Deamɔ 10:4 - Takarata pɛ Sɔ Mbombe Mbon

⁴ A gɛra telenge, ke baa wɛnɛ, nɛ a tɔa: «*Kongawan, yo nê ge ka mɛ tɛa ge?» Telenge tɔa ha wɛnɛ: «Tazu Sɔ tɛ bisi nɛ mɛ na. A zea gɔamɔ pɛ mɛ, nɛ a mɛkara dea ngay ka mɛ dea ha tɛ hio fabha wi.

Deamɔ 10:4 Referans Kwoze

Filipe 4:6

Ka ɛnɛ adung nɛ nɔzang hazu ma mɔ na. Ma, ha zang mɔ fɛt, ɛnɛ gɔ Sɔ, nɛ ɛnɛ ani mɔ ka kɔpi ɛnɛ ha kɔ wa. Ɛnɛ tɔ oeba ha wɛnɛ hazu mɔ fɛt ka wɛnɛ de.

Hebro 6:10

Sɔ bo nê wan-de kalbho-kalbho mɔ na. Mɛgi, tazu wa lɛm bisi nɛ tom nɛ ngoy pɛ ɛnɛ na. Ɛnɛ gbakara hio nzɔy wi pɛ Sɔ, nɛ ɛnɛ bhɔna ka ang. Ɛngi osi nde, ɛnɛ ha ngoya Sɔ.

Deamɔ 10:31

Wia tɔa ha mi: ‹Korneille, Sɔ zea gɔamɔ pɛ mɛ. Tazu wa gbaa nɛ ngay ka mɛ de ha tɛ hio fabha wi.

Gbasamɔ 8:4

Nɛ zɛwe kulo pɛlmɔ gbesi nɛ hio gɔamɔ pɛ hio wi pɛ Sɔ danga ha kɔ telenge ɛngɛ nɛ ha li Sɔ.

Filipe 4:18

Mi kpaa hio mɔ-kɔ ɛnɛ fɛt ka ɛnɛ tomsa ha mi. Yo lɛma hazu mi pen zua. Mɔ ka ɛnɛ gdea ha kɔ Epafrodite tɛnɛ ha mi, yo lɛma mi nɛkpasa. Hio mɔ-kɔ ɛnɛ ndɔng dung tuka yefa sadaka ka dede pɛla siing danga nɛ ha pɛ Sɔ, nɛ ka ha totɛ ha wɛnɛ.

Hebro 13:16

Ka tazu ɛnɛ abisi nɛ dea dedemɔ nɛ dea ngay ha tɛ may na, hazu yo nê tili sadaka mɛgi ka ha totɛ ha Sɔ.

Dede Wen hazu Jésus-Christ ka Luc ngɛraka 1:29

Marie yaksa nɛdɔka nɛ a takaramɔ ha sila wa nde, goto fani ɛngɛ mɛng?

Matthieu 26:13

Kpasawen, mi tɔ ha ɛnɛ: Ha bhandi fɛt ka ɛ bebul *Dede Wen ang, dam nzan fɛt, ɛ betɔ kasi mɔ ka bhoko ɛngɛ dea, tuka nde, tazu hio wi agba nɛ wɛnɛ.»

Deamɔ 22:10

Nɛ mi anamɔ: ‹Kongawan, mi bede mɛng?› Kongawan kiforo wen ha mi: ‹Mɛ gutɛ, mɛ nɛ ha Damas. Haki, ɛ beosi ha mɛ mɔ fɛt ka Sɔ weka nde mɛ ade.›

Dede Wen hazu Jésus-Christ ka Luc ngɛraka 24:5

Ke baa bhoko ndɔng nɛ mbwa gɛsa zu ha nu. Nɛ wei ndɔng bwa ana mbwa: «Hazu ge ɛnɛ ki tunɔwi ha soko fiowi ge nde?

Deamɔ 3:4

Pierre nɛ Jean kiforo li zɔk wɛnɛ, nɛ Pierre tɔa ha wɛnɛ: «Mɛ zɔk ɔ.»

Deamɔ 14:9

Ma swe, wei ɛngɛ dungɔ ha zea Paul ha bulo wen. Paul mbara wɛnɛ gdoo, nɛ zɔka nde, wɛnɛ nɛ mɛkaramɔ mɛ kpasi ha zɛlɛ pɛa.