Nzɔy-Sɔtɛ mɔ ka mbwa bede.

Gbasamɔ 1:7

Ɛnɛ zɔk, a betɛ ha zu buswe, nɛ wi fɛt bezɔk wɛnɛ, ngase wi ndɔng ka batok tɛ wa. Nɛ hio kandɔ mɔ nu fɛt gbi behe kwa hazu wa. Ey, mɔ behɔ mɛgi! Amen.

2 Timothée 4:8

Mɔ sising, kɛamɔ pɛ wan-gan bulo ha kera mi hazu mi dea mɔ nzeng. Kongawan, nzeng wan-gɔn kita, beha mi kɛamɔ ɛngɛ ha swe ka wɛnɛ bepe nɛ. A lɛm ha yo sɔna ha mi gbatɛ na, ma, a beha yo fin ha hio wi ndɔng fɛt ka keri kiforo pɛa nɛ totɛ.

Deamɔ 5:20

«Ɛnɛ nɛ ha zang *gasa twa Sɔ, nɛ bul ha hio wi hio wen mbombe tunɔ fɛt.»

Deamɔ 1:8

Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Dede Wen hazu Jésus-Christ ka Luc ngɛraka 16:28

Hazu mi nɛ hio ya mi mɔrkɔ haki. Dea nde, Lazare anɛ nɛ mbo mbwa tuka nde, mbwa atɛ ha bhandi yɔnga nzata ɛngɛ fin na.›

Dede Wen hazu Jésus-Christ ka Luc ngɛraka 22:22

Kpasawen, mi, *Bewei pɛ Wi, befe tuka ka Sɔ bhɔngara. Ma, ngɔtɛ ha wi ka beha kasatɛ mi.»

Deamɔ 24:25

Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»

Rome 2:16

Mɔ ndɔng ki fɛt begbo long ha swe ka Sɔ begɔn kita nɛ wal Jésus-Christ ha zu hio takaramɔ ka wusi tɛ ha sila wi. *Dede Wen ka mi bul, yo tɔ ka mɛgi fin.